រាជធានីភ្នំពេញ ៖ ជនសង្ស័យចំនួន៣នាក់ ដែលសុទ្ធតែជាមុខសញ្ញាចាស់ និង ខ្លះទៀតទើបតែចេញ ពីពន្ធនាគារថ្មីៗនេះក៏មាននោះ ត្រូវបានកម្លាំងមានសម្ថកិច្ចចាប់ឃាត់ខ្លួន ក្រោយពីពួកគេបាននាំគ្នា ធ្វើសកម្មភាពឆក់ទូរស័ព្ទដៃម៉ាក…
រាជធានីភ្នំពេញ ៖ ជនសង្ស័យចំនួន៣នាក់ ដែលសុទ្ធតែជាមុខសញ្ញាចាស់ និង ខ្លះទៀតទើបតែចេញ ពីពន្ធនាគារថ្មីៗនេះក៏មាននោះ ត្រូវបានកម្លាំងមានសម្ថកិច្ចចាប់ឃាត់ខ្លួន ក្រោយពីពួកគេបាននាំគ្នា ធ្វើសកម្មភាពឆក់ទូរស័ព្ទដៃម៉ាក Iphone5 មួយគ្រឿងពីស្ត្រីម្នាក់បាន ហើយជិះម៉ូតូរត់ទៅបុករថយន្ត មួយគ្រឿងបណ្ដាលឲ្យដួល។ ហេតុការណ៍នេះដែរបានកើតឡើងកាលពីវេលាម៉ោង២ និង ៣០នាទីរសៀល ថ្ងៃទី១២ ខែសីហា ឆ្នាំ២០១៨ នៅចំណុចផ្លូវលេខ៨៤ កែងនឹងផ្លូវលេខ៦៥ ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា ជនសង្ស័យទាំង ៣នាក់ដែលបានចាប់ឃាត់ខ្លួនមានទី១-ឈ្មោះ ជួន បញ្ញា ភេទប្រុស អាយុ២៨ឆ្នាំ ស្នាក់នៅផ្ទះជួលម្តុំ ទួលសង្កែ ខណ្ឌឫស្សីកែវ ទី២-ឈ្មោះ ង្វៀង ទ្រីមីលិន ភេទស្រី (ភេទទី៣) អាយុ២២ឆ្នាំ និងទី៣-ឈ្មោះ សរ រក្សា ភេទប្រុស អាយុ២២ឆ្នាំ ស្នាក់នៅផ្ទះជួលម្តុំខាងក្រោយពេទ្យកាល់ម៉ែត ក្នុងសង្កាត់ ស្រះចក ខណ្ឌដូនពេញ។ ចំណែកឯនារីរគ្រោះមានឈ្មោះ ឆេង ចិន្តា អាយុ៣១ឆ្នាំ មុខរបជាបុគ្គលិកបម្រើការ ងារនៅក្នុងភោជនីយដ្ឋានយីហោ ហាយជី ក្បែរកន្លែងកើតហេតុខាងលើ ស្នាក់នៅផ្ទះជួលក្នុង សង្កាត់ស្រះចក ខណ្ឌដូនពេញ។
មុនពេលកើតហេតុ ក្រោយពីចប់ម៉ោងធ្វើការងារក្នុងហាងខាងលើ រូបនាងក៏បានដើរចេញទៅផ្ទះជួលរបស់នាងដែលនៅមិនឆ្ងាយពីកន្លែងកើតហេតុ ដោយដើរបណ្តើរ និង និយាយទូរស័ព្ទជាមួយនឹងមិត្តភក្តិរបស់នាងបណ្តើរតាមផ្លូវនោះ ក៏ស្រាប់តែលេចមុខក្រុមជនសង្ស័យទាំង ៣នាក់ ជិះម៉ូតូកញ្ចាស់ម៉ាកវីវ៉ាព៌ណខ្មៅ ពាក់ស្លាកលេខ ភ្នំពេញ ១AI-៥៤១៤ មួយគ្រឿងមកពី ក្រោយឆក់យកទូរស័ព្ទតែម្តង។
តាមប្រភពដដែលបានប្រាប់បន្តទៀតថា ពេលដែលក្រុមជនសង្ស័យទាំង ៣នាក់ធ្វើសកម្មភាពឆក់យកទូរស័ព្ទដៃមួយគ្រឿងម៉ាក Iphone5 ពណ៌ស មួយគ្រឿងពីនារីរងគ្រោះបាន ហើយនោះ នាងក៏បានស្រែកថា <<ចោរៗ>>ឡើង ហើយពួកគេក៏បានជិះម៉ូតូរត់ទៅបុកនឹងរថយន្ត មួយគ្រឿងទៀត ដួលហើយធ្វើឲ្យមានការភ្ញាក់ផ្អើល កើតឡើងដល់អ្នកជិតខាងនាំគ្នាដេញជួយចាប់បាន និងប្រគល់ឲ្យកម្លាំងមានសម្ថកិច្ចតែម្តង។
ក្រោយពេលកើតហេតុ កម្លាំងនគរបាលប៉ុស្តិ៍ស្រះចក ក៏បានធ្វើការប្រគល់ទូរស័ព្ទដៃម៉ាក Iphone5 មួយគ្រឿងនោះទៅឱ្យនារីរងគ្រោះវិញ ហើយក៏បានបញ្ជាក់ប្រាប់ទៀតថា <<ក្រុមជនសង្ស័យទាំង ៣នាក់ដែលបានចាប់ឃាត់ខ្លួននេះ ពួកគេ សុទ្ធតែជាក្រុមមុខសញ្ញាចាស់ និងខ្លះទៀតទើបតែចេញពីពន្ធនាគារក៏មាន>> ហើយធ្វើកំណត់ហេតុបញ្ជូនទៅកាន់អធិការដ្ឋាន ខណ្ឌដូនពេញជាបន្តទៀត៕
https://www.youtube.com/watch?v=faEmg7XOTB8
ចែករំលែកព័តមាននេះ