ព្រោះតែ​ក្តី​ស្រឡាញ់​រុញច្រាន​ចិត្ត​បុគ្គល​ឱ្យ​ប្រព្រឹត្ត​ផ្សេង​ៗ


ដោយសារ​តែ​អំណាច​នៃ​ការ​ស្រឡាញ់​អាយុជីវិត ស្រឡាញ់​ខ្លួនប្រាណ​ហ្នឹងហើយ ទើប​ជាដើម​ហេតុ​ចង​ឆ្វាក់​ចិត្ត​សត្វលោក​ឱ្យ​ខិតខំ​បំពេញការងារ​ផ្សេង​ៗ​ទាំង​តាម​ផ្លូវ​សុចរិត​ខ្លះ និង​តាម​ផ្លូវ​អាក្រក់​ខ្លះ ដោយ​ក្តី​បំណង​ចង់​ឲ្យ​ខ្លួនឯង​បាន​សុខ​ស្រួល មាន​តម្លៃ មាន​កិត្តិយស​ថ្លៃថ្នូរ​ដោយ​មិន​ខ្វល់​ពី​ទុក្ខ​លំបាក​របស់​អ្នក​ដទៃ​ឡើយ ។

តែបើ​តាម​លក្ខណៈ​ជាក់ស្តែង​ការ​ដែល​ចង់​សម្រេច​បំណង​ទាំងនោះ​ប្រហែលជា មិនមែន​ជា​ការ​ងាយ​ប៉ុន្មាន​ទេ ព្រោះ​ក្តី​ប្រាថ្នា​ដ៏​ប្រសើរ​ទាំង​អស់នេះ​កើត​ចេញពី​ចំណេះ ជំនាញ បូក​រួម​នឹង​ការ​ព្យាយាម​ផង​ដែរ បើ​បុគ្គល​មិន​បាន​ឆ្លងកាត់​ការ​សិក្សា​ឱ្យ​បាន​ខ្ពង់ខ្ពស់​ទេ ប្រហែលជា​គ្មាន​វាសនា​លើក​ជីវិត​ឱ្យ​បាន​ប្រសើរ​នោះ​ឡើយ ។ ដូច​ពុទ្ធភាសិត​លោក​ត្រាស់​បញ្ជាក់​ថា បុគ្គល​ល្ងង់​បើ​ទោះជា​រស់នៅ​១​រយ​ឆ្នាំ ក៏​មិន​បាន​ស្មើនឹង​ការ​រស់នៅ​សូ​ម្បី​តែ​មួយ​ថ្ងៃ​នៃ​ជីវិត​បណ្ឌិត​អ្នកប្រាជ្ញ​ផង ។

ព្រោះ​ហេតុ​អ្វី?  ព្រោះ​ជីវិត​បុគ្គល​ពាល​ពី​មួយ​ថ្ងៃ​ទៅ​មួយ​ថ្ងៃ​រស់នៅ​ពោរពេញ​ទៅ​ដោយ​សេចក្តី​ប្រមាទ មិន​បាន​ទាញ​មក​ប្រយោជន៍​សម្រាប់​ខ្លួនឯង និង​អ្នក​ដទៃ​នោះ​ទេ ចំណែកឯ​ជីវិត​បណ្ឌិត​លោក​តែង​ប្រព្រឹត្ត​ឥរិយាបថ ដេក ដើរ ឈរ អង្គុយ និយាយ ស្តី ស្តាប់ គឹ​ដើម្បី​ជា​ប្រយោជន៍​របស់​ខ្លួន​និង​អ្នក​ដទៃ​មិន​ដែល​មាន​សេចក្តី​ប្រមាទ ឬ​ធ្វេសប្រហែស​មួយ​ខណៈ​ណា​ឡើយ ។

រឿងពាលនេះមិនចំពោះគ្រហស្ថ ឬអ្នកបួសទេ គឺអាស្រ័យលើការប្រព្រឹត្ត ឱ្យតែប្រព្រឹត្តខុសសីលធម៌ ខុសវិន័យសាសនាកាត់ប្រយោជន៍បច្ចុប្បន្ន និងអនាគត បុគ្គលនោះឈ្មោះពាល ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ