រាជធានីភ្នំពេញ ៖ កម្លាំងសមត្ថកិច្ចនគរបាលខណ្ឌឫស្សីកែវ នៅរសៀលថ្ងៃទី១៥ ខែសីហា ឆ្នាំ២០១៨នេះ បានបញ្ចូនខ្លួនបុរសដែលជិះរថយន្ត៥៧០ ពាក់ស្លាកលេខរដ្ឋប្រើប្រាស់អាវុធខ្លីគំរាមបាញ់ម្ចាស់រថយន្តស្ទូច និង បក្ខពួកម្នាក់ទៀតទៅអយ្យការអមសាលាដំបូងរាជធានីភ្នំពេញ។…
រាជធានីភ្នំពេញ ៖ កម្លាំងសមត្ថកិច្ចនគរបាលខណ្ឌឫស្សីកែវ នៅរសៀលថ្ងៃទី១៥ ខែសីហា ឆ្នាំ២០១៨នេះ បានបញ្ចូនខ្លួនបុរសដែលជិះរថយន្ត៥៧០ ពាក់ស្លាកលេខរដ្ឋប្រើប្រាស់អាវុធខ្លីគំរាមបាញ់ម្ចាស់រថយន្តស្ទូច និង បក្ខពួកម្នាក់ទៀតទៅអយ្យការអមសាលាដំបូងរាជធានីភ្នំពេញ។ ជនសង្ស័យជាម្ចាស់រថយន្តឡិចស៊ីស៥៧០ ឈ្មោះ គ្រី ដារិន ភេទប្រុស អាយុ៣៩ឆ្នាំ ស្នាក់នៅផ្ទះលេខ៥៧ ផ្លូវ៤៥៤ សង្កាត់ទួលទំពូងទី១ ខណ្ឌចម្ការមន មានមុខរបរអ្នកលក់សាច់ជ្រូក។ រីឯបក្ខពួកជាអ្នកបើករថយន្តកូរ៉ូឡាឈ្មោះ ស្រន់ ពិសិដ្ឋ ភេទប្រុស អាយុ៣០ឆ្នាំ ស្នាក់នៅក្នុងស៊ីកាប់ជ្រូកគីឡូម៉ែត្រលេខ៦។
ដើមចមបណ្តាលឲ្យមានការឃាត់ខ្លួនជនសង្ស័យ២នាក់នេះ ត្រូវបានគេដឹងថា កាលពីថ្ងៃទី១៥ ខែសីហា ឆ្នាំ២០១៨ វេលាម៉ោង២ និង១៥នាទី រំលងអាធ្រាត មានរថយន្តឡិចស៊ីស៥៧០ ពណ៌ស ពាក់ស្លាកលេខ រដ្ឋ ០៧.២-៨៩៨៩ បានបើកបុកបង្កោលភ្លើង នៅចំណុចមុខខ្លោងទ្វារវិទ្យាល័យឫស្សីកែវ ផ្លូវជាតិលេ៥ សង្កាត់ឫស្សីកែវ។ បន្ទាប់មកនគរបាលអធិការដ្ឋាន ខណ្ឌឫស្សីកែវ បានរាយការណ៍ទៅការិយាល័យចរាចរណ៍ផ្លូវគោករាជធានីភ្នំពេញ។ បន្ទាប់មករថយន្តបង្ករនោះ ត្រូវបានអង្គភាពការរិយាល័យចរាចរណ៍ផ្លូវគោក បានយករថយន្តស្ទូចមកដឹកនៅអង្គភាព លុះពេលដឹកមកដល់ ចំណុចផ្លូវប្រឡាយទឹកវត្តទួលអស់លោក ដែលផ្លូវនោះកំពុងធ្វើស្ពាន មិនអាចទៅមុខរួច រថយន្តស្ទូចក៏បានបក ត្រឡប់ក្រោយវិញ។
ពេលទៅដល់ចំណុចមុខវត្តទួលអស់លោក ជនបង្កដែលជាម្ចាស់រថយន្ត៥៧០ និង បក្ខពួកម្នាក់ទៀតនោះ បានជិះរថយន្តម៉ាកកូរ៉ូឡា ពាក់ស្លាកលេខ ភ្នំពេញ ២A-១២៤៥ បានស្ទាក់មុខឡានស្ទូច និងបញ្ជាឲ្យម្ចាស់ឡានស្ទូចឈប់ រួចជនបង្កបានឡើងរថយន្តស្ទូច អង្គុយអែបតៃកុងឡាន ហើយ បានយកកាបូបកាំភ្លើងខ្លីដាក់លើតាបឡូថយន្ត ហើយបានរូតកាបូបបញ្ហាញតៃកុងរថយន្តគំរាម ឲ្យដឹករថយន្តរបស់ខ្លួនចូលផ្ទះខ្លួនឯង ស្ថិតនៅចំណុចផ្ទះលេខ៤ ផ្លូវលំ ក្រុម១ ភូមិខ១ សង្កាច្រាំងចំរេះទី២ វិញ។
ក្រោយពីហេតុការណ៍កើតឡើង កម្លាំងជំនាញខណ្ឌប៉ុស្តិ៍ សហការណ៍ជាមួយការិយាល័យចរាចរណ៍ ចុះទៅដល់លំនៅដ្ឋានរបស់ជនបង្កធ្វើការឃាត់ខ្លួន និងដកហូតរថយន្ត ហើយបន្តរុករកវត្ថុតាង(កាំភ្លើងខ្លី)។ តែដោយសមត្ថកិច្ចរកនៅក្នុងរថយន្តមិនឃើញ ក៏បានរាយការណ៍ទៅព្រះរាជអាជ្ញារងលោក សៀង សុខ ស្នើសុំបន្តឆែកឆេរក្នុងលំនៅដ្ឋានរបស់ជនបង្ក ដោយមានការចូលរួមពីក្រឡាបញ្ជី ប្រធានភូមិ ចៅសង្កាត់ លុះមកដល់វេលាម៉ោង១០ព្រឹក សមត្ថកិច្ចជំនាញ បានរកឃើញអាវុធរបស់ជនបង្កយកទៅលាក់ទុក នៅក្នុងឡាបូបន្ទប់ទឹកជាន់ទី២ ម៉ាកបេរ៉ាតាលេខ BER027273 ពណ៌ខ្មៅ មាន១១គ្រាប់។
សមត្ថកិច្ចបានដកហូតវត្ថុតាងរួមមាន៖ ១.រថយន្ត៥៧០មួយគ្រឿង ស្លាកលេខរដ្ឋ ០៧–២.៨៩៨៩ ពណ៌ស ២.រយន្តកូរ៉ូឡាមួយគ្រឿង ពណ៌ស្លែ ពាក់ស្លាកលេខ ២A-១២៤៦ ៣.កាំភ្លើងខ្លីមួយដើមម៉ាក បេយ៉ាតា លេខBER027273 ពណ៌ខ្មៅ មាន១១គ្រាប់៕
ចែករំលែកព័តមាននេះ