សារព័ត៌មានបរទេសមួយកាលពីពេល ថ្មីៗកន្លងមកបានផ្សាយថា លោកហ្គេតាយ៉ូខាល់ អាយេឡេ (Getayawkal Ayele) ជនជាតិអេត្យូពីជាគ្រូខាបព្រលឹងអ្នកស្លាប់បានប្រើមន្តអាគមខាបព្រលឹងដល់សពរបស់លោកប៊ីឡេ ប៊ីសទូ(Belay Biftu) ដោយដាក់សពនៅក្បែរខ្លួន…
សារព័ត៌មានបរទេសមួយកាលពីពេល ថ្មីៗកន្លងមកបានផ្សាយថា លោកហ្គេតាយ៉ូខាល់ អាយេឡេ (Getayawkal Ayele) ជនជាតិអេត្យូពីជាគ្រូខាបព្រលឹងអ្នកស្លាប់បានប្រើមន្តអាគមខាបព្រលឹងដល់សពរបស់លោកប៊ីឡេ ប៊ីសទូ(Belay Biftu) ដោយដាក់សពនៅក្បែរខ្លួន ហើយស្រែកថា «ប៊ីឡេចូរដឹងខ្លួនឡើង» ។
ក្រុមគ្រួសាររបស់លោកប៊ីឡេ ជឿសំដីរបស់លោកហ្គេតាយ៉ូខាល់ ក៏យល់ព្រមឲ្យជីកយកសពមកប្រារព្ធពិធីខាបព្រលឹង ប៉ុន្តែមិនបានជោគជ័យ ព្រោះសពរបស់លោកប៊ីឡេ មិនដឹងខ្លួនទេ ធ្វើឲ្យបងប្អូនញាតិមិត្តជាច្រើននាក់របស់សពខឹងក៏នាំគ្នាវាយលោកហ្គេតាយ៉ូខាល់ ។ ប៉ូលិសបានចូលឃាត់ និងចាប់ខ្លួនគ្រូខាបព្រលឹងនោះ ។
អ្នកស្រុកឲ្យដឹងថាលោកហ្គេតាយ៉ូខាល់ បានធ្វើដំណើរទៅរកក្រុមគ្រួសាររបស់លោកប៊ីឡេ ដែលកំពុងមានទុក្ខសោកពីការស្លាប់ ។ ក្រោយមកក៏បានរៀបរាប់តាមព្រះគម្ពីរ«bible» ថាព្រះយេស៊ូនឹងធ្វើឲ្យសពដឹងខ្លួនវិញ និងបានបញ្ចុះបញ្ចូលឲ្យក្រុមគ្រួសាររបស់លោកប៊ីឡេយល់ព្រមរៀបចំពិធីខាបព្រលឹង ៕
ចែករំលែកព័តមាននេះ