ខេត្តកំពង់ស្ពឺ ៖ ក្រុមក្មេងទំនើងចំនួន០២នាក់ ត្រូវបានកម្លាំងនគរបាលធ្វើការឃាត់ខ្លួន ខណៈដែលធ្វើសកម្មភាពយកដែកទីបវាយ និងយកកាំបិតផ្គាក់កាប់ទៅលើម៉ូតូស៊េរីទំនើបរបស់ជនរងគ្រោះបណ្តាលឱ្យរងការខូចខាតគ្រាន់តែជិះម៉ូតូវ៉ាជែងគ្នាលើផ្លូវសាធារណៈសោះ ។ ការឃាត់ខ្លួនក្រុមក្មេងទំនើងវាយ និងកាប់បំផ្លាញម៉ូតូជនរងគ្រោះបាន កាលពីយប់ថ្ងៃទី១៤…
ខេត្តកំពង់ស្ពឺ ៖ ក្រុមក្មេងទំនើងចំនួន០២នាក់ ត្រូវបានកម្លាំងនគរបាលធ្វើការឃាត់ខ្លួន ខណៈដែលធ្វើសកម្មភាពយកដែកទីបវាយ និងយកកាំបិតផ្គាក់កាប់ទៅលើម៉ូតូស៊េរីទំនើបរបស់ជនរងគ្រោះបណ្តាលឱ្យរងការខូចខាតគ្រាន់តែជិះម៉ូតូវ៉ាជែងគ្នាលើផ្លូវសាធារណៈសោះ ។ ការឃាត់ខ្លួនក្រុមក្មេងទំនើងវាយ និងកាប់បំផ្លាញម៉ូតូជនរងគ្រោះបាន កាលពីយប់ថ្ងៃទី១៤ ខែវិច្ឆិកា ឆ្នាំ២០២៥ ត្រង់ចំណុចលើផ្លូវលេខ១៤៥ ក្នុងភូមិព្រៃពាយ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបសេដ្ឋបាននិយាយឱ្យដឹងថា ក្រុមក្មេងទំនើងដែលឃាត់ខ្លួនបានមានឈ្មោះ ០១- ឈ្មោះ ឡុង វិសាល ភេទប្រុស អាយុ១៦ឆ្នាំ និងទី០២-ឈ្មោះ ដុល គីមណៃ ភេទប្រុស អាយុ១៧ឆ្នាំ ស្នាក់នៅក្នុងភូមិព្រៃពាយ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។ ម៉ូតូជនរងគ្រោះដែលក្រុមក្មេងទំនើងធ្វើសកម្មភាពវាយ និងកាប់រងការខូចខាត ម៉ាកហុងដាសេ១២៥ ស៊េរីឆ្នាំ២០២៥ ពណ៌ខ្មៅ ពាក់ផ្លាកលេខកំពង់ស្ពឺ 1AA-0602 ។
នគរបាលស្រុកបសេដ្ឋបាននិយាយឱ្យដឹងទៀតថា នៅមុនពេលឈានដល់ការឃាត់ខ្លួនក្រុមក្មេងទំនើងខាងលើ គឺមានក្រុមក្មេងទំនើង០១ក្រុមមិនស្គាល់អត្តសញ្ញាណបានធ្វើសកម្មភាពវាយទៅលើម៉ូតូជនរងគ្រោះម៉ាកហុងដាសេ១២៥ ស៊េរីឆ្នាំ២០២៥ ពណ៌ខ្មៅ ពាក់ផ្លាកលេខកំពង់ស្ពឺ 1AA 0602 រួចយកកាំបិតផ្គាក់ និងដែកទីបវាយកំទេចម៉ូតូថែមទៀត បណ្តាលឱ្យរងការខូចខាតធ្ងន់ធ្ងរ ពេលនោះម្ចាស់ម៉ូតូជាជនរងគ្រោះបានរត់គេចខ្លួនផុត ពីកន្លែងកើតហេតុ។
ដោយអនុវត្ដតាមបទបញ្ជា និងការចង្អុលការណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងអធិការដ្ឋាននគរបាលស្រុកបសេដ្ឋ ដឹកនាំដោយលោកវរសេនីយ៍ឯក ចន សុភីត អធិការនគរបាលស្រុក បានស្រាវជ្រាវ និងឈានទៅធ្វើការឃាត់ខ្លួនក្រុមជនសង្ស័យជាអ្នកបង្កហេតុ ក្នុងករណីបំផ្លិចបំផ្លាញទ្រព្យសម្បត្តិអ្នកដទៃ នៅចំណុចផ្លូវ១៤៥ ស្ថិតនៅក្នុងភូមិព្រៃពាយ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបសេដ្ឋបាននិយាយឱ្យដឹងថា ក្រោយកើតហេតុភ្លាមៗមានប្រជាពលរដ្ឋរាយការណ៍មកប៉ុស្តិ៍នគរបាលរដ្ឋបាលទួលអំពិល កម្លាំងនគរបាលបានចុះទៅដល់កន្លែងកើតហេតុនិងបានកិច្ចសហការស្រាវជ្រាវកំណត់អត្តសញ្ញាណក្រុមក្មេងទំនើងឈានដល់ធ្វើការឃាត់ខ្លួនក្រុមក្មេងទំនើង ០២នាក់នគរបាលធ្វើការដកហូតបានវត្ថុតាងរួមមានកាំបិតផ្គាក់០១ដើម ដំបងទីបដែកចំនួន០២ដើម និងម៉ូតូ០១គ្រឿងដែលជារបស់ជនរងគ្រោះផងដែរ ។
នគរបាលស្រុកបសេដ្ឋបានបញ្ជាក់ថា បើយោងតាមចម្លើយសារភាពរបស់ក្រុមក្មេងទំនើងទាំង០២នាក់ បានជាពួកខ្លួនវាយ និងកាប់ម៉ូតូនេះ មកពីភាគីម្ចាស់ម៉ូតូបានជិះម៉ូតូវ៉ាជែងក្រុមខ្លួនចុះឡើងៗ ទើបកើតជាអំពើហិង្សា ករណីនេះមកពីភាគីម្ខាងទៀតជាអ្នកនាំហេតុមុន ទើបពួកខ្លួនទ្រាំមិនបានក្លាយទៅជាបែបនេះតែម្តងទៅ ។
បច្ចុប្បន្ន ជនសង្ស័យទាំង០២នាក់រួមជាមួយនិងវត្ថុតាងបានញ្ជូនមកអធិការដ្ឋាននគរបាលស្រុក
បសេដ្ឋ ដើម្បីសួរនាំ និងកសាងសំណុំរឿងចាត់ការបន្តទៅស្នងការដ្ឋាននគរបាលខេត្តកំពង់ស្ពឺ
បន្ដ៕
ចែករំលែកព័តមាននេះ