នៅពេលដែលអ្នកញ៉ាំអាហារសម្រាប់មនុស្សពីរនាក់វាសំខាន់ណាស់ដែលត្រូវប្រាកដថាអាហាររបស់អ្នកមានសារធាតុចិញ្ចឹមដែលទារកត្រូវការ ។ សូមមើលការណែនាំចំពោះការរក្សារបបអាហារដែលមានសុខភាពល្អ អំឡុងពេលមានផ្ទៃពោះ ។
វាជារឿងសំខាន់ក្នុងការបរិភោគរបបអាហារមានតុល្យភាពនៅពេលអ្នកមានផ្ទៃពោះ ។
ជារៀងរាល់ថ្ងៃចូរព្យាយាមញ៉ាំ៖
១-គ្រាប់ធញ្ញជាតិ ៖ ជ្រើសរើសធញ្ញជាតិទាំងមូល ។ ពួកវាមានជាតិសរសៃ វីតាមីន និងជីវជាតិច្រើន ។
២-ផ្លែឈើ ៖ ២ពែងក្នុងមួយថ្ងៃ ។ បរិភោគឲ្យបានគ្រប់ពណ៌ គ្រប់ប្រភេទ ។ ផ្លែឈើដែលមានជាតិសរសៃខ្ពស់ការពារជំងឺឫសដូងបាត និងបញ្ហាទល់លាមក ។
៣-បន្លែ ៖ ៣ពែងក្នុងមួយថ្ងៃ ។ បន្លែបៃតង គឺជាប្រភពដ៏ល្អនៃជាតិវីតាមីន និងជាតិដែកដែលរាងកាយអ្នកត្រូវការ ។
៤-ប្រូតេអ៊ីន ៖ ចូរជ្រើសរើសសាច់គ្មានខ្លាញ់ ។ បរិភោគត្រីឆ្អិនឲ្យបានញឹកញាប់ ។ ត្រូវប្រាកដថា អ្នកទទួលបានប្រភពប្រូតេអ៊ីន និងជាតិដែកគ្រប់គ្រាន់ ។
៥-ទឹកដោះគោ ៖ ៣ពែងក្នុងមួយថ្ងៃ ។ ទឹកដោះគោ គឺជាប្រភពដ៏ល្អនៃកាល់ស្យូម និងប្រូតេអ៊ីន ។
៦-ជាតិខ្លាញ់ ៖ ប្រភពដ៏ល្អបំផុតរួមមាន កាណូឡា អូលីវ ផ្កាឈូករ័ត្ន ។ ត្រី ផ្លែប៊័រ ផ្លែឈើ និងផ្លែអូលីវ ក៏ជាប្រភពល្អដែរ (ប្រភពពី៖ Health.com.kh) ៕
ចែករំលែកព័តមាននេះ