ខេត្តព្រះសីហនុ ៖ ផ្លូវបេតុងមួយខ្សែមានទីតាំងស្ថិតនៅភូមិថ្មី សង្កាត់លេខ៣ ក្រុងព្រះសីហនុ ខេត្តព្រះសីហនុ ប្រវែង៥០០ម៉ែត្របំរើអោយប្រជាពលរដ្ឋក្នុងចំនួន៥០០គ្រួសារនឹងលិចរូបរាង្គក្នុងរយៈពេល៣ខែខាងមុខ បន្ទាប់ពីលោក យន្ត មីន…
ខេត្តព្រះសីហនុ ៖ ផ្លូវបេតុងមួយខ្សែមានទីតាំងស្ថិតនៅភូមិថ្មី សង្កាត់លេខ៣ ក្រុងព្រះសីហនុ ខេត្តព្រះសីហនុ ប្រវែង៥០០ម៉ែត្របំរើអោយប្រជាពលរដ្ឋក្នុងចំនួន៥០០គ្រួសារនឹងលិចរូបរាង្គក្នុងរយៈពេល៣ខែខាងមុខ បន្ទាប់ពីលោក យន្ត មីន អញ្ជើញបើកការដ្ឋានសាងសង់នារសៀលថ្ងៃទី២៦ កក្កដា ឆ្នាំ២០១៨ ដោយមានការចូលរួមពីអភិបាលក្រុង មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋយ៉ាងច្រើនកុះករ។
លោក យន្ត មីន បានមានប្រសាសន៍បើកការដ្ឋានស្ថាបនាផ្លូវបេតុងដោយគូសបញ្ជាក់ថា ដោយមើលឃើញនូវស្ថានភាពលំបាកធ្វើដំណើររបស់បងប្អូនប្រជាពលរដ្ឋ នៅក្នុងមូលដ្ឋាន និងដោយមានការជួយជ្រោម
ជ្រែងពីអភិបាលក្រុងព្រះសីហនុ ក្នុងការរៀបចំស្ថាបនា ផ្លូវបេតុងមួយខ្សែនេះឡើង ជូនដល់បងប្អូនប្រជាពលរដ្ឋ នៅក្នុងមូលដ្ឋាន ធ្វើដំណើកាន់តែមានភាពងាយស្រួល។
ក្នុងឱកាសនោះ លោកអភិបាលខេត្តក៏បានអំពាវនាវដល់បងប្អូនប្រជាពលរដ្ឋ ដែលមានលំនៅឋាននៅអមសងខាងផ្លូវ ចូលរួមសហការជាមួយក្រុមវិស្វករសាងសង់ផ្លូវ ដើម្បីឱ្យដំណើរការសាងសង់ផ្លូវបេតុងមួយខ្សែនេះ ប្រព្រឹត្តទៅដោយរលូន ធានាបានទាំងបរិមាណ និងគុណភាពប្រើប្រាស់បានយូរអង្វែង និងចូលរួមអនុវត្តនូវគោលនយោបាយភូមិ ឃុំមានសុវត្ថិភាព៩ចំណុចរបស់រាជរដ្ឋាភិបាលកម្ពុជា ចៀសឱ្យឆ្ងាយពីគ្រឿងញៀន ល្បែងស៊ីសងគ្រប់ប្រភេទ ចូលរួមគោរពច្បាប់ចរាចរណ៍ ដើម្បីសុវត្ថិភាពយើងទាំងអស់គ្នា។
លោក កាន់ ឡឹង ចៅសង្កាត់លេខ៣ មានប្រសាសន៍ថា ក្នុងនាមប្រជាពលរដ្ឋ នៅក្នុងសង្កាត់លេខ៣ សូមថ្លែងអំណរគុណដល់រាជរដ្ឋាភិបាល ពិសេសអភិបាលខេត្តព្រះសីហនុ តែងតែយកចិត្តទុកដាក់អំពីសុខទុក្ខបងប្អូនប្រជាពលរដ្ឋនៅក្នុងមូលដ្ឋាន ក្នុងការកែលម្អហេដ្ឋារចនាសម្ព័ន្ធនានាក្នុងមូលដ្ឋាន ដូចជាផ្លូវ អូរប្រឡាយរំដោះទឹក ដើម្បីប្រែក្លាយពីផ្លូវដីមកជាផ្លូវបេតុង ផ្លូវក្រាលកៅស៊ូវិញ។
ដោយឡែកយោងតាមប្រភពពីមន្ត្រីនៃមន្ទីសាធារណៈការ និងដឹកជញ្ជូនខេត្តព្រះសីហនុ លោក ជ្រៀ ថារ៉ាវុធ បានគូសបញ្ចាក់ថា ការស្ថាបនាផ្លូវបេតុង ឆ្អឹងដែកក្នុងភូមិថ្មី សង្កាត់លេខ៣ មួយខ្សែនេះមានបណ្តោយ៥០០ម៉ែត្រ ទទឹង៦ម៉ែត្រ និងកម្ពស់០,១៥ម៉ែត្រ គ្រោងសាងសង់រយៈពេល៣ខែ ប្រសិនអាកាសធាតុអំណោយផល ប៉ុន្តែអាកាសធាតុមិនអំណោយផល អាចមានរយៈពេលយូរបន្តិច៕
ចែករំលែកព័តមាននេះ