ខេត្ដកំពង់ស្ពឺ ៖ តូប និងស្ដង់លក់ដូរចំនួន ១៦៨ខ្នងនៅផ្សារក្រាំងចេក ស្ថិតក្នុងឃុំក្រាំងចេក ស្រុកដុង្គ ត្រូវអគ្គីភ័យលេបត្របាក់ និង រាលដាលពេញផ្សារទាំងមូល បើទោះបីជា មានការជួយធ្វើអន្ដរាគមន៍ពីរថយន្ដពន្លត់អគ្គី ភ័យរបស់ស្នងការដ្ឋាន អង្គភាពកងពលតូច លេខ៧០ ក្រសួងមហាផ្ទៃ និងឯកជនយ៉ាង ណាក៏ដោយ ។ អគ្គីភ័យនេះបានឆាបឆេះឡើងកាលពី វេលាម៉ោង៧និង១០យប់ថ្ងៃទី២៨ មេសា ឆ្នាំ ២០១០ ហើយត្រូវបានលោកវរសេនីយ៍ត្រី ខឹម សាម៉ុន អធិការគរបាលស្រុកឧដុង្គប្រាប់ ឱ្យដឹងថា តូប និងស្ដង់លក់ដូរចំនួន១៦៨ខ្នង ក្នុងនោះមានស្ដង់ធំៗទំហំ៥ម៉ែត្រខ៨ម៉ែត្រ ចំនួន១២ខ្នង ផ្ទះថ្មមួយខ្នង ក្រៅពីនេះ គឺស្ដង់ តូចៗទំហំ៣ម៉ែត្រខ៥ម៉ែត្រ ត្រូវឆេះអស់ ធ្វើ ឱ្យមានការរន្ធត់ចិត្ដពេកក្រៃ ។
នៅកន្លែងកើតហេតុ នាយប់ថ្ងៃទី២៨ មេសា ២០១០ នេះ មានមនុស្សរាប់ម៉ឺននាក់ ជាអ្នកភូមិរួមទាំងបងប្អូនសាច់ញាតិខ្លះមកពីផ្សារឧដុង្គ ខ្លះមកពីផ្សារកំពង់ស្ពឺ និងខ្លះទៀត មកពីក្រុងភ្នំពេញ បានសំរុកទៅចោមរោម មើលភ្លើងឆេះ និងជួយជញ្ជូនអីវ៉ាន់ ។ ជា មួយនេះ រថយន្ដពន្លត់អគ្គីភ័យឯកជននៅ ផ្សារក្រាំងចេកចំនួន៤គ្រឿង ធុនតូចៗ រថ យន្ដពន្លត់អគ្គីភ័យរបស់ស្នងការនគរបាល ខេត្ដ១គ្រឿង របស់កងពលតូចលេខ៧០មួួយ គ្រឿង និងរបស់ក្រសួងមហាផ្ទៃមួយគ្រឿង មកពីភ្នំពេញត្រូវបានចុះជួយធ្វើអន្ដរាគមន៍ បាញ់ទឹកពន្លត់យ៉ាងប្រញិបប្រញាប់បំផុត ប៉ុន្ដែមិនអាចពន្លត់បានភ្លាមៗនោះទេ ព្រោះ អណ្ដាតភ្លើងបានឆេះសន្ធោសន្ធៅពេញទំហឹង ទៅហើយ រហូតប្រើពេលអស់ជាង៣ម៉ោង ទើបភ្លើងបានបាក់បបស្ងប់ស្ងាត់ គឺចាប់ផ្ដើម រលត់នៅម៉ោងជាង១០យប់ ។
ស្ដង់នីមួយៗមានស្ដុកខោអាវ ក្រណាត់ គ្រឿងទេស សំភារប្រើប្រាស់ គ្រឿងឧប ភោគ បរិភោគ ដាក់លក់ប្រចាំថ្ងៃ ត្រូវបាន ឆេះអស់គ្មានសល់ ដោយពុំអាចជញ្ជូនចេញ ឱ្យផុតពីអណ្ដាតភ្លើងទាន់ឡើយ ។ លោកវរ សេនីយ៍ត្រី ខឹម សាម៉ុន ឱ្យដឹងទៀតថា ជា ជំហានដំបូងគេសន្និដ្ឋានថា ការឆេះនេះ បណ្ដាលមកពីការឆ្លងចរន្ដអគ្គិសនី (ទុស្សេ ខ្សែភ្លើង) ដែលខ្សែបណ្ដាញអគ្គិសនីជំពាក់ ស្មុគស្មាញកកិតគ្នាបែកផ្កាភ្លើងឆេះតែម្ដង ។
ចែករំលែកព័តមាននេះ