ទុក​យូរ​មិន​បាន​ទេ​…​ទទួល​ដំណឹង​ភ្លាម ចុះ​អូស​.​ក​ភ្លែត !


ខេត្តពោធិ៍សាត់ ៖ សមត្ថកិច្ច​មូលដ្ឋាន​បាន​ធ្វើការ​ឃាត់ខ្លួន​ចោរ​ពីរ​នាក់​ដែល​ធ្វើ​សកម្មភាព​លួច​ឧបករណ៍​នេសាទ​របស់​ប្រជាពលរដ្ឋ​នៅ​ចំណុច​ស្វា​ព្រាម ស្ថិត​ក្នុងភូមិ​កោះ​ក្អែក ឃុំ​រាំង​ទិល ស្រុក​កណ្ដៀង កាលពី​វេលា​ម៉ោង​០៧​និង​៣០​នាទី​ព្រឹក ថ្ងៃ​ទី​៣១ ខែកក្កដា ឆ្នាំ​២០១៨ ។

សមត្ថកិច្ច​ឲ្យ​ដឹង​ថា ជនសង្ស័យ​ទាំង​២​នាក់​មាន​ទី​១-​ឈ្មោះ យ៉ាំ​ង កាំ​ង ភេទ​ប្រុស អាយុ​៣៦​ឆ្នាំ និង​ម្នាក់​ទៀត​ឈ្មោះ ងូ យ៉ាំ​ង​ង៉​ង់ ភេទ​ប្រុស អាយុ​៣៦​ឆ្នាំ ទាំង​ពីរ​នាក់​ជា​ជនជាតិ​វៀតណាម​រស់នៅ​ភូមិ​ទី​៥ ឃុំ​កំពង់​លួង ស្រុក​ក្រគរ ។ ការ​ឃាត់ខ្លួន​ជនសង្ស័យ​ទាំង​ពីរ​នាក់​តាម​ពាក្យបណ្ដឹង​ប្រជា​នេសាទ​ឈ្មោះ សុខ ម៉េ​ង ភេទ​ប្រុស​អាយុ​៣៥​ឆ្នាំ រស់នៅ​ភូមិ​កោះ​ក្អែក ឃុំ​រាំង​ទិល ស្រុក​កណ្ដៀង ។

ទាក់ទិន​នឹង​ករណី​នេះ​សមត្ថកិច្ច​បាន​ឲ្យ​ដឹង​ថា កាលពី​វេលា​ម៉ោង​០៧​និង​៣០​នាទី​ព្រឹក ថ្ងៃ​ទី​៣១ ខែកក្កដា ឆ្នាំ​២០១៨ ជនសង្ស័យ​ទាំង​ពីរ​នាក់​ខាងលើ​បាន​ធ្វើ​សកម្មភាព​លួច​ប្រើស ទ្រូ របស់​ប្រជា​នេសាទ​ឈ្មោះ សុខ ម៉េ​ង នៅ​ចំណុច​ស្វា​ព្រាម ភូមិ​កោះ​ក្អែក ឃុំ​រាំង​ទិល ស្រុក​កណ្ដៀង​ចំនួន​១០០ ។

ពេល​នោះ​ឈ្មោះ សុខ ម៉េ​ង រាយការណ៍​ទៅ​កាន់​សមត្ថកិច្ច​ចុះ​ធ្វើការ​ឃាត់ខ្លួន​តាម​បទបញ្ជារ​របស់​លោកស្នងការ និង​លោក​ព្រះរាជអាជ្ញា​អម​សាលាដំបូង​តែ​ម្ដង ។ ​បច្ចុប្បន្ន​ជនសង្ស័យ​ទាំង​ពីរ​នាក់​សមត្ថកិច្ច​បាន​កសាង​សំណុំរឿង​បញ្ជូន​ទៅ​សាលាដំបូង​ដើម្បី​ចាត់ការ​បន្ត​តាម​នីតិវិធី ៕

សន្ដិសុខ​សង្គម

Sponsored News

ការស្ទង់មតិគេហទំព័រថ្មី




សូម​អរគុណ