ខេត្តព្រះវិហារ ៖ គំនរឈើគ្រប់ប្រភេទរាប់ពាន់កំណាត់ដែលឈ្មួញកំពុងតែកា.ប់និងដឹកជញ្ជូនតាមរថយន្តចេញពីក្នុងព្រៃការពារ តំបន់ភូមិស្រយ៉ង់ជើង ឃុំស្រយ៉ង់ ស្រុកគូលែន ក្រឡែកឃើញគួរឲ្យញាក់សាច់ ។
ពាក់ព័ន្ធទៅនឹងការកា.ប់បំផ្លាញព្រៃឈើដ៏ធំសម្បើមខាងលើនេះ កម្មករកា.ប់ព្រៃឈើឲ្យឈ្មួញក្នុងតំបន់នោះបានឲ្យដឹងថា មានថៅកែ
ខេត្តព្រះវិហារ ៖ គំនរឈើគ្រប់ប្រភេទរាប់ពាន់កំណាត់ដែលឈ្មួញកំពុងតែកាប់និងដឹកជញ្ជូនតាមរថយន្តចេញពីក្នុងព្រៃការពារ តំបន់ភូមិស្រយ៉ង់ជើង ឃុំស្រយ៉ង់ ស្រុកគូលែន ក្រឡែកឃើញគួរឲ្យញាក់សាច់ ។
ពាក់ព័ន្ធទៅនឹងការកាប់បំផ្លាញព្រៃឈើដ៏ធំសម្បើមខាងលើនេះ កម្មករកាប់ព្រៃឈើឲ្យឈ្មួញក្នុងតំបន់នោះបានឲ្យដឹងថា មានថៅកែម្នាក់ឈ្មោះដួង ស្រួច អាសយដ្ឋាននៅរាជធានីភ្នំពេញ ជាអ្នកទទួលខុសត្រូវក្នុងការរកស៊ីខាងលើនេះ ។ ពួកគេថែមទាំងបានបញ្ជាក់យ៉ាងច្បាស់ថា អស់រយៈពេលជាច្រើនឆ្នាំមកហើយដែលថៅកែម្នាក់នេះ តែងតែរកស៊ីកាប់បំផ្លាញព្រៃឈើក្រោមរូបភាពម៉ៅការប្រមូលធនធានព្រៃឈើនៅលើដីសម្បទានសង្គមកិច្ច ឬដីសម្បទានសេដ្ឋកិច្ច ។
គួរបញ្ជាក់ផងដែរថា ឈើរាប់ពាន់កំណាត់ដែលកំពុងតែកាប់ និងដឹកជញ្ជូនយ៉ាងគគ្រឹកគ្រេងចេញពីព្រៃការពារខាងលើនេះ ការពារដោយរដ្ឋបាលព្រៃឈើសង្កាត់គូលែន ដោយពួកគេបានយកលេសថា គឺធ្វើការប្រមូលឈើនៅលើដីសម្បទានសង្គមកិច្ចមួយកន្លែង ដែលអាជ្ញាធរខេត្តព្រះវិហារបានដណ្តើមយកពីប្រជាពលរដ្ឋកាប់រុករានយ៉ាងអនាធិបតេយ្យកាលពីអំឡុងឆ្នាំ១៩៩៩ ខណៈកងទ័ពខ្មែរក្រហមធ្វើសមាហរណកម្មធ្វើជាកម្មសិទ្វិរបស់ប្រជាជនបានកាប់ឆ្ការព្រៃអស់រយៈពេលជាង១០ឆ្នាំមកហើយ ។ ក្រោយមកនៅឆ្នាំ២០១១ ដីនោះត្រូវបានអាជ្ញាធរខេត្តព្រះវិហារចេញដីកាដកហូតពីប្រជាជនយកមកធ្វើការអភិវឌ្ឍដីសម្បទានសង្គមកិច្ចនៅលើផ្ទៃដីប្រមាណ៥.៥៥៧ហិកតា ប៉ុន្តែត្រូវបានពលរដ្ឋនៅក្នុងតំបន់នោះ ធ្វើការតវ៉ាទៅដល់សម្តេចអគ្គមហាសេនាបតីតេជោ ហ៊ុន សែន សុំដីទាំងនោះមកអាស្រ័យផលវិញ ក្នុងឆ្នាំ២០១២។ មកដល់ថ្ងៃទី៨ កញ្ញា ២០១២ សម្តេចអគ្គមហាសេនាបតីតេជោ ហ៊ុន សែន បាននិរាករណ៍ចោលនូវដីសម្បទានសង្គមកិច្ចចំនួន៥.៥៥៧ហិកតានោះអស់ហើយ ដោយទុកឲ្យពលរដ្ឋរស់នៅ និងឲ្យក្រុមនិស្សិតធ្វើការវាស់វែងចេញប័ណ្ណកម្មសិទ្ធិទៅឲ្យប្រជាជនទៀតផង ៕
ចែករំលែកព័តមាននេះ