ខេត្តរតនគិរី ៖ ជនជាតិដើមភាគតិចកាចក់ តែងតែធ្វើពិធីសែនអ្នកតាស្រែ និងសែនស្រូវពេញក្រមុំធ្វើខ្លួនជិតផ្លែ ។ នេះជាទំនៀមទម្លាប់់ប្រពៃណីបានបន្សល់ទុកតាំងពីរាប់រយឆ្នាំកន្លងមកហើយ ។ ពិធីនេះត្រូវតែរៀបចំធ្វើមិនអាចបោះបង់ចោលបានទេ ។…
ខេត្តរតនគិរី ៖ ជនជាតិដើមភាគតិចកាចក់ តែងតែធ្វើពិធីសែនអ្នកតាស្រែ និងសែនស្រូវពេញក្រមុំធ្វើខ្លួនជិតផ្លែ ។ នេះជាទំនៀមទម្លាប់់ប្រពៃណីបានបន្សល់ទុកតាំងពីរាប់រយឆ្នាំកន្លងមកហើយ ។ ពិធីនេះត្រូវតែរៀបចំធ្វើមិនអាចបោះបង់ចោលបានទេ ។
កាលពីថ្ងៃទី១៩ ខែសីហា ឆ្នាំ២០១៨ វេលាម៉ោង១០ និង៣០នាទីព្រឹក នៅភូមិកោះពាក្យ ឃុំកោះពាក្យ ស្រុកវើនសៃ ជនជាតិដើមភាគតិចកាចក់ទូទាំងភូមិបានរៀបចំពិធីសែនអ្នកតាស្រែ និងសែនស្រូវពេញក្រមុំធ្វើខ្លួនជិតផ្លែ ។
ជនជាតិដើមភាគតិចកាចក់ជាច្រើននាក់ឱ្យអ្នកយកព័ត៌មានកោះសន្តិភាពដឹងថាកម្មវិធីសែនអ្នកតាស្រែ និងសែនស្រូវពេញក្រមុំធ្វើខ្លួនជិតផ្លែ ធ្វើជារៀងរាល់ឆ្នាំមិនដែលអាក់ខានម្តងណាទេ នៅថ្ងៃទី១៩ ខែសីហា ។ នៅរដូវវស្សា ដើមស្រូវធ្វើខ្លួនជិតផ្លែ អ្នកភូមិរៀបចំពិធីសែនរំលឹកដល់អ្នកតាស្រែ និងដឹងគុណដល់ផលស្រូវ ។ ពួកគាត់ចាត់ទុកថាផ្លែស្រូវជាអ្នកមានគុណចំពោះជីវិត ។ ប្រពៃណីនេះតែងតែធ្វើ តៗគ្នារាប់រយឆ្នាំកន្លងមកហើយ ជាអ្វីដែលដូនតាបានបន្សល់ទុក ។
លោកប៉ាន នី នាយរងប៉ុស្តិ៍ឃុំកោះពាក្យ ឱ្យដឹងថានៅភូមិភាគឦសានក្នុងទឹកដីខេត្តរតនគិរីមានជនជាតិដើមភាគតិចសរុបចំនួន៧ជនជាតិ ។ ចំពោះជនជាតិគោរពប្រពៃណីសែនអ្នកតាស្រែ និងសែនស្រូវពេញក្រមុំធ្វើខ្លួនជិតផ្លែ មាន៣ជនជាតិ គឺជនជាតិភាគតិចគ្រឹង ទំពួន កាចក់ ។ ការរៀបចំពិធីនេះ គឺអ្នកភូមិធ្វើរោងមួយចំកណ្តាលវាលស្រែ ។ សំណែនដែលត្រូវរៀបចំសែនមានជ្រូក១ក្បាល សត្វមាន់២ក្បាល សត្វទាស្រុក៤ក្បាល និងស្រាស២ពាង ។
«កម្មវិធីធ្វើបាននៅរដូវស្រូវពេញក្រមុំទេលើសពីឡើងក្រមុំមិនអាចធ្វើបាន គេធ្វើកម្មវិធីដើម្បីសុំអារក្សអ្នកតាស្រែឱ្យផលស្រូវច្រើន»។ លោកនាយរងប៉ុស្តិ៍ថ្លែងបែបនេះ ៕
ចែករំលែកព័តមាននេះ