រាជធានីភ្នំពេញ ៖ បុរស២នាក់ ដោយម្នាក់ជាអ្នករួមដំណើរ និងបុរសម្នាក់ទៀតជាអ្នកបើកបរសង្ស័យស្រវឹងបានបើករថយន្តលឿនពេកជ្រុលទៅបុករថយន្តតារាសម្តែងក្នុងទិសដៅបញ្ច្រាសគ្នាពេញទំហឹង បណ្តាលឱ្យរថយន្តរងគ្រោះវិលទៅប៉ះម៉ូតូមួយគ្រឿងទៀតរងរបួសធ្ងន់ស្រាល២នាក់ ។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី២០ ខែសីហា ឆ្នាំ២០១៨…
រាជធានីភ្នំពេញ ៖ បុរស២នាក់ ដោយម្នាក់ជាអ្នករួមដំណើរ និងបុរសម្នាក់ទៀតជាអ្នកបើកបរសង្ស័យស្រវឹងបានបើករថយន្តលឿនពេកជ្រុលទៅបុករថយន្តតារាសម្តែងក្នុងទិសដៅបញ្ច្រាសគ្នាពេញទំហឹង បណ្តាលឱ្យរថយន្តរងគ្រោះវិលទៅប៉ះម៉ូតូមួយគ្រឿងទៀតរងរបួសធ្ងន់ស្រាល២នាក់ ។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវព្រះស៊ីសុវត្ថិ នៅចំណុចក្បែរនិងផ្លូវ២៤០ ស្ថិតនៅក្នុងសង្កាត់ជ័យជំនះ ខណ្ឌដូនពេញ ។
តាមសាក្សីដែលឃើញហេតុការណ៍បានឱ្យដឹងថា មុនពេលកើតហេតុ គេបានឃើញបុរស២នាក់ ដោយបុរសម្នាក់ជាអ្នករួមដំណើរ ចំណែកបុរសម្នាក់ទៀតជាអ្នកបើកបររថយន្តមួយគ្រឿងម៉ាកវីហ្គោ ពណ៌ស ពាក់ស្លាក់លេខ ភ្នំពេញ ២AG-៧២៥២ ធ្វើដំណើរតាមបណ្តោយផ្លូវព្រះស៊ីសុវត្ថិក្នុងទិសដៅពីជើងទៅត្បូង ។
ប្រភពដដែលបានបន្តថា លុះមកដល់ចំណុចកើតហេតុខាងលើ ដោយសារតែអ្នកបើកបររថយន្តបង្កស្រវឹងខ្លាំងពេកបានបើកជែងរថយន្តមួយគ្រឿងម៉ាកឡិចស៊ីស RX300 ពណ៌ស ពាក់ស្លាកលេខ ភ្នំពេញ ២M-៥៧៨៨ ដែលបើកបរដោយនារីម្នាក់ត្រូវបានគេស្គាល់ថាជាតារាសម្តែង ធ្វើដំណើរក្នុងទិសដៅបញ្ច្រាសគ្នា ហើយក៏ត្រូវរថយន្តម៉ាកវីហ្គោបុកចំគូទរថយន្តម៉ាកឡិចស៊ីស RX300 ខាងឆ្វេង បណ្តាលឱ្យរថយន្តម៉ាកឡិចស៊ីស RX300 រងការខូចខាត និងដាច់កង់ក្រោយអស់មួយចំហៀងខាងស្តាំ ហើយធ្វើឱ្យរថយន្តឡិចស៊ីស RX300 វិលពីរបីជុំខ្ទាតទៅប៉ះត្រូវម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០០៨ ដែលជិះគ្នា២នាក់ ប្រុសម្នាក់ និងស្រីម្នាក់ បណ្តាលឲ្យអ្នកជិះម៉ូតូរងរបួសធ្ងន់ស្ត្រីម្នាក់ និងបុរសម្នាក់រងរបួសស្រាល ត្រូវរថយន្តសង្គ្រោះគ្លីនិកឯកជនដឹកយកទៅព្យាបាល ចំណែករថយន្តម៉ាកវីហ្គោវិញរងការខូចខាតខ្ទេចអស់មួយកំណាត់ខាងមុខ ។
ក្រោយពេលកើតហេតុ ម្ចាស់រថយន្តរងគ្រោះដែលគេស្គាល់ថាជាតារាសម្តែងនោះបានគេចខ្លួនចេញពីកន្លែងកើតហេតុ ចំណែករថយន្តទាំង២គ្រឿងត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ