ស្ថានភាព​ផ្លូវ​ដ៏សំខាន់​មួយខ្សែ​​នេះ​កំពុង​រង​ការ​​ប៉ះពាល់​យ៉ាងធ្ងន់ធ្ងរ​ (មានវីដេអូ​)


ខេត្តព្រៃវែង ៖ កាលពី​ព្រឹក​ថ្ងៃ​ទី​២៣ សីហា លោក ជា សុ​មេធី អភិបាលខេត្ត​ព្រៃវែង បាន​ដឹកនាំ​មន្ត្រី​ជំនាញ ចុះ​ទៅ​ត្រួតពិនិត្យ និង​លើក​ទំនប់​ទប់​ផ្លូវ​មួយ​ខ្សែ​ប្រវែង​ជាង​៨​គីឡូម៉ែត្រ នៅ​ស្រុក​ពោធិ​៍រៀង ដែល​ត្រូវ​ទឹកជំនន់​វាយប្រហារ​បណ្តាល​ឱ្យ​ហូរ​ច្រោះ និង​បាក់​ដាច់​ផ្លូវ​ជា​ច្រើន​គីឡូម៉ែត្រ​។

 យោង​តាម​ការ​បញ្ជាក់​ពី​អាជ្ញាធរ​ស្រុក​ពោធិ​រៀង​បានឱ្យ​ដឹង​ថា កំណាត់​ផ្លូវ​មួយ​ខ្សែ​នេះ​មាន​សារៈសំខាន់​ណាស់​ចំពោះ​ប្រជាពលរដ្ឋ​ក្នុង​ការ​នាំ​យក​កសិផល និង​ទំនិញ​ផ្សេង​ៗ​ទៅ​លក់​នៅ​លើ​ទីផ្សារ​ក្នុង​ក្រុង​ព្រៃវែង ក៏​ដូច​ជា​បណ្តា​ស្រុក​និង​ខេត្ត​ផ្សេង​ៗ​ផង​ដែរ ប៉ុន្តែ​ដោយសារ​តែ​ទឹកជំនន់​ជន់​លិច ហើយ​កំលាំង​រលក​ទឹកបាន​បោក​ផ្ទប់​ច្រាំង​ជា​រៀងរាល់ថ្ងៃ បាន​ធ្វើ​អោយ​តួ​ផ្លូវ​នេះ ហូរ​ច្រោះ​ជា​ច្រើន​កន្លែង និង​បាក់​តួ​ផ្លូវ​មួយ​ចំហៀង​ប្រវែង​ជាង​៨​គីឡូម៉ែត្រ ចាប់ពី​ចំណុច​ភូមិ​កំពង់​ក្រមួន ឃុំ​ព្រៃ​កន្លោង ទៅ​ភូមិ​ពោធិ៍​រៀង​ត្បូង ឃុំ​ពោធិ​៍​រៀង ស្រុក​ពោធិ៍​រៀង​។

ដើម្បី​ទប់ស្កាត់​កុំអោយ​ផ្លូវ​មួយ​ខ្សែ​នេះ ត្រូវ​ទឹក​ហូរ​ច្រោះ និង​បាក់​ខូច​កាន់តែ​ធ្ងន់ធ្ងរ​ថែម​ទៀត នៅ​ព្រឹក​ថ្ងៃ​ទី​២៣​សីហា នេះ អាជ្ញាធរ​ស្រុក សហការ​ជាមួយ​កំលាំង​សមត្ថកិច្ច និង​កំលាំង​ប្រជាពលរដ្ឋ បាន​នាំ​គ្នា​ច្រក​ដី​ដាក់​កា​រ៉ុ​ង លើក​ទប់​ត្រង់​ទីតាំង​ដែល​ទឹក​ហូរ​ច្រោះ និង​កន្លែង​ដែល​បាក់​ដី ដើម្បី​ការពារ​កុំឱ្យ​រលក​ទឹក​វាយ​បាក់​តទៅ​ទៀត​។

ក្នុង​ពេល​ចុះ​ត្រួតពិនិត្យ​នេះ​ដែរ លោក ជា សុ​មេធី អភិបាលខេត្ត​ព្រៃវែង បាន​បញ្ជា​អោយ​មន្ត្រី​សាលាខេត្ត នាំ​កា​រ៉ុ​ង​សំរាប់​ច្រក​ដី យក​ទៅ​ប្រគល់​ជូន​កងកំលាំង​ដើម្បី ធ្វើការ​ច្រក​ដី​អោយ​បាន​ច្រើន​ថែម​ទៀត សំរាប់​ទប់​ការពារ​ផ្លូវ​នេះ ។ ជាមួយ​គ្នា​នោះ​ដែរ លោក​ក៏​បាន​អំពាវនាវ ដល់​បងប្អូន​ប្រជាពលរដ្ឋ ជា​ពិសេស​ក្រុម​អាជីវករ​ដែល​មាន​រថយន្ត​ដឹក​ទំនិញ​ធ្ងន់​ៗ សូមកុំ​អោយ​ឆ្លងកាត់​តាម​ផ្លូវ​នេះ​ទៀត ព្រោះ​ខ្លាច​ផ្លូវ​បាក់​ស្រុត និង​បណ្តាល​ឱ្យ​មាន​គ្រោះថ្នាក់​ជាយថាហេតុ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ