រាជធានីភ្នំពេញ ៖ មន្ត្រីជាន់ខ្ពស់ក្រសួងការរបទេស និងសហប្រតិបត្តិការអន្តរជាតិ បានគូស បញ្ជាក់ថា ការប្រើប្រាស់កម្លាំងខុសច្បាប់ប្រឆាំងនឹងជនស៊ីវិលពីសំណាក់ទាហានថៃ ដែលរំលោភលើអធិបតេយ្យកម្ពុជាជះឥទ្ធិពល អវិជ្ជមានផងដែរ ដល់ការងារកំណត់ព្រំដែនដែលកំពុងដំណើរការ…
រាជធានីភ្នំពេញ ៖ មន្ត្រីជាន់ខ្ពស់ក្រសួងការរបទេស និងសហប្រតិបត្តិការអន្តរជាតិ បានគូស បញ្ជាក់ថា ការប្រើប្រាស់កម្លាំងខុសច្បាប់ប្រឆាំងនឹងជនស៊ីវិលពីសំណាក់ទាហានថៃ ដែលរំលោភលើអធិបតេយ្យកម្ពុជាជះឥទ្ធិពល អវិជ្ជមានផងដែរ ដល់ការងារកំណត់ព្រំដែនដែលកំពុងដំណើរការ ។
ការលើកឡើងរបស់លោកជំទាវ អ៊ាត សោភា រដ្ឋលេខាធិការប្រចាំការនៃក្រសួងការបរទេស និងសហប្រតិបត្តិការអន្តរជាតិ បានធ្វើបទបង្ហាញជូនសមាជិកអង្គទូត និងអង្គការអន្តរជាតិអំពីការវិវត្តថ្មីៗនៃស្ថានការណ៍ព្រំដែនកម្ពុជា-ថៃ ជាពិសេស ឧប្បត្តិហេតុផ្ទុះមីន កាលពីថ្ងៃទី១០ ខែវិច្ឆិកា ឆ្នាំ២០២៥ និងការបាញ់ប្រហារដោយកងកម្លាំងថៃលើប្រជាជនស៊ីវិលកម្ពុជា នៅភូមិព្រៃចាន់ ខេត្តបន្ទាយមានជ័យ កាលពីថ្ងៃទី១២ ខែវិច្ឆិកា ឆ្នាំ២០២៥។
យោងតាមសេចក្តីប្រកាសព័ត៌មានរបស់ក្រសួងការបរទេសចេញផ្សាយ នៅថ្ងៃទី១៤ វិច្ឆិកា ឆ្នាំ ២០២៥បានលើកឡើងថា លោកជំទាវរដ្ឋលេខាធិការប្រចាំការបានបង្ហាញថា កម្ពុជាបានធ្វើការ តវ៉ាជាផ្លូវការចំពោះការបាញ់ប្រហារដោយឥតរឿងហេតុពីសំណាក់កងកម្លាំងថៃ ដែលបណ្តាល ឱ្យស្លាប់ជនស៊ីវិលខ្មែរម្នាក់ និងរបួសបីនាក់ផ្សេងទៀត នៅភូមិព្រៃចាន់ ឃុំអូរបីជាន់ ខេត្តបន្ទាយ មានជ័យ នៅរសៀលថ្ងៃទី១២ ខែវិច្ឆិកា ឆ្នាំ២០២៥។
លោកជំទាវបានបញ្ជាក់ដែរថា «ការប្រើប្រាស់កម្លាំង ខុសច្បាប់ប្រឆាំងនឹងជនស៊ីវិល ដែលរំលោភលើអធិបតេយ្យរបស់កម្ពុជា ច្បាប់មនុស្សធម៌អន្តរជាតិ និងគោលការណ៍គ្រឹះ នៃធម្មនុញ្ញអង្គការសហប្រជាជាតិ និងធម្មនុញ្ញអាស៊ាន ក៏បានជះឥទ្ធិពល អវិជ្ជមានផងដែរ ដល់ការងារកំណត់ព្រំដែនដែលកំពុងដំណើរការ តាមការព្រមព្រៀងគ្នានៅក្នុងកិច្ច ប្រជុំពិសេ សគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ កាលពីថ្ងៃទី២១-២២ ខែតុលា ឆ្នាំ ២០២៥»។
លោកជំទាវរដ្ឋលេខាធិការប្រចាំការ បានអំពាវនាវឱ្យមានការស៊ើបអង្កេតលើការបាញ់ ប្រហារ ដ៏សោកនាដកម្មនេះ ដោយមានការចូលរួមពីក្រុមអ្នកសង្កេតការណ៍អាស៊ាន (AOT) ព្រមទាំង បានស្វាគមន៍ចំពោះការគាំទ្រ និងការចូលរួមពីគ្រប់ដៃគូទាំងអស់។ ទាក់ទិននឹង ឧប្បត្តិហេតុ ផ្ទះមីនដែលបានធ្វើឱ្យទាហានថៃមួយចំនួនរងរបួសកាលពីថ្ងៃទី១០ ខែវិច្ឆិកា ឆ្នាំ២០២៥លោក ជំទាវ បានគូសបញ្ជាក់ថា ខណៈដែលឧប្បត្តិហេតុនេះគួរមាន អ្នកអង្កេតឯករាជ្យនោះ ពុំគួរអនុញ្ញាតឲ្យរឿងនេះធ្វើឲ្យខូចដល់ដំណឹងការស្តារសន្តិភាពនោះទេ។
លោកជំទាវក៏បានសម្តែងការសោកស្តាយដែលមានទាហានថៃមានរបូស និងបានបញ្ជាក់ថាឧប្បត្តិហេតុនេះ បានកើតឡើងនៅជិតប្រាសារព្រះវិហារ ដែលជាតំបន់គេស្គាល់យ៉ាង ច្បាស់ថាពោរពេញទៅដោយមីន ដែលបន្សល់ពីសង្គ្រាមស៊ីវិលកម្ពុជា កាលពីទស្សវត្សឆ្នាំ១៩៨០ ។ លោកជំទាវក៏បានបដិសេធដាច់អហង្កការនូវរាល់ការចោទប្រកាន់កងកម្លាំងកម្ពុជាបានដាក់មីន។
លោកជំទាវរដ្ឋលេខាធិការប្រចាំការ អ៊ាត សោភា បានបញ្ចប់ការធ្វើបទបង្ហាញ ជាមួយនឹង ការបញ្ជាក់ជាថ្មីនូវការប្តេជ្ញាចិត្តឥតងាករេរបស់កម្ពុជា ក្នុងការអនុវត្តយ៉ាងពេញលេញនូវកិច្ចព្រម ព្រៀងឈប់បាញ់ និងសេចក្តីថ្លែងការណ៍រួមទីក្រុងគូឡាឡាំពួ ស្តីពីការដោះស្រាយជម្លោះដោ យសន្តិវិធី ដែលបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដោយនាយករដ្ឋ មន្ត្រីកម្ពុជា និងថៃ។
សូមជម្រាបថាការធ្វើបទបង្ហាញនេះមានការចូលរួមពីមន្ត្រីជាន់ខ្ពស់មកពីក្រសួងការពារជាតិ មជ្ឈមណ្ឌល សកម្មភាពកំចាត់មីនកម្ពុជា (CMAC) និងរដ្ឋលេខាធិការដ្ឋានកិច្ចការព្រំដែន ដែលបានរួមចំណែក ក្នុងការបំភ្លឺពីអង្គហេតុជាក់លាក់មួយចំនួន ពាក់ព័ន្ធនឹងឧប្បត្តិហេតុទាំងពីរ៕
ចែករំលែកព័តមាននេះ