អូស.កមេខ្លោង២នាក់ តែដោះលែង៦នាក់វិញ
- តាកែវ
ខេត្តតាកែវ ៖ ជនសង្ស័យជួញដូគ្រឿងញៀនចំនួន២នាក់ក្នុងចំណោម៨នាក់ត្រូវបានមន្ទីប្រឆាំងការជួញដូគ្រឿងញៀននៃកងរាជអាវុធហត្ថខេត្តបានកសាងសំណុំរឿងបញ្ជូនទៅសាលាដំបូងខេត្តកាត់ទោសទៅតាមច្បាប់ ខណៈដែលក្រុមជនសង្ស័យបានលួចលាក់ធ្វើសកម្មភាពចែកចាយ និងប្រើប្រាស់គ្រឿងញៀនហើយត្រូវបានកម្លាំងកងរាជអាវុហត្ថខេត្តសហកាជាមួយកម្លាំងកងរាជអាវុធហត្ថស្រុកសំរោងធ្វើការបង្ក្រាបបានមួយសម្បុក ។ ហេតុការណ៏បង្ក្រាបគ្រឿងញៀននេះបានកើតឡើងវេលាម៉ោង០៤រសៀល ថ្ងៃទី១៧ ខែសីហា ឆ្នាំ២០១៨…
លោក ឈុន សុមេធា ប្រធានការិយាល័យប្រឆាំងបទល្មើសគ្រឿងញៀននៃកងរាជអាវុធហត្ថខេត្តបានអោយដឹងថា មេខ្លោងជួញដូរគ្រឿងញៀនដែលបានឃាត់ខ្លួននេះមានការចូលរួមសម្របសម្រួលពីលោក ជីវ ចាន់តារា ព្រះរាជអាជ្ញាអមសាលាដំបូងខេត្ត កម្លាំងជំនាញចុះសហការជាមួយកម្លាំងកងរាជអាវុធហត្ថស្រុកសំរោងបានឃាត់ខ្លួនជនសង្ស័យចំនួន៨នាក់យកទៅការិយាល័យ តែនៅពេលសាកទៅជនសង្ស័យ៦នាក់ផ្សេងទៀតមិនជាប់ពាក់ព័ន្ធនោះទេ លោកព្រះរាជអាជ្ញាក៏បានអោយកម្លាំងរបស់លោកហៅ ឪពុក ម្តាយ មកទទួលយកកូនដោយធ្វើកិច្ចសន្យាហើយធ្វើការអប់រំដល់កូនៗអោយខិតខំរៀនចៀសអោយឆ្ងាយពីគ្រឿងញៀន ។
ចែករំលែកព័តមាននេះ