ខេត្តពោធិ៍សាត់៖ បុរសម្នាក់បានចង.កសម្លាប់ខ្លួនក្រោយពេលចេញពីពន្ធនាគារ សង្ស័យមានវិបត្តិផ្លូវចិត្តវាយប្រពន្ធស្លាប់កាលពីឆ្នាំ២០១៣។ សពត្រូវបានគេប្រទះឃើញកាលពីវេលាម៉ោង១២និង៣០នាទីថ្ងៃត្រង់ថ្ងៃទី១ ខែសីហា ឆ្នាំ២០១៨ នៅភូមិឈើទាល ឃុំត្នោត ជុំស្រុកក្រគរ ក្បែរផ្ទះរបស់ជនរងគ្រោះតែម្ដង។…
ខេត្តពោធិ៍សាត់៖ បុរសម្នាក់បានចង.កសម្លាប់ខ្លួនក្រោយពេលចេញពីពន្ធនាគារ សង្ស័យមានវិបត្តិផ្លូវចិត្តវាយប្រពន្ធស្លាប់កាលពីឆ្នាំ២០១៣។ សពត្រូវបានគេប្រទះឃើញកាលពីវេលាម៉ោង១២និង៣០នាទីថ្ងៃត្រង់ថ្ងៃទី១ ខែសីហា ឆ្នាំ២០១៨ នៅភូមិឈើទាល ឃុំត្នោត ជុំស្រុកក្រគរ ក្បែរផ្ទះរបស់ជនរងគ្រោះតែម្ដង។
សមត្ថកិច្ចបានឲ្យដឹងថា ជនរងគ្រោះដែលស្លាប់ឈ្មោះ ឆោម ហេង ភេទប្រុស អាយុ៤៣ឆ្នាំ ។
លោកយាយ អ៊ូ ឃន អាយុ៨១ឆ្នាំ ត្រូវជាអ៊ំបង្កើតរបស់ជនរងគ្រោះបានរៀបរាប់ប្រាប់ថា ក្មួយប្រុសរបស់គាត់នេះតាំងពីត្រឡប់មកពីរកស៊ីនៅប្រទេសថៃវិញ ហាក់បីដូចជាមានសតិខុសប្រក្រតី ទាំងការនិយាយស្ដីទាំងកាយវិការ មិនតែប៉ុណ្ណោះថែមទាំងស្រវឹងរករឿងប្រពន្ធកូនស្ទើររាល់ថ្ងៃទៀតផង ។ លោកយាយឲ្យដឹងថា កាលពីថ្ងៃទី៨ ខែធ្នូ ឆ្នាំ២០១៣ មានជម្លោះប្ដីប្រពន្ធក្នុងគ្រួសារ ក្មួយរបស់គាត់នេះបានវាយប្រពន្ធនឹងអង្រែបុកគ្រឿងរហូតដល់ស្លាប់ចោលកូនចំនួន៤នាក់ ។ នៅចុងឆ្នាំ២០១៧ រូបគេបានចេញពីពន្ធនាគារ ហើយបានព្យាយាមចង.កធ្វើអត្តឃាតប៉ុន្មានលើកប៉ុន្មានសារមកហើយ ប៉ុន្ដែមិនបានសម្រេចដោយសារអ្នកស្រុកឃើញទាន់។លុះនៅថ្ងៃទី១ ខែសីហា នេះធ្វើអត្តឃាតដោយចង.កសម្លាប់ខ្លួនបានសម្រេចតែម្ដង ។
សមត្ថកិច្ចបានឱ្យដឹងថា ជនរងគ្រោះប្រើខ្សែអង្រឹងចង.កលើដើមស្វាយបណ្ដាលឲ្យស្លាប់ដោយសារតែពុំមានអ្នកណាដឹង ។ តាមការធ្វើកោសល្យវិច្ច័យបានបញ្ជាក់ថា ជនរងគ្រោះពិតជាស្លាប់ដោយចង.កធ្វើអត្ត
ឃាតប្រាកដមែន ព្រោះនៅលើដងខ្លួនសពពុំមានស្លាកស្នាមអ្វីដែលសង្ស័យថាជាអំពើឃាតកម្មនោះទេ ៕
ចែករំលែកព័តមាននេះ