ប្រយ័ត្ន​ចាញ់បោក​តណ្ហា​បញ្ជា​ឆ្វេង​ស្តាំ


តណ្ហា​គឺជា​សភាវៈ​មួយ​ដែល​ស្ថិត​នៅ​ច្របូកច្របល់​នឹង​អារម្មណ៍​របស់​យើង បើកាលណា​យើង​អប់រំ​ចិត្ត​មិន​បាន​ល្អ ក៏​ស្ទុះ​ទៅ​កាន់​អារម្មណ៍​ផ្សេង​ៗ​តាម​ក្រសែ​នៃ​តណ្ហា ព្រោះហេតុនោះ​បានជា​លោក​ឱ្យ​អប់រំ​ចិត្ត​ឱ្យ​បាន​នឹងនរ​កុំឱ្យ​លុះ​ក្នុង​អំណាច​នៃ​តណ្ហា​បញ្ជា​ឆ្វេង​ស្តាំ ។

ពិត​ណាស់ កើតមក​ជា​មនុស្ស​បាន​ទាន់​ព្រះពុទ្ធ​សាសនា ត្រូវ​ខិតខំ​ព្យាយាម​ចម្រើន​ផ្លូវចិត្ត ឱ្យ​បាន​ល្អ មិន​ត្រូវ​គិតតែ​ពី​សប្បាយ​ក្អាក់ក្អាយ ភ្លើតភ្លើន​ភ្លេច​ទុក្ខ ហើយ​បណ្តោយ​ខ្លួន​ឱ្យ​នៅ​តែ​ល្ងង់​អាប់​ឥត​ប្រាជ្ញា​នោះ​ឡើយ ។
ការ​ដែល​យើង​ធ្វើ​អ្វី​ៗ​ទៅ​តាមតែ​ចិត្ត​ចង់​របស់​ខ្លួនឯង​ដែល​មិន​បាន​សិក្សាអប់រំ​ផ្លូវចិត្ត គឺជា​មូលហេតុ​ដ៏​ចម្បង​នៃ​ការ​គ្រោះថ្នាក់​ដោយសារ​តែ​ការ​ចាញ់បោក​ខ្លួនឯង​បម្រើ​តណ្ហា​ងើបមុខ​លែង​រួច​។

បើ​បុគ្គល​ចង់​ឈ្នះ​ខ្លួនឯង​ពិតប្រាកដ គប្បី​ជម្នះ​ប្រឆាំង​នឹង​ចិត្ត​របស់​ខ្លួន​ដែល​ចេះ​តែ​ចង់បាន​គ្មាន​ទីបំផុត ដើម្បី​ឲ្យ​ដំណើរ​ជីវិត​ឋិត​នៅ​ក្នុង​ផ្លូវ​ព្រះធម៌​ដែល​មាន​ទ្រឹស្តី​អប់រំ​ច្បាស់លាស់ និង​មាន​ទិស​ដៅ​ជាក់លាក់​សម្រាប់​កសាង​ជីវិត​ដើរ​តាម​គន្លង​ដ៏​ត្រឹមត្រូវ​។ នេះឯង​ជា​មូលហេតុ​ដ៏​សំខាន់​នៃ​ការ​ឈ្នះ​ខ្លួនឯង ។

មែនហើយ​ធម្មជាតិ​ប្រព្រឹត្ត​ទៅ​តាម​ច្បាប់​របស់​ធម្មជាតិ មិន​ប្រព្រឹត្ត​ទៅ​តាម​អំណាច​នៃ​តណ្ហា​ឡើយ បុគ្គល​លុះ​តាម​អំណាច​នៃ​តណ្ហា រមែង​រស់នៅ​ជា​ទុក្ខ ជីវិត​ជួបនឹង​ការ​ខកចិត្ត​រាល់ថ្ងៃ ។ ត្រូវ​ចង​ចាំ​ថា ខ្សែ​នៃ​តណ្ហា​គឺ​មិន​ព្រម​ស្ថិត​ទៅ​តាម​ការ​ពិត​របស់​ធម្មជាតិ​ទេ គឺ​តណ្ហា​ចេះ​តែ​ចង់បាន​យ៉ាងនេះ ចង់បាន​យ៉ាងនោះ ចង់បាន​គ្មាន​ទីបំផុត​ឡើយ គឺ​គ្មាន​ទេ​សេចក្តី​ស្ងប់​ជាមួយនឹង​ធម្មជាតិ​នោះ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ