ខេត្តបាត់ដំបង ៖ គ្រូពេទ្យស្ម័គ្រចិត្តរបស់សមាគមបេសកកម្មមនុស្សធម៌កម្ពុជាចំនួន២២នាក់ ក្នុងនោះមានវេជ្ជបណ្ឌិតមកពីស្រុកបារាំងចំនួន៣នាក់ បានចុះជួយព្យាបាលដល់ប្រជាពលរដ្ឋ ជួបការលំបាកនៅតំបន់ដាច់ស្រយាលក្នុងខេត្តបាត់ដំបង ដោយមិនគិតថ្លៃរយៈពេល៥ថ្ងៃ ចាប់ពីថ្ងៃទី១៧ កក្កដា មក នៅក្នុងស្រុកបាណន់ ។ ដោយឡែក ក្នុងនៅថ្ងៃទីទី២០ កក្កដា បានចុះមកជួយព្យាបាលនៅក្នុងឃុំអន្លង់វិល និងថ្ងៃទី២១ កក្កដា នេះ គឺស្ថិតនៅវត្តតាហែន ឃុំរកា ស្រុកសង្កែ ខេត្តបាត់ដំបង តាមរយលោកឡោក ហ៊ួរ តំណាងរាស្ត្រមណ្ឌលបាត់ដំបង ។
ជួបជាមួយអ៊ុំប្រុស សឿម ជឿន អាយុ៧១ឆ្នាំ រស់នៅភូមិតាហែន ឃុំរកា បានបញ្ជាក់ថា អនិច្ចាប្រជាពលរដ្ឋនៅក្នុងឃុំរកានេះ កន្លងមកបានទទួលរងគ្រោះដោយសារឆ្លងជម្ងឺអេដស៍ តាមរយៈគ្រូពេទ្យម្នាក់ ដែលមិនបានរៀនសូត្រ ឱ្យបានត្រឹមត្រូវ តែដោយបានរាជរដ្ឋាភិបាលយកចិត្តទុកដាក់ បានជំរុញវិស័យសុខាភិបាលកន្លងមក ទើបពេលនេះមានភាពល្អប្រសើរឡើងវិញ ។
ដែលកន្លងមក ចេះតែមានគ្រូពេទ្យតែងតែតាមដានជាប្រចាំ ដើម្បីទប់ស្កាត់កុំឲ្យមានការវិលត្រឡប់ជម្ងឺឆ្លងនោះវិលមកជាថ្មីម្តងទៀត តែចំពោះសុខភាពប្រជាពលរដ្ឋទូទៅតែងតែទទួលបានការព្យាបាលដោយយកចិត្តទុកដាក់ផងដែរ ។
លោកឡោក ហ៊ួរ ប្រធានក្រុមការងារស្រុកសង្កែ តំណាងរាស្ត្រមណ្ឌលបាត់ដំបងបានថ្លែងថា បន្ទាប់ពីមានផ្លូវថ្នល់ចាក់កៅស៊ូ សម្រួលផ្នែកជីវភាពចូលដល់តំបន់នេះរួចហើយ គឺសំខាន់យើងត្រូវផ្តោតលើបញ្ហាសុខុមាលភាពរបស់បងប្អូន ដែលពីមុនមកមិនធ្លាប់មាន ។
ណាមួយតំបន់នេះ ជាតំបន់ជាប់ព្រៃរនាមនៃមាត់បឹងទន្លេសាប មិនដែលមានផ្លូវក្រាលកៅស៊ូដូចពេលនេះឡើយ ហើយជាគោលការណ៍របស់រាជរដ្ឋភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រី បានជំរុញប្រព័ន្ធធារាសាស្ត្រ បំបែកប្រឡាយទឹកបន្ថែមទៀត តាមរយៈសម្តេចក្រឡាហោម ស ខេង ឧបនាយករដ្ឋមន្ត្រី ដើម្បីរៀបចំបន្តទៅទៀត កុំឲ្យមានជួបការលំបាកខ្វះខាតវេទនាជាប្រវត្តិសាស្ត្រមកជាយូរហើយមកនោះ ឱ្យកាន់តែមានភាពល្អប្រសើរឡើងបន្ថែមទៀត នេះក៏មកពីយើងធ្លាប់ជួបការលំបាកទាំងអស់គ្នាកន្លងមក ។
ចែករំលែកព័តមាននេះ