រាជធានីភ្នំពេញ ៖ លោក គង់ សុភារិទ្ធ អធិការរងខណ្ឌដូនពេញល្បាតចាប់បានមុខសញ្ញាកាច់.កម៉ូតូចំនួន២នាក់ យកទៅសួរនាំនៅប៉ុស្តិ៍ស្រះចកយកទៅសួរនាំ កាលពីវេលាម៉ោង១២និង៣០នាទី រំលងអធ្រាត្រឈានចូលថ្ងៃទី០៣ ខែសីហា ឆ្នាំ២០១៧ តាមបណ្តោយផ្លូវ៩០ នៅ ណុចម្តុំក្រោយក្លឹបកាសា ស្ថិតនៅក្នុងសង្កាត់ស្រះចក ខណ្ឌដូនពេញ ។
ជនសង្ស័យមានឈ្មោះ ហែល ពេជ្រ អាយុ២៤ឆ្នាំ ស្នាក់នៅតាមសួនច្បារ សង្កាត់គីឡូលេខ៦ ខណ្ឌឬស្សីកែវ និងម្នាក់ទៀតឈ្មោះ ចំរើន ធារ៉ាន់ អាយុ១៦ឆ្នាំ មុខរបរ និងស្នាក់នៅតាមសួនច្បារ មានស្រុកកំណើត នៅស្រុកខ្សាច់កណ្តាល ខេត្តកណ្តាល ។
តាមប្រភពព័ត៌មានបានឲ្យដឹងថា មុនពេលកើតហេតុដោយមានបញ្ជាផ្ទាល់ពីលោកអធិការនគរបាលខណ្ឌដូនពេញឲ្យលោក គង់ សុភារិទ្ធ អធិការរងខណ្ឌដូនពេញដឹកនាំកម្លាំងល្បាតដើម្បីទប់ស្កាត់រាល់បទល្មើសសកម្មភាពកុំឲ្យកើតមាននៅក្នុងមូលដ្ឋានដូចជា ឆក់នឹងប្លន់ជាក់ស្តែង ខណៈពេលកម្លាំងសមត្ថកិច្ចល្បាតទៅដល់ចំណុចកើតហេតុខាងលើក៏ស្រាប់តែបានប្រទះឃើញជនសង្ស័យគួរឲ្យសង្ស័យធ្វើការត្រួតពិនិត្យឆែកឆេររកឃើញដែកកាច់.កម៉ូតូចំនួន១ និងទល់ឡឺវីសចំនួន១យកទៅសួរនាំនៅប៉ុស្តិ៍នគរបាលរដ្ឋស្រះចក ហើយជនសង្ស័យខាងលើទើបតែចេញពីព័ន្ធធានាគារជាប់ពីបទលួចកាច់កញ្ចក់រថយន្តគេអស់រយៈពេល១ឆ្នាំជាងនឹង ។
ក្រោយពេលកើតហេតុជនសង្ស័យខាងលើរួមនឹងវត្ថុតាងត្រូវបានសមត្ថកិច្ចកសាងសំណុំរឿងបញ្ចូនទៅកាន់តុលាការ ដើម្បីចាត់ការទៅតាមនីតិវិធី ៕
ចែករំលែកព័តមាននេះ