ទីក្រុងវ៉ាស៊ិនតោន ៖ ប្រទេសចិន និងសហរដ្ឋអាមេរិកសង្ឃឹមថា ពួកគេអាចដោះស្រាយសង្គ្រាមពាណិជ្ជកម្ម មុនពេលអ្នកដឹកនាំប្រទេសទាំងពីរចូលរួមកិច្ចប្រជុំG20នៅខែវិច្ឆិកាខាងមុខ ។ លោកប្រធានាធិបតី ស៊ី ជិនពីង…
ទីក្រុងវ៉ាស៊ិនតោន ៖ ប្រទេសចិន និងសហរដ្ឋអាមេរិកសង្ឃឹមថា ពួកគេអាចដោះស្រាយសង្គ្រាមពាណិជ្ជកម្ម មុនពេលអ្នកដឹកនាំប្រទេសទាំងពីរចូលរួមកិច្ចប្រជុំG20នៅខែវិច្ឆិកាខាងមុខ ។
លោកប្រធានាធិបតី ស៊ី ជិនពីង (Xi Jinping) និងប្រធានាធិបតីលោក ដូណាល់ ត្រាំ (Donald Trump) នឹងចូលរួមកិច្ចប្រជុំនេះនៅប្រទេសអាហ្សង់ទីនដែលនឹងចាប់ផ្តើមនៅថ្ងៃទី ៣០ ខែវិច្ឆិកា ។
ប្រទេសចិនបានប្រកាសកាលពីថ្ងៃព្រហស្បតិ៍ ថា អនុរដ្ឋមន្ត្រីពាណិជ្ជកម្ម លោក Wang Shouwen នឹងធ្វើដំណើរទៅកាន់សហរដ្ឋអាមេរិកនៅសប្តាហ៍ក្រោយ ដើម្បីចាប់ផ្តើមចរចាទ្វេភាគីដែលបានផ្អាកកាលពីខែមិថុនានោះឡើងវិញ ។
លោក Cheng Li អ្នកជំនាញប្រទេសចិននៅវិទ្យាស្ថាន Brookings Institution ដែលមានមូលដ្ឋាននៅសហរដ្ឋអាមេរិកបាននិយាយថា លោក Xi កំពុងស្ថិតក្រោមសម្ពាធយ៉ាងខ្លាំងក្នុងប្រទេសចិន ព្រោះតែការអន់ថយនៃទំនាក់ទំនងជាមួយនឹងសហរដ្ឋអាមេរិក ហើយលោកចង់ចរចាច្រើនជាងលោកត្រាំ ។
ការចរចាថ្នាក់ខ្ពស់រវាងប្រទេសទាំងពីរ ត្រូវបានផ្អាកចាប់តាំងពីរដ្ឋមន្ត្រីពាណិជ្ជកម្ម
អាមេរិកលោក Wilbur Ross បានធ្វើដំណើរទៅកាន់ប្រទេសចិន កាលពីដើមខែមិថុនាមក ។
ជាមួយគ្នានេះផងដែរ លោកប្រធានាធិបតីដូណាល់ ត្រាំ បាននិយាយកាលពីថ្ងៃព្រហស្បតិ៍មកថា ៖« ពួកយើងកំពុងតែនិយាយជាមួយប្រទេសចិន ហើយពួកគេចង់ចរចាគ្នា ។ ពួកគេគ្រាន់តែមិនអាចផ្តល់កិច្ចព្រមព្រៀងមួយដែលអាចទទួលយកបាន ។ ដូច្នេះពួកយើងនឹងមិនចូលរួមកិច្ចព្រមព្រៀងណាមួយទេ លុះត្រាតែពួកយើងទទួលបានកិច្ចព្រមព្រៀងមួយដែលយុត្តិធម៌សម្រាប់ប្រទេសរបស់ពួកយើង »៕
ចែករំលែកព័តមាននេះ