ប្រទេសវៀតណាម ៖ គណៈកម្មាធិការកណ្ដាលបង្ការ និងត្រួតពិនិត្យគ្រោះមហន្តរាយធម្មជាតិវៀតណាម បានរាយការណ៍នាថ្ងៃទី២២ កក្កដាថា មនុស្ស១៩នាក់ស្លាប់ ១៧នាក់រងរបួស និង១៣នាក់បាត់ខ្លួន នាភាគកណ្ដាល…
ប្រទេសវៀតណាម ៖ គណៈកម្មាធិការកណ្ដាលបង្ការ និងត្រួតពិនិត្យគ្រោះមហន្តរាយធម្មជាតិវៀតណាម បានរាយការណ៍នាថ្ងៃទី២២ កក្កដាថា មនុស្ស១៩នាក់ស្លាប់ ១៧នាក់រងរបួស និង១៣នាក់បាត់ខ្លួន នាភាគកណ្ដាល និងភាគខាងជើងវៀតណាម ពេលមានការវាយប្រហាររបស់ព្យុះ SON TINH ដែលបណ្ដាលឲ្យមានភ្លៀងធ្លាក់ខ្លាំង និងទឹកជំនន់។
ក្នុងចំណោមអ្នកស្លាប់ ១១នាក់នៅខេត្ត YEN BAI ភាគខាងជើងប្រទេស ចំណែកពួកអ្នកបាត់ខ្លួន ១១នាក់ក្នុងខេត្តនោះដែរ។ ភ្លៀងធ្លាក់ខ្លាំង និងការបាក់ដី បានបំផ្លាញផ្ទះជាង២០០ខ្នង និងជន់លិចផ្ទះជិត៩.៦០០ខ្នង។ សត្វពាហនៈជាង១.៣០០ក្បាល និងមាន់ទា២៧.៦០០ក្បាលត្រូវងាប់ ហើយផ្ទៃដីដាំដុះច្រើនពាន់ហិកតារងការបំផ្លាញនិងទឹកជន់លិច។
យោងតាមមជ្ឈមណ្ឌលព្យាករណ៍ធរាសាស្ត្រវៀតណាមថា ភ្លៀងអាចបន្តធ្លាក់ខ្លាំងទៀតលើបណ្ដាតំបន់ដដែលនោះរយៈពេលច្រើនថ្ងៃ រួចការបាក់ដៃនិងទឹកជំនន់អាចវាយប្រហារ ខេត្តTHANG HOAនិងNGHE៕
ចែករំលែកព័តមាននេះ