ក្មេងស្រីហ្វ៊ីលីពីនអាយុ១៤ឆ្នាំ មានដៃភ្លោះនៅត្រង់ដើមទ្រូងតាំងពីកំណើត និងនៅរីកដុះដាលបន្ដធ្វើឲ្យស្ថានភាពរស់នៅមានការលំបាក ត្រៀមទៅវះកាត់នៅប្រទេសថៃក្នុងរយៈពេលប៉ុន្មានសប្ដាហ៍ខាងមុខ ។
ក្មេងស្រីវ៉េរ៉ូនីកា ខាំមីងហ្គេស(Veronica Cominguez) ដៃភ្លោះទាំង២របស់នាងកំពុងរីកធំស្របតាមអាយុ ។ បច្ចុប្បន្ននាងកំពុងសិក្សានៅក្រុងអុីលីហ្គែន (Iligan) ប្រទេសហ្វ៊ីលីពីនបានបញ្ជាក់ថា កាលពីនៅក្មេងគិតថាដៃភ្លោះជាជើង ប៉ុន្តែនៅពេលធំដឹងក្ដី វាក៏ចាប់រីកធំ និងធ្វើចលនាយ៉ាងលំបាក ។ ដៃយោលនៅគ្រប់ពេលបង្កឲ្យទទឹកអាវជាញឹកញាប់ ដោយសារផ្សិតមានហូរទឹកក្លិនស្អុយប្រៀបដូចលាមក មានពេលខ្លះក៏ហូរឈាម ។
អ្នកស្រីផ្លរ៉ា ខាំមីងហ្គេស ម្ដាយរបស់ក្មេងស្រីឲ្យដឹងថាក្រុមគ្រួសាររបស់ខ្លួនធ្លាប់មានកូនភ្លោះ និងទទួលស្គាល់ថានៅពេលពពោះកូនស្រីវ៉េរ៉ូនីកា មិនបានទៅពិនិត្យពោះទេ ប៉ុន្តែក៏មានភាពខុសប្រក្រតីនៅក្នុងគភ៌អាចជាកូនភ្លោះ ប៉ុន្តែធំធាត់មិនពេញលេញទើបមានស្ថានភាពបែបនេះ។
ដោយសារតែមានភាពអាណិតអាសូរអ្នកស្រុកក៏រៃអង្គាសប្រាក់រហូតគ្រប់នាំនាងទៅវះកាត់នៅប្រទេសថៃ ខណៈពេលក្មេងស្រីវ៉េរ៉ូនីកា ក៏កំពុងរង់ចាំឪកាសដ៏ល្អនេះ និងសង្ឃឹមថានឹងមានសុខភាពល្អ ។
អាជ្ញាធរបានបញ្ជាក់ពីវ៉េរ៉ូនីកាថា «ការរស់នៅរបស់នាងមិនមែនជារឿងងាយស្រួលទេ ប៉ុន្តែនាងជាមនុស្សឆ្លាត ជាសិស្សឆ្នើម ៕
ចែករំលែកព័តមាននេះ