ប្រសិនជាអ្នកចង់ឲ្យម្តាយក្មេកអ្នកស្រឡាញ់ពេញចិត្តក្នុងអំឡុងពេលមានផ្ទៃពោះ អ្នកអាចអនុវត្តតាមវិធីទាំងឡាយខាងក្រោមនេះបាន។ តើមានអ្វីខ្លះទៅ? 1. ប្រសិនជាអ្នកមិនចង់ឲ្យកើតមានជម្លោះនឹងគ្នា អ្នកគួរតែរក្សាគម្លាតពីគ្នា មានន័យថា អ្នកមិនគួររស់នៅក្នុងផ្ទះតែមួយទេ ព្រោះពេលដែលអ្នកមានផ្ទៃពោះ អារម្មណ៍អ្នកនឹងឡើងចុះមិនទៀងទេ…
ប្រសិនជាអ្នកចង់ឲ្យម្តាយក្មេកអ្នកស្រឡាញ់ពេញចិត្តក្នុងអំឡុងពេលមានផ្ទៃពោះ អ្នកអាចអនុវត្តតាមវិធីទាំងឡាយខាងក្រោមនេះបាន។ តើមានអ្វីខ្លះទៅ?
1. ប្រសិនជាអ្នកមិនចង់ឲ្យកើតមានជម្លោះនឹងគ្នា អ្នកគួរតែរក្សាគម្លាតពីគ្នា មានន័យថា អ្នកមិនគួររស់នៅក្នុងផ្ទះតែមួយទេ ព្រោះពេលដែលអ្នកមានផ្ទៃពោះ អារម្មណ៍អ្នកនឹងឡើងចុះមិនទៀងទេ ។ ដូចនេះបើអ្នករស់នៅជាមួយម្តាយក្មេក នោះអ្នកទាំងពីរអាចនឹងកើតមានរឿងឈ្លោះច្រើននឹងគ្នាជាមិនខាន ។
2. អ្នកមិនគួររំពឹងខ្លាំងទៅលើម្តាយក្មេកឲ្យមកមើលថែទាំអ្នកក្រោយពេលដែលសម្រាលកូនរួចឡើយ ព្រោះបើអ្នករំពឹងកាន់តែខ្លាំង អ្នកនឹងកាន់តែអស់សង្ឃឹម ។ ម្យ៉ាងទៀតអ្នកក៏មិនគួររំពឹងថា គាត់អាចទូរស័ព្ទមកសួរសុខទុក្ខអ្នកដែរ ព្រោះមិនអាចឡើយ ។ ដូចនេះ អ្នកអាចទូរស័ព្ទទៅលេងគាត់បាន ដើម្បីឲ្យគាត់ដឹងថា អ្នកនៅយកចិត្តទុកដាក់ចំពោះគាត់ ។
3. អ្នកមិនគួររំពឹងចង់ទទួលបានការតបស្នងពីម្តាយក្មេកទេ ក្រោយពេលដែលអ្នកធ្វើរឿងល្អដាក់គាត់ ព្រោះមិនអាចបានឡើយ ។ ដូចនេះ អ្នកគួរតែធ្វើចិត្តធម្មតា ដោយធ្វើឲ្យអស់ពីសមត្ថភាពអ្នក នោះគាត់នឹងអាចមើលឃើញនឹងភ្នែកនៅថ្ងៃណាមួយ ។
4. មិនថាក្នុងស្ថានភាពអារម្មណ៍អ្នកបែបណាទេ អ្នកគួរតែប្រើចរិតទន់ភ្លន់ជាមួយគាត់ ទើបអាចបង្ក្រាបម្តាយក្មេកបាន ព្រោះបើអ្នករឹង នោះគាត់នឹងប្រកាន់ចរិតរឹងដូចគ្នា មិនងាយចុះចាញ់ឡើយ ។ ដូចនេះ មានតែចរិតទន់ភ្លន់ទេ ទើបអាចធ្វើឲ្យគាត់ធ្វើឲ្យចិត្តគាត់រាងទន់បន្តិច ។
5. អ្នកមិនគួរយកម្តាយអ្នក ទៅប្រៀបធៀបជាមួយម្តាយក្មេកឡើយ ព្រោះអ្នកជាសាច់មួយដុំដែលចេញពីខ្លួនម្តាយអ្នក មិនដូចម្តាយក្មេក គ្រាន់តែជាម្តាយស្វាមីអ្នកឡើយ ។ ដូចនេះ អ្នកគួរតែរៀនកែប្រែចិត្ត ទើបអាចចុះសម្រុងជាមួយនឹងម្តាយក្មេកបាន ៕
(ស្រង់ពីគេហទំព័រសុខភាព health.com.kh)
ចែករំលែកព័តមាននេះ