ខេត្តកំពង់ចាម៖ ទឹកទន្លេមេគង្គបានបន្តហក់ឡើង លើសពីកំរិតប្រកាសឲ្យប្រុងប្រយ័ត្ន១៥,២០ម៉ែត្រ
ក្នុងនោះពលរដ្ឋចំនួន១.៤៤១គ្រួសារស្មើនឹង៤.៨៦៩នាក់ ត្រូវបានជម្លៀសមកកាន់ទីទួលសុវត្ថិភាព។ ជាមួយនោះ ពលរដ្ឋដែលរងគ្រោះដោយពស់ចឹក ឫសត្វអាសិរពិសទិចចំនួន៣០នាក់ ត្រូវបានសង្គ្រោះ
ដោយគ្រូពេទ្យផុតពីគ្រោះថ្នាក់ ដល់អាយុជីវិតគិតត្រឹមល្ងាចថ្ងៃទី១ កញ្ញា ២០១៨។
អ្នកស្រី ហេង ស្រ៊ាង អាយុ៦២ឆ្នាំ នៅភូមិស្វាយជ្រុំ ឃុំកោះមិត្ត ស្រុកកំពង់សៀម បានប្រាប់ថា ផ្ទះរបស់គាត់ត្រូវបានទឹកទន្លេមេគង្គឡើងមកជន់លិច១ខែមកហើយ ដោយចុងក្រោយលិចត្រឹមទ្រូងមនុស្សចាស់ ហើយគាត់ព្រួយបារម្ភដោយខ្លាចរលកបោកបក់យូរទៅៗ អាចនឹងធ្វើឲ្យផ្ទះត្រូវរលំក៏អាចថាបាន។
អ្នកស្រីប្រាប់បន្តថា ដោយសារតែផ្ទះត្រូវទឹកលិចបែបនេះ គាត់ត្រូវដើរកាត់ទឹកតាមផ្លូវបេតុងដើម្បីមកទទួលកូនមកពីក្រុងកំពង់ចាម ទៅមិញម្ហូបអាហារសម្រាប់ទុកទទួលទាន។ កាលពី២ឆ្នាំកន្លងទៅ ទឹកទន្លេមិនបានលិចដូចដូចឆ្នាំ២០១៨នោះទេ ដែលបង្កផលវិបាកកន្លងទៅមានកាកបាទក្រហមបានចុះមកចែកអំណោយជូនពលរដ្ឋគាត់ ទទួលបានអង្ករ២០គីឡូក្រាម មី១កេសផងដែរ ។
គាត់មានដីដោយបានដាំថ្នាំជក់ ពេលប្រមូលផលបាន១តោនដោយក្នុង១គីឡូក្រាម លក់បាន៧.០០០រៀល ហើយនិងបានដាំពោតតែប្រមូលផលមិនទាន់អស់ផង ត្រូវបានទឹកទន្លេឡើងមកលិចស្ទើរតែអស់កត្តានេះ ធ្វើឲ្យជីវភាពត្រូវជួបការលំបាក។
អ្នកស្រី សាយ ណារី អាយុ៦៣ឆ្នាំ នៅភូមិគរ ឃុំកោះមិត្ត ដែលមានភ្នែកខាងឆ្វេងពិការប្រាប់ថាកាលពី
រដូវប្រាំងកន្លងទៅគាត់បានដាំដំណាំប្រភេទថ្នាំជក់ ដោយប្រមូលផលនឹងបានហាន់រួចហាលឲ្យស្ងួតមិនបានច្រើននោះទេ ។ ស្របពេលដែលទឹកទន្លេមេគង្គ ឡើងមកជន់លិចដល់ផ្ទះរបស់គាត់។
ខ្វះខាតក៏បានឲ្យប្តីលើកដាក់លើកង់១គ្រឿង ហើយគាត់បានបណ្តើរកាត់ទឹកលិចផ្លូវបេតុងត្រឹមភ្លៅ ហើយក៏ព្រួយខ្លាចដួលទទឹកថ្នាំជក់ផងដែរ ។ ត្បិតភ្នែកពិការម្ខាងនិងកម្លាំងមិនសូវជាមាំប៉ុន្មានក៏ប្រឹងទប់កង់ដែលមានដឹកថ្នាំជក់នោះរហូតដល់ផ្លូវបេតុងដែលទឹកមិនលិច ត្រូវជិះកង់ឆ្លងស្ពានកោះប៉ែនមកកាន់ក្រុងកំពង់
ចាម ដោយសម្រាកនៅផ្ទះក្មួយ១យប់ លុះព្រឹកថ្ងៃទី០១កញ្ញាជិះរឺម៉ក ដើម្បីយកថ្នាំជក់ទៅលក់នៅស្រុកព្រៃឈរ បើលក់អស់១ថង់ គាត់អាចរកប្រាក់បានប្រមាណជា១០ម៉ឺនរៀល ដើម្បីយកមកទិញអង្ករសម្រាប់ដាំបាយហូបជាមួយប្តីនិងកូនៗ។
យោងតាមរបាយការណ៏របស់គណៈកម្មការគ្រោះមហន្តរាយខេត្ត គិតត្រឹមល្ងាចថ្ងៃទី១ កញ្ញា២០១៨
ស្រុកដែលរងផលប៉ះពាល់ក្នុងនោះមានដូចជា ក្រុងកំពង់ចាម កោះសូទិន ស្ទឹងត្រង់ ស្រីសន្ធរ កំពង់
សៀម ជើងព្រៃ កងមាស បាធាយ និងស្រុកព្រៃឈរ ពលរដ្ឋដែលរងផលប៉ះពាល់មានចំនួន៣៧.២០៨គ្រួសារ ស្មើនឹងចំនួនមនុស្ស១៣៨.៥២៨នាក់ ក្នុងនោះអ្នករងគ្រោះដោយពស់ចឹក ឬសត្វអាសិរពិស
ខាំចំនួន៣០នាក់ ត្រូវបានសង្គ្រោះទាន់ពេល ស្លាប់ដោយលង់ទឹក១៩នាក់ រុះរើផ្ទះ៦៩ផ្ទះ ជម្លៀសមក
កាន់ទីទួលសុវត្ថិភាព១.៤៤១គ្រួសារស្មើនឹង៤.៨៦៩នាក់៕
ចែករំលែកព័តមាននេះ