ខុទ្ទកាល័យប្រធានាធិបតីក្រូអាស៊ីបានប្រាប់សារព័ត៌មានរុស្ស៊ី Sputnik នៅថ្ងៃព្រហស្បតិ៍ថា លោកស្រីប្រធានាធិបតី Kolinda Grabar-Kitarovicនឹងអញ្ជើញចូលរួមទស្សនាការប្រកួតវគ្គផ្ដាច់ព្រ័ត្រដណ្ដើមពាន World Cup ២០១៨ រវាងក្រុមក្រូអាស៊ី និងបារាំងនៅយប់ថ្ងៃអាទិត្យស្អែកនេះ ដើម្បីផ្តល់កម្លាំងចិត្តដល់ក្រុមទាំងមូលដណ្ដើមជ័យជម្នះ ។
ដោយឡែក ប្រធានាធិបតីបារាំងលោក Emmanuel Macron ក៏នឹងអញ្ជើញចូលរួមជាភ្ញៀវពិសេសផងដែរ ។ ក្នុងដំណើរទស្សនកិច្ចលើកទី៣របស់លោកទៅកាន់ទឹកដីរុស្ស៊ីនៅក្នុងឆ្នាំ២០១៨ នេះសារព័ត៌មានរដ្ឋរុស្ស៊ីTASS ផ្សាយថា លោក Macron នឹងជួបជាមួយប្រធានាធិបតីរុស្ស៊ីលោកពូទីនអំឡុងការប្រកួតនេះផងដែរ ៕
ចែករំលែកព័តមាននេះ