ខេត្តក្រចេះ៖ ភូមិឋានជាច្រើននៅក្នុងតំបន់នានាតាមបណ្តាស្រុកមួយចំនួនដែលមានទីតាំងនៅប្រសព្វនឹងដងទន្លេមេគ្គ កំពុងតែរងការគំរាមកំហែងជន់លិច ខណៈស្ថានភាពទឹកជំនន់ បាននឹងកំពុងតែហក់ឡើងយ៉ាងគំហុកក្នុងអំឡុងរយៈពេលប៉ុន្មានថ្ងៃចុងក្រោយនេះ។
ចំណែកឯពលរដ្ឋដែលមានភូមិឋានកំពុងយាយីដោយការជន់លិច ក៏បានចាប់ផ្តើមជម្លៀស សម្ភារ គោ ក្របី ជ្រូក មាន់ ទា ចេញពីភូមិទៅកាន់ទីទួលសុវត្ថិភាពជាបណ្តើរៗទៅហើយដែរ។ ក្រៅពីដំណាំកសិកម្ម មានដូចជា ពោត ដំឡូង សណ្តែក ល្ង និងស្រែស្រូវជាច្រើនហិក តាត្រូវ បានលិចលង់អស់ ក្នុងនោះក៏មានលំនៅឋានរាប់រយខ្នងផ្ទះ និងផ្លូវលំនានាចំនួនរាប់ពាន់ម៉ែត្រ ព្រមទាំងសាលារៀន និងមណ្ឌលសុខភាពក៏បានរងការលិចលង់ផងដែរ។
ស្របពេលជាមួយគ្នានេះ អាជ្ញាធរខេត្តក្រចេះ នៅថ្ងៃទី៣០ កក្កដា ក៏បានចេញសេចក្តីប្រកាសព័ត៌មានឲ្យប្រជាពលរដ្ឋមានការប្រុងប្រយត្ន័ខ្ពស់ចំពោះស្ថានភាពទឹកជំនន់ដែលនឹងអាចជន់ឡើងដល់កំរិតប្រកាស់អាសន្នឲ្យមានការប្រុងប្រយ័ត្ន និងបានបញ្ជាឲ្យកងកម្លាំងប្រដាប់អាវុធ ទាំង៣ប្រភេទ ត្រៀមលក្ខណៈឲ្យបានគ្រប់គ្រាន់ដើម្បីជួយសង្គ្រោះ។
ស្រុកចំនួន៥ និងក្រុង១ ក្នុងចំណមស្រុកទាំង៦ ដែលមានទីតាំងនៅប្របនឹងដងទន្លេមេ គង្គ រួមមាន ក្រុងក្រចេះ ស្រុកសំបូរ ស្រុកចិត្របុរី ស្រុកឆ្លូង និងស្រុកព្រែកប្រសព្វ គឺកំពុងតែប្រឈមនិងការជន់លិចកាន់តែធ្ងន់ធ្ងរទៅៗពីមួយថ្ងៃទៅមួយថ្ងៃ។
ពលរដ្ឋនៅស្រុកចិត្របុរី សម្តែងការព្រួយបារម្ភនៅពេលស្ថានភាពទឹកជំនន់កំពុងតែមាន សន្ឋឹកជន់ឡើងកាន់តែខ្លាំងបែបនេះ។ ការបារម្ភរបស់ពួកគាត់ផ្តោតសំខាន់លើបញ្ហាសុខភាព អនាម័យ ពិសេសការរីករាលដាលជម្ងឺឆ្លងទាំងមនុស្សនិងសត្វ ជាងនេះទៅទៀតនោះគឺការ បារម្ភពីការខាតបង់ទិន្នផលកសិកម្ម ដែលពួកគាត់បានដាំដុះនិងសម្រេចប្រមូលផលមុន រដូវហុចផល។
ជុំវិញស្ថានភាពទឹកជំនន់នេះ មន្ត្រីសាលាខេត្តក្រចេះក៏បានឲ្យដឹងថា ខេត្តក្រចេះនឹង ធ្វើការប្រកាសអាសន្ននៅពេលកំពស់ទឹកមានកំរិត២២ម៉ែត្រ ខណៈនៅថ្ងៃទី៣១ កក្កដា នេះ កំរិតទឹក ទន្លេនៅមានកំពស់ជាង២១ម៉ែត្រ ដែលកំពស់នេះគឺជិតដល់និងកំរិតប្រកាសអាសន្ន។
ទោះបីជាបែបណា មន្ត្រីសាលាខេត្តក្រចេះអះអាងទៀតថា អាជ្ញាធរខេត្ត-ស្រុក ក៏ដូច ជាមន្ទីរអង្គភាពពាក់ព័ន្ឋនៅជុំវិញខេត្ត បានត្រៀមលកខណៈរួចជាស្រេច ដូចជា ស្បៀង ថ្នាំសង្កូវ ព្រមទាំងសម្ភារប្រើប្រាស់ផ្សេងៗជួយដល់ពលរដ្ឋដែលប្រឈម ដើម្បីបញ្ជៀស ពីមហន្តរាយធ្ងន់ធ្ងរពីគ្រោះទឹកជំនន់ឲ្យមានសុខសុវត្ថិភាព។ ក្នុងនោះដែរ គណៈកម្មធិការគ្រប់គ្រង់គ្រោះមហន្តរាយខេត្ត និងស្រុក បានត្រៀមទីទួលសុវត្ថិភាពចំនួនជាង២០០កន្លែង ទុកសម្រាប់ជម្លៀសសត្វនិងមនុស្សនៅពេលមានការលិចលង់៕
ចែករំលែកព័តមាននេះ