នៅវត្តពោធិវាល មានកម្មវិធីបុណ្យ និងរាប់បាត្រ១.០០០អង្គ
- បាត់ដំបង
ខេត្តបាត់ដំបង ៖ នាព្រឹកថ្ងៃទី០៥ ខែសីហា ឆ្នាំ២០១៨នេះ នៅវត្តពោធិវាលក្រុងបាត់ដំបង បុណ្យឆាកមហាបង្សុកូល កាន់អង្គ និងរាប់បាត្រ១.០០០អង្គ ដែលមានការចូលរួមពីព្រះសង្ឃ…
ខេត្តបាត់ដំបង ៖ នាព្រឹកថ្ងៃទី០៥ ខែសីហា ឆ្នាំ២០១៨នេះ នៅវត្តពោធិវាលក្រុងបាត់ដំបង បុណ្យឆាកមហាបង្សុកូល កាន់អង្គ និងរាប់បាត្រ១.០០០អង្គ ដែលមានការចូលរួមពីព្រះសង្ឃ…
ខេត្តបាត់ដំបង ៖ នាព្រឹកថ្ងៃទី០៥ ខែសីហា ឆ្នាំ២០១៨នេះ នៅវត្តពោធិវាលក្រុងបាត់ដំបង បុណ្យឆាកមហាបង្សុកូល កាន់អង្គ និងរាប់បាត្រ១.០០០អង្គ ដែលមានការចូលរួមពីព្រះសង្ឃ ពុទ្ធបរិស័ទមកពីគ្រប់ស្រុកក្នុងខេត្ត និងខេត្តជិតខាងដូចជាពោធិសាត់ ប៉ៃលិន បន្ទាយមានជ័យ យ៉ាងច្រើនកុះករ ប្រមាណជិត១ម៉ឺននាក់ដោយទឹកចិត្តជ្រះថ្លា។
ក្នុងនោះរួមមានទ័យទានជាបច្ច័យ អង្ករ គ្រឿងឧបភោគបរិភោគ និង សម្ភារប្រើប្រាស់ជាដើម រួមទាំងបច្ច័យជួយកសាងសាលាឆាន់ និងសាលាគណវត្តផងដែរ។ លោក សេង វិសាល អាជីវករនៅផ្សារណាត់ក្រុងបាត់ដំបងបានបញ្ជាក់ថា គ្រួសារលោក និងអ្នកជិតខាងបានទទួលដំណឹង តៗគ្នាក្នុងកម្មវិធីថ្ងៃនេះ ហើយបានរៀបចំជួយចូលរួមក្នុងកម្មវិធីបុណ្យនេះ ដោយបានចូលរួមចាប់ឆ្នោត តាមអង្គនីមួយៗ ដែលមាន១ពាន់កន្លែងសម្រាប់លោក១អង្គតំណាងផងដែរ ហើយលោកអង្គសង្ឃ គឺបានមកពីតំណាងវត្តផ្សេងៗមកចូលរួមនៅកន្លែងនេះដោយមានមេគណ អនុគណក្នុងខេត្តបាត់ដំបងបានរៀបចំ ។
ក្នុងកន្លែងលោក១ពាន់អង្គ តំណាងមាន១ពាន់កន្លែងនេះ ដោយសារពុទ្ធបរិស័ទបានដឹងតាមគ្នា ហើយចំនួនកន្លែង ត្រូវពេញ ម្ល៉ោះហើយអ្នកដែលបានមកក្រោយគេគ្មានកន្លែងអាចសុំចូលរួមជាមួយ អ្នកបានមកមុននោះទេ។ ដោយកន្លែងនីមួយៗមនុស្សមិនតិចពីជិត១០នាក់យ៉ាងតិចបានមកចូលបុណ្យ ហើយសម្ភារគ្រឿងបរិក្ខា គ្មានកំណត់ទាំងអស់ ដែលទទួលបានត្រូវព្រះសង្ឃតំណាងកន្លែង ឬវត្តនីមួយៗ ទទួលយកទៅប្រើប្រាស់តាមតម្រូវការ។ ដោយឡែកបច្ច័យកសាងសាលាឆាន់ និងសាលាគណផ្សេងៗ ត្រូវចូលតាមគណៈកម្មការដែលត្រូវរង់ចាំទទួលកន្លែងផ្សេងទៀតផងដែរ៕
ចែករំលែកព័តមាននេះ