ខេត្តកំពង់ចាម ៖ ការប្រលងសញ្ញាបត្រមធ្យមសិក្សាទុតិយភូមិ កាន់តែខិតជិតមកដល់ គេសង្កេតឃើញសិស្សប្រុស-ស្រីមានខិតខំប្រឹងប្រែងរៀនសូត្រ ទៅតាមមុខវិជ្ជានីមួយៗដើម្បីបញ្ចេញសមត្ថភាពរៀងៗ ខ្លួន ដោយនៅឆ្នាំ២០១៧កន្លងទៅ អ្នកជាប់និទ្ទេសA មានចំនួន២០នាក់ …
ខេត្តកំពង់ចាម ៖ ការប្រលងសញ្ញាបត្រមធ្យមសិក្សាទុតិយភូមិ កាន់តែខិតជិតមកដល់ គេសង្កេតឃើញសិស្សប្រុស-ស្រីមានខិតខំប្រឹងប្រែងរៀនសូត្រ ទៅតាមមុខវិជ្ជានីមួយៗដើម្បីបញ្ចេញសមត្ថភាពរៀងៗ
ខ្លួន ដោយនៅឆ្នាំ២០១៧កន្លងទៅ អ្នកជាប់និទ្ទេសA មានចំនួន២០នាក់ ខណៈឆ្នាំ២០១៨នេះ ក៏រំពឹងថាអាចកើនលើសឆ្នាំមុន ។ នេះបើតាមការអះអាងរបស់ប្រធានមន្ទីរអប់រំខេត្ត ។
យុវសិស្ស យ៉ុវ លីហៀង ជាសិស្សពូកែរៀនជាប់ចំណាត់ថ្នាក់លេខ១ ថ្នាក់ទី១២« A» នៃវិទ្យាល័យព្រះ
សីហុន ក្រុងកំពង់ចាមប្រាប់កោះសន្តិភាពនៅ ព្រឹកថ្ងៃទី១៦ សីហា នេះ ដោយសារតែរូបគេមានបញ្ញា
ឆ្លាតពីកំណើតនោះ ចាប់តាំងពីបានចូលរៀននៅបឋមសិក្សា គឺតែងតែទទួលបានលទ្ធផលល្អរាល់
ឆ្នាំ លុះពេលចាប់ផ្តើមចូលរួមនៅវិទ្យាល័យ ក៏កាន់តែប្រឹងរៀនសូត្រ ព្រោះដើម្បីឲ្យអនាគតភ្លឺស្វាង ។
យុវសិស្សបន្តថា ស្របពេលដែលរៀនថ្នាក់ទី១២ ត្រូវឆ្នាំប្រលងផងនោះ គឺបានបង្កើនការរៀនសូត្រទាំងនៅសាលារៀននិងនៅផ្ទះ និងបានរៀនកួរបន្ថែមមាន ដូចជា គណិតវិទ្យារូបវិទ្យា ព្រមទាំងវិជ្ជាផ្សេងៗទៀត ហើយការប្រលងចំណាត់ថ្នាក់ប្រចាំឆ្នាំ២០១៧-២០១៨ រូបគេទទួលបានចំណាត់ថ្នាក់លេខ១ ។ សម្រាប់ការប្រលងមធ្យមសិក្សាទុតិយភូមិ នៅថ្ងៃទី២០ និង២១ សីហា ខាងមុខនេះ នឹងបញ្ចេញសមត្ថភាព ធ្វើយ៉ាងណា ឱ្យបានពិន្ទុល្អដែលបំណងប្រាថ្នា ចង់រៀនយកផ្នែកស្ថាបត្យករនៅមហាវិទ្យាល័យរាជធានីភ្នំពេញ ។ ហើយប្រសិនបើស្ថានទូតជប៉ុននៅភ្នំពេញ ប្រកាសជ្រើសរើសនិស្សិតឱ្យទៅសិក្សានៅប្រទេសជប៉ុន រូបគេនឹងទៅដាក់ប្រលងនឹងគេដែរ ។
ដោយឡែក យុវតី ស្វាយ មុនីនាថ រៀនថ្នាក់ទី១២« A» វិទ្យាល័យព្រះសីហនុ ក្រុងកំពង់ចាម បានប្រាប់ដែរថា ចាប់តាំងពីពេលដែលបានរៀនចូលថ្នាក់ទី៧ នៅវិទ្យាល័យនេះមក ក៏បានប្រឹងរៀនសូត្រ ព្រោះថាឪពុកម្តាយជាគ្រូបង្រៀនស្រាប់ គួបផ្សំនឹងបញ្ញាឆ្លាតផង បានរៀនជាប់សិស្សពូកែរាល់ឆ្នាំដល់ថ្នាក់ទី១២ ។
លោកលី ម៉េងសាន ប្រធានមន្ទីរអប់រំយុវជន និងកីឡាខេត្តប្រាប់ឱ្យដឹងដែរថា ក្នុងខេត្តកំពង់ចាមមានមណ្ឌលប្រលងចំនួន១៤ ហើយបេក្ខជនមានចំនួន៨០០៧នាក់ ហើយសម្រាប់ការប្រលងសញ្ញាប័ត្រ
មធ្យមសិក្សាទុតិយភូមិរំពឹងថា នឹងប្រលងជាប់ច្រើនដែលនិន្ទេស A កើនលើសឆ្នាំ២០១៧ ព្រោះកាល
មានចំនួន២០នាក់ ។
ចែករំលែកព័តមាននេះ