ផ្លូវ​ខូច​នាំ​គ្នា​បន្ទោស​អាជ្ញាធរ​ថា ឃុបឃិត​គ្នា​ដឹក​ធ្ងន់ (​មាន​វី​ដេ​អូ​)


ខេត្តស្វាយរៀង ៖ ប្រជាពលរដ្ឋ​ក្នុងស្រុក​រមាស​ហែក បាន​រិះគន់​ចំ​ៗ​ទៅ​អាជ្ញាធរ​ស្រុក និង​សមត្ថកិច្ច​ថា ឃុបឃិត​ជាមួយ​ឈ្មួញ​ដឹកឈើ​អាកា​ស្យា​តាម​រថយន្ត​យី​ឌុ​ប​ភ្លៅ​៥ កំពុង​បំផ្លាញ​ផ្លូវលំ នៅ​ជនបទ​ក្លាយទៅជា​រណ្តៅ​សំបុកមាន់​ប៉ះពាល់​ការ​ធ្វើ​ដំណើរ​របស់​ប្រជាពលរដ្ឋ។

ជា​ពិសេស​ពេល​សមាជិកគ្រួសារ​មាន​ជំងឺ ឬ​ឆ្លងទន្លេ​នៅ​ពេល​យប់​ត្រូវ​សង្គ្រោះ​បន្ទាន់​ពិបាក​ក្នុង​ការ​ធ្វើ​ដំណើរ​យ៉ាង​ខ្លាំង សូម​ឲ្យ​ក្រុមការងារ​ថ្នាក់​ជាតិ​ចុះ​ជួយ​ស្រុក​រមាស​ហែក មេត្តា​ជួយ​មើល​ផង​ទាន​។ ប្រជាពលរដ្ឋ​រិះគន់​នេះ​កើតឡើង​នៅ​ថ្ងៃ​ទី​២៧ សីហា ២០១៨ ស្ថិត​នៅ​ភូមិ​ទួល​ច្រេះ ភូមិ​ជីកដី ភូមិ​អណ្តូង​ត្របែក ឃុំ​អណ្តូង​ត្របែក ឃុំ​ក្រសាំង ស្រុក​រមាស​ហែក​។

បើ​តាម​មន្ត្រី​ផ្នែក​រដ្ឋបាល​ព្រៃឈើ​រមាស​ហែក ដែល​ឈរជើង​នៅ​ទីតាំង​ថ្នាល​បណ្តុះ​កូន​ឈើ​ក្រសាំង ស្ថិត​នៅ​ភូមិ​ទួល​ច្រេះ បាន​ឲ្យ​ដឹង​ថា ឈើ​អាកា​ស្យា​ដែល​ឈ្មួញ​ដឹក​ចេញ​តាម​ផ្លូវលំ​ជនបទ​នេះ គឺជា​ឈើ​របស់​ក្រុមហ៊ុន HMM ហើយ​ក្រុមហ៊ុន​អ៊េ​ច​អឹ​ម​អឹ​ម ទទួល​បាន​សិទ្ធិ​វិនិយោគ​ពី​រាជរដ្ឋាភិបាល​លើ​ព្រៃ​ចំការ​ឈើ​ដាំ​អាកា​ស្យា ប្រមាណ​ជាង​១.០០០​ហិ​កតា ដែល​ជា​ចំការ​ឈើ​ដាំ​របស់​រដ្ឋ​គ្រប់គ្រង ដោយ​ផ្នែក​រដ្ឋបាល​ព្រៃឈើ​រមាស​ហែក ស្ថិត​នៅ​ភូមិ​ទួល​ច្រេះ ឃុំ​អណ្តូង​ត្របែក ស្រុក​រមាស​ហែក ដើម្បី​លក់​ចេញ​ទៅ​ក្រៅប្​រទេស និង​នាំ​ចេញ​ទៅ​ប្រទេស​វៀតណាម តាម​ច្រកព្រំដែន​ត្រពាំង​ផ្លុ​ង ខេត្ត​ត្បូងឃ្មុំ​។ ហើយ​ក៏​មាន​ក្រុមហ៊ុន​ក្នុងស្រុក​មក​ទិញ​បន្ត​ពី​ក្រុមហ៊ុន HMM យក​ទៅ​ចែកចាយ​ក្នុងស្រុក និង​ដឹក​ចេញ​ទៅ​ប្រទេស​វៀតណាម​ដែរ​។

ទាក់ទិន​ករណី​នេះ​ដែរ​លោក គន់ សុផល មេការ​ឲ្យ​ក្រុមហ៊ុន HMM បាន​បំភ្លឺ​តាម​ទូរស័ព្ទ​ថា ក្រុមហ៊ុន​H MM មានច្បាប់​ពី​រាជរដ្ឋាភិបាល​ចុះហត្ថលេខា​ដោយ​សម្តេច​តេ​ជោ ហ៊ុន សែន អនុញ្ញាតិ​ឲ្យ​នាំ​ចេញ​ទៅ​ក្រៅប្រទេស ឬ​លក់​ទៅ​ណា​ក៏​បាន​ដែរ​។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ