ខេត្តពោធិ៍សាត់ ៖ បើតាមសេចក្តីរាយការណ៍បឋមឱ្យដឹងថា កាលពីម៉ោងប្រមាណ១០ទៅ១១នាទីយប់ ថ្ងៃទី១៨ ខែសីហា ឆ្នាំ២០១៨ មានករណីឃាតកម្មមួយកើតឡើងនៅចំណុចអំពួច ស្ថិតក្នុងភូមិជ្រៃក្រឹម ឃុំផ្ទះរុង…
ខេត្តពោធិ៍សាត់ ៖ បើតាមសេចក្តីរាយការណ៍បឋមឱ្យដឹងថា កាលពីម៉ោងប្រមាណ១០ទៅ១១នាទីយប់ ថ្ងៃទី១៨ ខែសីហា ឆ្នាំ២០១៨ មានករណីឃាតកម្មមួយកើតឡើងនៅចំណុចអំពួច ស្ថិតក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ខណៈប្តីបានកាប់សម្លាប់ប្រពន្ធ រួចរត់ទៅចង.កក្នុងព្រៃសម្លាប់ខ្លួនឯង ។
ជនរងគ្រោះខាងលើឈ្មោះ សែម ថាច ភេទស្រី អាយុ៤៥ឆ្នាំ ចំណែកជនសង្ស័យឈ្មោះ ពុំ ម៉ុត ភេទប្រុស អាយុ៦៤ ឆ្នាំ រស់នៅភូមិ-ឃុំកើតហេតុខាងលើ ។
បើតាមសាក្សីប្រាប់ឲ្យដឹងថា ជនសង្ស័យត្រូវជាប្តីបានធ្វើសកម្មភាពកាប់សម្លាប់ប្រពន្ធ រួចធ្វើអត្តឃាតដោយចង.កសម្លាប់ខ្លួន ព្រោះតែជម្លោះក្នុងគ្រួសាររឿងប្តីប្រច័ណ្ឌប្រពន្ធ។ ហើយវត្ថុតាងដែលរកឃើញមានពូថៅដៃមួយមានស្នាមប្រឡាក់ដោយឈាម។
សាក្សីឲ្យដឹងបន្តថា ដំណើររឿងដំបូង គឺនៅថ្ងៃទី១៨ សីហា យប់ជ្រៅជនរងគ្រោះ និងជនសង្ស័យឈ្លោះទាស់ទែងគ្នា លុះក្រោយមកសមត្ថកិច្ចក៏ទទួលព័ត៌មានថា ប្តីកាប់ប្រពន្ធបណ្តាលឲ្យស្លាប់បាត់ទៅហើយ ។ ពេលនោះសមត្ថកិច្ចទៅដល់ ស្រាប់តែប្តីរត់ទៅចង.កនឹងដើមក្រូចឆ្មារខាងក្រោយផ្ទះ បណ្តាលស្លាប់ផងដែរ ។
ក្រោយពីករណីនេះកើតឡើង សមត្ថកិច្ចស្រាវជ្រាវ និងត្រួតពិនិត្យកន្លែងកើតហេតុ រួមទាំងសួរនាំសាក្សីជាកូនបង្កើតជនសង្ស័យ ដោយពួកគេក៏ឆ្លើយប្រហាក់ប្រហែលគ្នាថា យប់នោះឪពុកបានទូរស័ព្ទប្រាប់គេថា «ឲ្យជួយមើលគោ និងជួយមើលប្អូនៗផង» ។ មួយសន្ទុះក្រោយមក កូនក៏ទូរស័ព្ទទៅឪពុកវិញ ស្រាប់តែតេចូលគ្មានអ្នកណាលើក ។ លុះព្រឹកឡើងមានប្អូនជីដូនមួយតេប្រាប់ថា «ឪពុកបងឯងចង.កស្លាប់ហើយ» ចំណែកម្តាយក៏ស្លាប់ដែរ ។
បន្ទាប់មកសមត្ថកិច្ចធ្វើការពិនិត្យលើសពមានស្នាមរបួស១០កន្លែង ត្រង់បំពង់.ក៦កន្លែង ទងត្រចៀកឆ្វេងស្តាំ២កន្លែង បាក់ថ្គាម១កន្លែង ក្បាលផ្នែកខាងក្រោយ១កន្លែង ដោយកាប់សម្លាប់ខ្ទេចមុខនៅក្នុងថ្លុកឈាម ។ ចំណែកប្តីជាឃាតករបានរត់ទៅចង.កដោយខ្សែចងគោ ហើយឃើញសពនៅលើមែកក្រូចឆ្មារ ។ ក្រោយសមត្ថកិច្ចសន្និដ្ឋានថា ជាករណីឃាតកម្ម ដោយប្តីសម្លាប់ប្រពន្ធ រួចទៅធ្វើអត្តឃាតចង.កសម្លាប់ខ្លួនឯងពិតប្រាកដមែន ៕
ចែករំលែកព័តមាននេះ