បព្វជិត និងគ្រហស្ថទាំងឡាយ បើបានយល់ពីការខ្មាសបាប ខ្លាចបាប និងការរក្សាខ្លួនហើយត្រូវតែយល់ និងធ្វើតាមតទៅទៀត តែបើមិនទាន់បានយល់ទេ ត្រូវតែព្យាយាមសិក្សាឲ្យបានច្រើនដើម្បីស្វែងយល់ពីបញ្ហានេះឱ្យច្បាស់ ទើបល្អប្រសើរ។
បុគ្គលណាមួយមិនខ្មាសបាប មិនខ្លាចបាប បែរជាប្រឹងតែរក្សារូបរាងកាយដែលជារបស់ខាងក្រៅ អ្នកនោះក៏នៅតែឈ្មោះថា មិនរក្សាខ្លួនដដែល ។
កាលបើចិត្តគិតតែពីរឿងបាបគ្រប់ពេលវេលាគឺ មួយថ្ងៃៗគិតតែពីរឿងបាប មិនដែលចេះខ្លាចបាប មិនដែលចេះខ្មាសបាប តើនេះឈ្មោះថា រក្សាខ្លួនយ៉ាងម៉េចនឹងកើត ?
ខ្លាចបាប មិនខ្លាចបុណ្យ ខ្មាសបាប មិនខ្មាសបុណ្យ នេះជារឿងសំខាន់ណាស់សម្រាប់ជីវិតរួចផុតពីអបាយភូមិ ទើបបណ្ឌិតអ្នកប្រាជ្ញលោកហៅថា រក្សាខ្លួនត្រឹមត្រូវតាមគន្លងព្រះធម៌ ។
ចែករំលែកព័តមាននេះ