នេះបើកំពុងដឹកអ្នកដំណើរវិញ មិនដឹងមហន្តរាយធំប៉ុនណាឡើយ
- ព្រះសីហនុ
ខេត្តព្រះសីហនុ ៖ ទូកដឹកអ្នកទេសចរមួយគ្រឿង ឈ្មោះ សាន់ ធួរ បានត្រូវភ្លើងឆេះយ៉ាងសន្ធោសន្ធៅ គឺឆេះនៅលើទឹកសមុទ្រ កាលពីវេលាទៀបភ្លឺថ្ងៃ២៦ ខែសីហា…
ខេត្តព្រះសីហនុ ៖ ទូកដឹកអ្នកទេសចរមួយគ្រឿង ឈ្មោះ សាន់ ធួរ បានត្រូវភ្លើងឆេះយ៉ាងសន្ធោសន្ធៅ គឺឆេះនៅលើទឹកសមុទ្រ កាលពីវេលាទៀបភ្លឺថ្ងៃ២៦ ខែសីហា…
ខេត្តព្រះសីហនុ ៖ ទូកដឹកអ្នកទេសចរមួយគ្រឿង ឈ្មោះ សាន់ ធួរ បានត្រូវភ្លើងឆេះយ៉ាងសន្ធោសន្ធៅ គឺឆេះនៅលើទឹកសមុទ្រ កាលពីវេលាទៀបភ្លឺថ្ងៃ២៦ ខែសីហា ដោយមិនអាចពន្លត់បាន ។
សមត្ថកិច្ចមូលដ្ឋានបានឱ្យដឹងថា ហេតុការណ៍ឆេះទូកដឹកភ្ញៀវទេសចរដ៏ធំនេះ កើតឡើងនាវេលាម៉ោង៤ទៀបភ្លឺ នៅផែចតទូកតាហាវ ទំនប់រលកចាស់ ក្នុងមណ្ឌល៣ សង្កាត់លេខ១ ក្រុងព្រះសីហនុ ហើយការឆេះនេះបណ្តាលមកពីឆ្លងចរន្តអគ្គិសនីនៅក្នុងទូក ។ ទូកដែលឆេះ មានបណ្តោយ២២ម៉ែត្រ ទទឹងជាង៧ម៉ែត្រ ម្ចាស់ឈ្មោះ រ៉ូបឺត ហាយដុកចិត ភេទប្រុស អាយុ៥០ឆ្នាំ ជនជាតិអាល្លឺម៉ង់ ស្នាក់នៅក្នុងសង្កាត់លេខ៤ ក្រុងព្រះសីហនុ (ម្តុំដុនបូស្កូ)។
នៅក្នុងឧប្បត្តិហេតុនេះ បណ្តាលឱ្យទូកត្រូវខូចខាតទាំងស្រុង ។ ពិតមែននៅលើផ្ទៃសមុទ្រ ប៉ុន្តែម្ចាស់វាពុំមានឧបករណ៍ណាមួយអាចបូមទឹកសមុទ្របាញ់ពន្លត់ឡើយ គឺដូចជាឆេះតាមចិត្ត ឆេះទាល់តែអស់ដោយខ្លួនឯង ។ តាមធម្មតា ទូកចម្លងអ្នកទេសចរណ៍បែបនេះ គួរតែមានឧបករណ៍សម្រាប់ពន្លត់អគ្គិភ័យហើយ ប៉ុន្តែទូកចម្លងនេះអត់មានទេ ។
សំណាងណាស់ឆេះពេលចតស្ងៀម ប្រសិនបើឆេះពេលដឹកអ្នកដំណើរវិញ មិនដឹងមហន្តរាយធំកើតមានប៉ុនណាឡើយ ។ តែមិនបណ្តាលឱ្យមានគ្រោះថ្នាក់ដល់មនុស្សនិងឆ្លងរាលដាលដល់ទ្រព្យសម្បត្តិអ្នកដទៃឡើយ ។ សូមរំឭកថា កន្លងមក ធ្លាប់មានការឆេះដំបូលទូកនេសាទខ្នាតយក្សបែបនេះដែរ តែត្រូវបានពន្លត់ទាន់ ៕
ចែករំលែកព័តមាននេះ