រាជធានីភ្នំពេញ ៖ ប្តីប្រពន្ធមួយគូរស្រវឹងស្រាបើករថយន្តបុកម៉ូតូកង់បីឥណ្ឌាចតចោល បណ្ដាលអោយប៉ើងកៀរនឹងបង្គោលភ្លើងបណ្តាលក្រពឹតរងការខូចខាតទាំងកង់បី និងរថយន្តដែលហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ ថ្ងៃទី២០ ខែសីហា ឆ្នាំ២០១៨ នៅតាមផ្លូវ១០៥កែងនឹងផ្លូវ៤៤៦ សង្កាត់បឹងត្របែក…
រាជធានីភ្នំពេញ ៖ ប្តីប្រពន្ធមួយគូរស្រវឹងស្រាបើករថយន្តបុកម៉ូតូកង់បីឥណ្ឌាចតចោល បណ្ដាលអោយប៉ើងកៀរនឹងបង្គោលភ្លើងបណ្តាលក្រពឹតរងការខូចខាតទាំងកង់បី និងរថយន្តដែលហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ ថ្ងៃទី២០ ខែសីហា ឆ្នាំ២០១៨ នៅតាមផ្លូវ១០៥កែងនឹងផ្លូវ៤៤៦ សង្កាត់បឹងត្របែក ខណ្ឌចំការមន ។
ប្រភពពីម្ចាស់កង់បីឥណ្ឌា ពណ៌ក្រហម បានប្រាប់អោយដឹងថា ម៉ូតូកង់បីនោះគាត់ទើបតែនឹងទិញទេ មុនពេលកើតហេតុនោះគាត់បានឌុបប្រពន្ធកូន បងប្អូន និងក្មួយ ទៅទិញឥវ៉ាន់ និងរបស់លេងនៅហាង២៥០០៛ នៅកន្លែងកើតហេតុនោះហើយបានចតម៉ូតូកង់បីនៅមុខហាង ហើយនាំគ្នាចូលទៅទិញឥវ៉ាន់នៅខាងក្នុងហាង ខណៈទិញរួចរាល់ហើយកំពុងតែគិតលុយមិនទាន់រួចផង ប្រពន្ធគាត់បានចេញមកអង្គុយចាំនៅក្នុងម៉ូតូកង់បីមុន ។
ភ្លាមនោះស្រាប់តែមានរថយន្តបង្កម៉ាកកាមរីឆ្លាម ពណ៌ទឹកប្រាក់ បើកដោយស្ត្រីជាប្រពន្ធ រួមដំណើរជាមួយប្តីធ្វើដំណើរតាមផ្លូវ១០៥ទិសដៅពីត្បូងទៅជើងបានបើកទៅបុកចំគូទម៉ូតូកង់បីគាត់ចំហៀងខាងឆ្វេងបណ្តាលអោយក្រពឹតរួចប៉ើងទៅកៀរនឹងបង្គោលភ្លើងក្រពឹតចំហៀងខាងស្តាំទៀត ហើយប្រពន្ធរបស់គាត់នៅក្នុងម៉ូតូកង់បីរងរបួសស្រាល ចំណែករថយន្តបង្ករងការខូចខាត ។
បន្ទាប់ពីកើតហេតុស្ត្រីជាអ្នកបើករថយន្តបានចុះពីរថយន្តទាំងស្ថានភាពស្រវឹងមកជជែកជាមួយស្ត្រីជាប្រពន្ធម្ចាស់កង់បីមិនត្រូវគ្នាហើយថែមទាំងឈ្លោះគ្នា ផ្អើលពេញដងផ្លូវទៀត បង្កជាការភ្ញាក់ផ្អើលដល់អ្នកសារព័ត៌មាន និងសមត្ថកិច្ចចុះមកព្រោងព្រាតផងដែរ ។
បន្ទាប់មកបុរសជាប្តីបានចុះមកចចារម្តងដោយសុំសងការខូចខាតជាទឹកប្រាក់ចំនួន50ដុល្លារ តែខាងម្ចាស់កង់បីមិនព្រម បានទាមទារសំណង៣០០ដុល្លារ ម្ចាស់រថយន្តមិនព្រមទើបអូសបន្លាយការរាប់ម៉ោង ។ ក្រោយកើតហេតុខាងមន្ត្រីជំនាញមូលដ្ឋានចុះមកជួយសម្រួលទើបភាគីទាំងសងខាងយល់ព្រមនឹងទទួលសំណងត្រឹមតែ១០០ដុល្លារក៏បញ្ចប់រឿង ៕
ចែករំលែកព័តមាននេះ