រាជធានីភ្នំពេញ ៖ យុវជនប្រុសស្រីពីរនាក់ជិះម៉ូតូអត់ពាក់មួកសុវត្ថិភាព ខណៈជិះមកដល់ចំណុចគោលដៅត្រួតពិនិត្យអាវុធជាតិ និងពង្រឹងច្បាប់ចរាចរណ៍ដែលសមត្ថកិច្ចកំពុងអនុវត្តច្បាប់ ស្រាប់តែយុវជនប្រុសស្រីនោះជិះត្រឡប់ក្រោយទាំងបញ្ច្រាសទិសទៅបុកម៉ូតូមួយគ្រឿងទៀតពេញទំហឹង បណ្តាលឲ្យរងរបួសទាំងសងខាង ។ ហេតុការណ៍នេះកើតឡើងកាលពីវេលាម៉ោង១០និង៣០នាទីយប់ ថ្ងៃទី២៣…
រាជធានីភ្នំពេញ ៖ យុវជនប្រុសស្រីពីរនាក់ជិះម៉ូតូអត់ពាក់មួកសុវត្ថិភាព ខណៈជិះមកដល់ចំណុចគោលដៅត្រួតពិនិត្យអាវុធជាតិ និងពង្រឹងច្បាប់ចរាចរណ៍ដែលសមត្ថកិច្ចកំពុងអនុវត្តច្បាប់ ស្រាប់តែយុវជនប្រុសស្រីនោះជិះត្រឡប់ក្រោយទាំងបញ្ច្រាសទិសទៅបុកម៉ូតូមួយគ្រឿងទៀតពេញទំហឹង បណ្តាលឲ្យរងរបួសទាំងសងខាង ។ ហេតុការណ៍នេះកើតឡើងកាលពីវេលាម៉ោង១០និង៣០នាទីយប់ ថ្ងៃទី២៣ ខែកក្កដា ឆ្នាំ២០១៨ តាមបណ្តោយផ្លូវ២៧១ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ។
បើតាមប្រភពព័ត៌មានពីសមត្ថកិច្ចខណ្ឌទួលគោកបានឲ្យដឹងថា នៅមុនពេលកើតហេតុកម្លាំងពួកគាត់បានដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់នៅត្រង់ចំណុចកើតហេតុខាងលើ ។ លុះដល់វេលាកើតហេតុស្រាប់តែមានយុវជនប្រុសស្រីពីរនាក់ជិះម៉ូតូមួយគ្រឿងម៉ាកហុងដាឌ្រីម ស៊េរី០១៤ ពណ៌ខ្មៅ ពាក់ស្លាកលេខ ភ្នំពេញ1CM-1468 ធ្វើដំណើរតាមបណ្តោយផ្លូវ២៧១ ក្នុងទិសដៅពីត្បូងទៅជើង ។
ខណៈដែលយុវជនប្រុសស្រីទាំងពីរនាក់នោះឃើញកម្លាំងសមត្ថកិច្ចកំពុងដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ត្រង់ចំណុចខាងលើ ។ ស្រាប់តែយុវជនប្រុសស្រីពីរនាក់នោះបត់ម៉ូតូត្រឡប់ទៅក្រោយវិញ ទាំងបញ្ច្រាសទិសដៅចរាចរណ៍ ព្រោះខ្លាចសមត្ថកិច្ចចាប់ផាកពិន័យដោយសារយុវជនប្រុសស្រីទាំងពីរនាក់នោះជិះម៉ូតូមិនមានពាក់មួកសុវត្ថិភាពទាំងពីរនាក់ និងមិនមានបំពាក់កញ្ចក់មើលក្រោយ ។ ពេលនោះក៏បានជ្រុលទៅបុកម៉ូតូមួយគ្រឿងទៀតម៉ាកហុងដាស្កុបពី ពណ៌ស ពាក់ស្លាកលេខ ភ្នំពេញ1AF-7542 ដែលបើកបរដោយនារីតែងខ្លួនធ្វើជាប្រុសម្នាក់ ក្នុងទិសដៅស្របទិសដៅចរាចរណ៍ចំពីមុខពេញទំហឹង បណ្តាលឲ្យម៉ូតូឌ្រីមរងការខូចខាតខាងមុខ រីឯបុរសដែលជាអ្នកបើកបររងរបួសបែកមុខបែកមាត់ ចំណែកឯម៉ូតូស្កុបពីរងការខូចខាតបន្តិចបន្តួច ដោយឡែកអ្នកបើកបររងរបួសស្រាល ។
ក្រោយពេលកើតហេតុប្រុសរងគ្រោះត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯគ្លីនិកសម្ភពពន្លឺ ដោយឡែកម៉ូតូទាំងពីរគ្រឿងត្រូវបានសមត្ថកិច្ចជំនាញចុះធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌទួលគោក ដើម្បីរង់ចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ