រាជធានីភ្នំពេញ ៖ លោក មាជ សុវណ្ណារ៉ាអតីតសកម្មជនល្បីមួយរូប បានសម្រេចសាងព្រះផ្នួសហើយបន្ទាប់ពីត្រូវបានដោះលែងឲ្យមានសេរីភាពវិញ កាលពីពេលថ្ងៃទី0១ ខែកញ្ញាកន្លងមកនេះ ។
លោក មាជ សុវណ្ណារ៉ា បានពិធីសាងផ្នួសនៅវត្តដំណាក់ ក្នុងទឹកដីខេត្តសៀមរាប ដែលគោលដៅសាងផ្នួសរបស់លោក គឺដើម្បីបិណ្ឌបាតបញ្ចប់ហិង្សានយោបាយបញ្ជ្រាបមេត្តាធម៌ ដោយបញ្ឈប់នូវវប្បធម៌គំរាម សម្លាប់-ចាប់ដាក់គុក និងរត់ចោលស្រុកជាដើម ។
ការសាងព្រះផ្នួសរបស់លោកអតីតសកម្មជនគណបក្សសង្គ្រោះជាតិ គេសង្កេតឃើញមានការចូលរួមពីព្រះអង្គម្ចាស់ស៊ីសុវត្ថិធម្មមិកោ អតីតមន្ត្រីជាន់ខ្ពស់គណបក្សសង្គ្រោះជាតិ លោកបណ្ឌិតឡៅម៉ុងហៃ គ្រូរបស់លោក មាជ សុវណ្ណារ៉ា និងជាអតីតទីប្រឹក្សាលោក កឹម សុខា ព្រមទាំងសកម្មជនគាំទ្រអតីតគណបក្សសង្គ្រោះជាតិជាច្រើននាក់ ។
សូមជម្រាបថា លោក មាជ សុវណ្ណារ៉ា និងសកម្មជនអតីតគណបក្សសង្គ្រោះជាតិចំនួន១៣រូបផ្សេងទៀត ត្រូវបានព្រះមហាក្សក្សព្រះរាជទានលើកលែងទោសតាមសំណើរបស់សម្តេចតេជោ កាលពីថ្ងៃទីយប់ថ្ងៃទី២៧ សីហា បន្ទាប់ពីជាប់ពន្ធនាគារជាច្រើនមក ។
ក្រោយពីចេញពន្ធនាគារលោក មាជ សុវណ្ណារ៉ា បានអរគុណដល់ព្រះមហាក្សត្រ និងសម្តេចតេជោដែលបានសម្រេចលើកលែងទោសដល់ខ្លួន និងសកម្មជនដទៃទៀតផងដែរ ។ លោក មាជ សុវណ្ណារ៉ាក៏បានសរសើចំពោះការធ្វើនយោបាយរបស់សម្តេចតេ ជោ ហ៊ុនសែន ជាអ្នកនយោបាយជើងចាស់មួយរូបមិនចង់ឲ្យខ្មែរណាមួយស្លាប់នោះទេ ។ ជាងនេះទៅទៀតលោកក៏បានអះអាងលោកនឹងនៅធ្វើនយោបាយបន្តទៀត ប៉ុន្តែមិនធ្វើនយោបាយលាបពណ៌ធ្វើអំពើហិង្សាយកខ្មែរណាមួយជាសត្រូវនោះទេ ។ លោកថា សម្តេច តេជោ ជាអ្នកនយោបាយវៃឆ្លាតមួយរូបផងដែរ ។
លោកបានបញ្ជាក់ថា៖«យើងមិនបង្កើតសត្រូវទេតែយើងធ្វើនយោបាយបង្កើតមិត្តជាការល្អ ។ អីញ្ចឹង យើងធ្វើនយោបាយ ជាមួយចិនក៏ធ្វើជាមួយអាមេរិកក៏ធ្វើជាមួយសហគមន៍អ៊ឺរ៉ុបក៏ធ្វើ និងជាមួយ ប្រទេសជិតខាងក៏ធ្វើ គឺខ្មែរវៃឆ្លាត » ៕
ចែករំលែកព័តមាននេះ