បញ្ហាទឹកជំនន់ចំនួន៣ប្រភេទកំពុងប្រឈម
- ភ្នំពេញ
រាជធានីភ្នំពេញ ៖ កាលពីល្ងាចថ្ងៃទី២២ ខែសីហា ឆ្នាំ២០១៨នេះលោក ឃួង ស្រេង អភិបាល នៃគណៈអភិបាលរាជធានីភ្នំពេញបានដឹកនាំមន្ទីរជំនាញ និងមន្ត្រីបច្ចេកទេស…
រាជធានីភ្នំពេញ ៖ កាលពីល្ងាចថ្ងៃទី២២ ខែសីហា ឆ្នាំ២០១៨នេះលោក ឃួង ស្រេង អភិបាល នៃគណៈអភិបាលរាជធានីភ្នំពេញបានដឹកនាំមន្ទីរជំនាញ និងមន្ត្រីបច្ចេកទេស…
រាជធានីភ្នំពេញ ៖ កាលពីល្ងាចថ្ងៃទី២២ ខែសីហា ឆ្នាំ២០១៨នេះលោក ឃួង ស្រេង អភិបាល នៃគណៈអភិបាលរាជធានីភ្នំពេញបានដឹកនាំមន្ទីរជំនាញ និងមន្ត្រីបច្ចេកទេស ក្រោមឱវាទរដ្ឋបាលរាជធានីភ្នំពេញចុះពិនិត្យជាក់ស្ដែងអំពីស្ថានភាពកម្ពស់ទឹក នៅតាមភូមិសាស្ត្រសំខាន់ៗមួយចំនួនក្នុងរាជធានីភ្នំពេញ ។
មន្ត្រីមន្ទីរសាធារណការ និងមន្ទីរធនធានទឹករាជធានីភ្នំពេញបានឱ្យដឹងថា អភិបាលរាជធានីពិនិត្យស្ថានភាពកម្ពស់ទឹកនៅស្ថានីយបូមទឹកស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។ រួចបន្តទៅស្ថានភាពកម្ពស់ទឹកនៅស្ថានីយចតុមុខខណ្ឌដូនពេញ និងខណ្ឌចំការមន និងស្ថានភាពកម្ពស់ទឹកនៅព្រំប្រទល់ខេត្តកណ្តាល និងរាជធានីភ្នំពេញ ។ នៅល្ងាចថ្ងៃដដែលនេះ អភិបាលរាជធានីភ្នំពេញបានចុះដល់ភូមិព្រែកតាឡុងបី ផ្ដល់ជូននូវផ្លូវបេតុងមួយខ្សែប្រវែងជាង១.០០០ម៉ែត្រដល់ប្រជាពលរដ្ឋដែលរស់នៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
គួរបញ្ជាក់ថា នៅល្ងាចថ្ងៃទី២២ ខែសីហា ឆ្នាំ២០១៨ កម្ពស់ទឹកទន្លេចតុមុខឡើងដល់កម្ពស់នីវ៉ូ +9.7២ នៅសល់ 0.80ម ដល់កម្ពស់ប្រកាសអាសន្ន +10.50 ។
លោកសាំ ពិសិដ្ឋ បានឱ្យដឹងថា ក្នុងខណៈពេលនេះយើងកំពុងប្រឈមទឹកជំនន់ចំនួន៣ប្រភេទ គឺជំនន់ដោយទឹកភ្លៀង ជំនន់ដោយទឹកទន្លេ និងជំនន់ដោយទឹកស្ទឹងព្រែកត្នោត ។
តំបន់ខ្លះនៃភូមិសាស្ត្ររាជធានីភ្នំពេញមានស្ថានភាពដីទាបជាងនីវ៉ូទឹកទន្លេ ប៉ុន្តែរាជធានីភ្នំពេញមិនអាចទទួលរងការគំរាមកំហែងដោយទឹកជំនន់បានឡើយ និងមានសុវត្ថិភាព ដោយសារមានទំនប់ការពារទឹកជំនន់ដ៏រឹងមាំព័ទ្ធជុំវិញទីក្រុង និងមានស្ថានីយបូមទឹកចំនួន ១៣កន្លែង ដែលភាគច្រើនជាស្ថានីយថ្មីមានសមត្ថភាពបូមទឹកកើនជាងមុន៣ដង ៕
ចែករំលែកព័តមាននេះ