រាជធានីភ្នំពេញ ៖ នៅសណ្ឋាគារឡឺរ៉ូយ៉ាល់ កាលពីថ្ងៃទី២២ កន្លងមកនេះ ក្រុមហ៊ុនមេនូឡាយហ្វ៍ (ខេមបូឌា) ភីអិលស៊ី បានប្រកាសបើកសម្ពោធ ផលិតផលថ្មីនៃគម្រោងធានារ៉ាប់រងអាយុជីវិតថ្មី «អនាគតការសិក្សារបស់កូនខ្ញុំជាមួយមេនូឡាហ្វ៍» ដែលនេះ គឺជាគម្រោងដែលមានការរួមបញ្ចូលទាំងការសន្សំប្រាក់ និងការពារ ហើយគម្រោងនេះ ត្រូវបានបង្កើតឡើងសម្រាប់មាតាបិតា
រាជធានីភ្នំពេញ ៖ នៅសណ្ឋាគារឡឺរ៉ូយ៉ាល់ កាលពីថ្ងៃទី២២ កន្លងមកនេះ ក្រុមហ៊ុនមេនូឡាយហ្វ៍ (ខេមបូឌា) ភីអិលស៊ី បានប្រកាសបើកសម្ពោធ ផលិតផលថ្មីនៃគម្រោងធានារ៉ាប់រងអាយុជីវិតថ្មី «អនាគតការសិក្សារបស់កូនខ្ញុំជាមួយមេនូឡាហ្វ៍» ដែលនេះ គឺជាគម្រោងដែលមានការរួមបញ្ចូលទាំងការសន្សំប្រាក់ និងការពារ ហើយគម្រោងនេះ ត្រូវបានបង្កើតឡើងសម្រាប់មាតាបិតាទាំងឡាយណា ដែលមានបំណងសន្សំប្រាក់ជាលក្ខណៈប្រព័ន្ធ និងការពារទំនុកបំរុងផ្នែកហិរញ្ញវត្ថុសម្រាប់ការសិក្សាក្នុងកម្រិតកាន់តែខ្ពស់សម្រាប់បុត្រធីតារបស់ខ្លួន ។
ការចំណាយក្នុងការទទួលនូវការសិក្សាអប់រំប្រកបដោយគុណភាពមានការកើនឡើងជាបន្តបន្ទាប់ និងបានក្លាយជាបញ្ហាហិរញ្ញវត្ថុដ៏ចម្បងមួយសម្រាប់ក្រុមគ្រួសារភាគច្រើន ។ ដើម្បីជួយដល់មាតា បិតា ក្នុងការរៀបចំផែនការនាពេលអនាគត ក្រុមហ៊ុនមេនូឡាយហ៍្វ (ខេមបូឌា) ភិអិលស៊ី បានបង្កើតនូវគម្រោងហិរញ្ញវត្ថុមួយដែលមិនត្រឹមតែអនុញ្ញាតឱ្យមាតាបិតាធ្វើការសន្សំប្រាក់បានប៉ុណ្ណោះទេ គឺថែមទាំងផ្តល់អនាគតមួយដ៏ភ្លឺស្វាងដល់បុត្រធីតាជាទីស្រឡាញ់របស់ខ្លួនថែមទៀតផង ។
លោក Robert Elliott អគ្គនាយកប្រតិបត្តិ និងនាយកចាត់ការទូទៅរបស់ក្រុមហ៊ុនមេនូឡាយហ្វ៍ (ខេមបូឌា) ភីអិលស៊ី បានមានប្រសាសន៍ថា «យើងខ្ញុំមានសេចក្តីសោមនស្សរីករាយសូមនាំយកនូវផលិតផល «អនាគតការសិក្សារបស់កូនខ្ញុំជាមួយមេនូឡាយហ៍» មកជូនប្រជាជនកម្ពុជា ។
យើងសង្ឃឹមយ៉ាងមុតមាំថា ជាផលិតផលថ្មីនេះនឹងជួយដល់មាតាបិតាគ្រប់រូបក្នុងការរៀបចំផែនការហិរញ្ញវត្ថុសម្រាប់ការសិក្សារបស់បុត្រធីតារបស់គាត់ ព្រមទាំងការពារពួកគាត់ឱ្យរួចផុតពីផលប៉ះពាល់ហិរញ្ញវត្ថុពីហេតុការណ៍នានា ដែលអាចនឹងកើតមានឡើងចៃដន្យ ។ យើងជឿជាក់ថា ផលិតផល «អនាគតការសិក្សារបស់កូនខ្ញុំជាមួយមេនូឡាយហ៍» នេះ គឺជាអំណោយដែលមិនអាចកាត់ថ្លៃបានសម្រាប់បុត្រធីតាគ្រប់រូប» ៕
ចែករំលែកព័តមាននេះ