នៅក្នុងមង្គលសូត្រទាំង៣៨ប្រការ ប្រការទី១ដំបូងគេលោកពោលថា អសេវនាច ពាលានំ ច បណ្ឌិតា នញ្ច…។បេ។ កិរិយាមិនសេពគប់នូវបុគ្គលពាល១ កិរិយាសេពគប់នូវបុគ្គលជាបណ្ឌិតទាំងឡាយ១…ជាមង្គលដ៏ឧត្តម។ នេះសបញ្ជាក់ឱ្យឃើញច្បាស់ថា…
នៅក្នុងមង្គលសូត្រទាំង៣៨ប្រការ ប្រការទី១ដំបូងគេលោកពោលថា អសេវនាច ពាលានំ ច បណ្ឌិតា នញ្ច…។បេ។ កិរិយាមិនសេពគប់នូវបុគ្គលពាល១ កិរិយាសេពគប់នូវបុគ្គលជាបណ្ឌិតទាំងឡាយ១…ជាមង្គលដ៏ឧត្តម។ នេះសបញ្ជាក់ឱ្យឃើញច្បាស់ថា ការសេពគប់នេះសំខាន់ណាស់ព្រោះនៅក្នុង សង្គមមានមនុស្សច្រើនប្រភេទទាំងអ្នកប្រព្រឹត្តល្អ និងអ្នកធ្វើអាក្រក់គឺទៅទាំងព្រម ដូច្នេះការសេពគប់ក៏គួរមើលមនុស្សផង បើសេពគប់ប៉ះចំមនុស្សល្អនឹងបានជាប្រយោជន៍ តែបើប៉ះចំជនសង្គមងងឹតនឹងនាំទុក្ខកង្វល់ដល់ខ្លួនជាក់ជាមិនខាន ។
កាលបើក្នុងសង្គមសម្បូរទៅដោយអំពើទុរយសដូចជា បងតូច បងធំ ផឹកស៊ី ស្រីញី អូនបង ថ្នាំញៀន រាំច្រៀងជាដើម នឹងអាចធ្វើឲ្យកូនបែរងាកទៅតាមសង្គមអូសទាញ ព្រោះហេតុនោះ ឪពុកម្តាយត្រូវប្រុងប្រយ័ត្នជានិច្ច កុំឲ្យកូនសេពគប់បុគ្គលដែលមានចរិតមិនល្អ នឹងអាចនាំកូនទៅរកផ្លូវងងឹត ដោយត្រូវព្យាយាមហាមឃាត់កូនមិនឲ្យដើរជាមួយបុគ្គលប្រភេទនេះជាដាច់ខាត ។
បច្ចុប្បន្នជាសម័យកាលដ៏ទំនើប ឬថាជាសម័យសម្ភារៈនិយមធ្វើឱ្យមនុស្សមាន លោភៈ ទោសៈ មោហៈច្រើន ឃើញគុណជាទោស ឃើញទោសជាគុណត្រឡប់ត្រឡិនអស់ ដូច្នេះឥទ្ធិពលខាងក្រៅនឹងនាំឲ្យមនុស្សខូចបាន ត្រូវប្រុងប្រយ័ត្នឲ្យមែនទែន មិនត្រូវធ្វើលំៗ សើៗនោះទេ ។
ជុំវិញបញ្ហាទាំងនេះឪពុកម្តាយជាឥទ្ធិពលទី១របស់កូន ព្រោះការអាស្រ័យគ្នារាល់ថ្ងៃ កាលបើឪពុកម្តាយប្រព្រឹត្តធ្វើឲ្យមានកំហុស ក៏ធ្វើឲ្យកូនយកធ្វើជាគំរូមានចិត្តលិចចុះក្នុងហេតុមិនប្រក្រតីដូចជា ការឈឺចាប់ក្នុងចិត្ត មានការខ្មាសអៀនអ្នកជិតខាង កិត្តិយសគ្រួសារត្រូវសាបសូន្យ ព្រោះទង្វើមិនល្អរបស់ឪពុកម្តាយ រហូតដល់កូនទៅប្រព្រឹត្តអំពើមិនគប្បី ។ ដូច្នេះឪពុកម្តាយហ្នឹងហើយជាគ្រូដំបូងរបស់កូន ត្រូវធ្វើទង្វើណាដែលល្អសម្រាប់កូនយកជាគំរូ ។
ចែករំលែកព័តមាននេះ