សាខា​កាកបាទក្រហម​ចែក​អំណោយ​មនុស្សធម៌​ដល់​ពលរដ្ឋ​ក្រីក្រ​នៅ​ស្រុក​ភ្នំស្រុក


ខេត្តបន្ទាយមានជ័យ ៖ ប្រជាពលរដ្ឋ​ក្រីក្រ ចាស់ជរា ជន​ពិការ មាន​ជំងឺ​ប្រចាំ​កាយ ដែល​ស្ថិត​នៅ​ភូមិ​ស្វាយ​ខ្មៅ ឃុំ​ពន្លៃ និង​ភូមិ​តា​អ៊ុ​ង ភូមិ​កូនខ្លែង ក្នុង​ឃុំ​ប៉ោយ​ចារ ស្រុក​ភ្នំស្រុក ខេត្តបន្ទាយមានជ័យ កាលពី​ថ្ងៃ​ទី​២៤ ខែសីហា ឆ្នាំ​២០១៨​នេះ ត្រូវ​បាន​សាខា​កាកបាទក្រហម​នាំ​យក​សម្ភារៈ​អំណោយ​មនុស្សធម៌​មក​ផ្ដល់​ជូន​ដល់​លំនៅ​ឋាន​ផ្ទាល់ ។

លោក លី សារី ប្រធាន​គណៈកម្មាធិការ​សាខា​កាកបាទក្រហម​បាន​មាន​ប្រសាសន៍ និង​ធ្វើការ​ផ្ដាំផ្ញើ​សាកសួរ​សុខទុក្ខ​ពី​សំណាក់​សម្ដេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន សែន ប្រធាន​កាកបាទក្រហមកម្ពុជា​ដែល​ជា​និច្ច​ជា​កាល​សម្ដេច​តែងតែ​គិតគូរ​សុខទុក្ខ​របស់​ប្រជាពលរដ្ឋ​គ្រប់​ទិស​ទី មិន​ថា​ជិត​ឬ​ឆ្ងាយ​ក្ដី ។

លោក​បាន​បញ្ជាក់​ថា រាល់​អំណោយ​ទាំងអស់​ដែល​បាន​យក​មក​ផ្ដល់​ជូន​បងប្អូន​ទីទាល់​ក្រ ចាស់ជរា ជន​ពិការ នា​ឱកាស​នេះ គឺ​បាន​មក​ពី​ការ​ចូលរួម ទាំង​សម្ភារៈ​ថវិការ​ពី​សំណាក់ លោក លោក​ជំទាវ លោក​ឧក​ញ្ញ៉ា អស់លោក លោកស្រី សប្បុរសជន​នានា បាន​ចំណាយ​ទ្រព្យធន​ផ្ទាល់ខ្លួន ដើម្បី​ចូលរួម​ចំណែក​កាត់​បន្ថយ​ភាព​ក្រីក្រ​របស់​បងប្អូន​ប្រជាពលរដ្ឋ ហើយ​កាកបាទក្រហម​មិន​ប្រកាន់ពូជសាសន៍ ពណ៌​សម្បុរ ឬ​និន្នាការ​នយោបាយ​អ្វី​ឡើយ អោយ​តែ​បងប្អូន​ជួប​ការ​លំបាក ទីនោះ​គឺ​មាន​កាកបាទក្រហមកម្ពុជា​ចុះ​ជួយ​ជា​និច្ច ។

អំណោយ​មនុស្សធម៌​នា​ពេល​នេះ ទោះបី​មាន​ចំនួន​តិចតួច​ក៏​ដោយ ក៏​ជា​ការ​ជួយ​រំលែក​ទុក្ខ​លំបាក និង​លើកទឹកចិត្ត​គ្រួសារ​បងប្អូន​រង​គ្រោះ ក្រីក្រ​គ្មាន​ទីពឹង ឱ្យ​មាន​កម្លាំងចិត្ត​ឡើង​វិញ កុំឱ្យ​តក់​ស្លត់​នូវ​អ្វី​ដែល​បាន​កើតឡើង ត្រូវ​ខិតខំ​ប្រឹងប្រែង ពុះពារ តស៊ូ​គ្រប់​ឧបសគ្គ តទៅ​ទៀត ។

​លោក លី សារី ក៏​បាន​បញ្ជាក់​បន្ថែម​ទៀត​ថា កាយវិការ និង​សន្ដាន​ចិត្ត​ប្រកបដោយ​មនុស្សធម៌​ពេល​នេះ​បាន​លើកទឹកចិត្ត មិន​ត្រឹមតែ​បងប្អូន​មាន​ជីវភាព ក្រីក្រ ចាស់ជរា មាន​ជំងឺ​ប្រចាំ​កាយ​ប៉ុណ្ណោះ​ទេ គឺជា​សារ​មួយ​បញ្ជាក់​អោយ​ឃើញច្បាស់ អំពី​បេះដូង​មនុស្សធម៌​និង​ស្មារតី​មនុស្សជាតិ​ដែល​សាខា​កាកបាទក្រហម​ធ្លាប់​បាន​អនុវត្ត​កន្លង​មក ក៏​ដូច​ជា​ទៅ​អនាគត​ស្រប​តាម​អនុសាសន៍​ណែនាំ​ជា​ប្រចាំ​ពី សម្ដេច​កិត្តិ​ព្រឹប​ណ្ឌិ​ត ប៊ុ​ន រ៉ា​នី ហ៊ុន សែន ប្រធាន​កាកបាទក្រហមកម្ពុជា​កាន់តែ​ត្រូវ​បាន​ព​ង្រឹ​ក និង​ពង្រីក​បន្ដ​ទៀត ។

លោក លី សារី បាន​បន្ត​ផ្តាំផ្ញើរ​ដល់​បងប្អូន​ទាំងអស់ ជួយ​សំអាត​អនាម័យ​បរិស្ថាន គឺ​ហូប​ស្អាត ផឹក​ស្អាត រស់នៅ​ស្អាត​។ គួរ​បញ្ជាក់​ថា សម្ភារៈ​អំណោយ​ដែល​បាន​ផ្ដល់​ជូន​នា​ពេល​នេះ​ក្នុង​មួយ​គ្រួសារ​ៗ​ទទួល​បាន​អង្ករ​២៥​គីឡូ , មី​១​កេស , ត្រីខ​១០​កំប៉ុង , រួម​មាន​ប្រេងឆា , ម្សៅ​សាប៊ូ , ទឹកត្រី ទឹកស៊ីអ៊ីវ ,​ភួយ ,​សារុង , ក្រមា និង​ថវិការ​មួយ​ចំនួន ។

​ដោយឡែក​លោក​ជំទាវ នួ​ម សុ​ភ័​ណ អនុប្រធាន​កិត្តិយស​សាខា​កាកបាទក្រហម​ខេត្ត បាន​បន្ថែម​ថ​រិ​កា ក្នុង​មួយ​គ្រួសារ​ៗ ១០០០០​រៀល និង សារុង​មួយ​ផង​ដែរ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ