ដើមឈើមួយនេះ ដុះតាំងពីសម្ដេចសង្ឃរាជជួន ណាត មកម្លេ៉ះ…
- កំពត
ខេត្តកំពត ៖ អ្នកស្រុកក្មេង ចាស់ ប្រុស ស្រី រាប់រយនាក់ កាលពីព្រឹកថ្ងៃទី១២ កក្កដា បាននាំគ្នាទៅឈរចាំដណ្ដើមស្លឹកឈើ…
ខេត្តកំពត ៖ អ្នកស្រុកក្មេង ចាស់ ប្រុស ស្រី រាប់រយនាក់ កាលពីព្រឹកថ្ងៃទី១២ កក្កដា បាននាំគ្នាទៅឈរចាំដណ្ដើមស្លឹកឈើ…
ខេត្តកំពត ៖ អ្នកស្រុកក្មេង ចាស់ ប្រុស ស្រី រាប់រយនាក់ កាលពីព្រឹកថ្ងៃទី១២ កក្កដា បាននាំគ្នាទៅឈរចាំដណ្ដើមស្លឹកឈើ និងផ្លែដែលជ្រុះនៅក្នុងវត្តប្រាសាទ ឃុំតានី ស្រុកអង្គរជ័យ ដើម្បីយកទៅព្យាបាលជំងឺផ្សេងៗ ។ ការភ្ញាក់ផ្អើលដែលនាំគ្នាទៅឈរចាំដណ្ដើមស្លឹកឈើនិងផ្លែ យកទៅធ្វើថ្នាំព្យាបាលជំងឺផ្សេងៗនេះ បន្ទាប់ពីមន្ត្រីវប្បធម៌ខេត្ត និងក្រសួង បានប៉ុនប៉ងអាររំលំដើមឈើដែលដុះក្នុងប្រាសាទតូចមួយ កាលពីថ្ងៃទី២២ មិថុនា កន្លងពេលថ្មីៗនេះ ប៉ុន្តែការប៉ុនប៉ងរបស់មន្ត្រីនោះ គឺធ្វើឡើងមិនបានសំរេចទេ ដោយអ្នកស្រុកជាច្រើននាក់ បានរារាំងមិនឱ្យកាត់ដោយអះអាងថា ដើមឈើដុះក្នុងប្រាសាទធ្វើ អំពីថ្មបាយក្រៀមនេះ មានអាយុកាលរាប់រយឆ្នាំមកហើយ ។
ចាប់តាំងពីថ្ងៃនោះមក បានកត់សម្គាល់ឃើញមានមនុស្សមកពីចម្ងាយកាន់តែច្រើន មានទាំងទៅពីរាជធានីភ្នំពេញ និងខេត្តក្រុងផ្សេងៗ ក៏មានដែរបាននាំគ្នាមកគោរពបួងសួងដល់ដើមឈើនោះថា មានបារមីពូកែ
ស័ក្កិសិទ្ធិ ទើបអ្នកកាប់មិនអាចកាប់បាន រហូតអ្នកខ្លះមកដេកចាំក្រោមដើមឈើ និងអ្នកខ្លះទៀតរើសបានផ្លែមួយគ្រាប់ ខ្លះលក់បានតម្លៃ៥ដុល្លារ ទៅ២០ដុល្លារឯណោះ ។
អ្នកខ្លះទៀត យកទឹកទៅស្រោចដើមឈើ ហើយត្រង់យកទឹកចែកគ្នាដែលគេអះអាងថា មានប្រសិទ្ធភាពព្យាបាលរោគាបានច្រើនមុខ ។ ដោយឃើញសកម្មភាពជំនឿបែបនេះ ខាងវត្តបានយកសំណាញ់ដែក ទៅរាំងបិទផ្លូវចូលទៅក្នុងប្រាសាទ ព្រោះដើមឈើដែលគេគោរពនោះដុះក្នុងប្រាសាទ ។ នៅមុខប្រាសាទមានរៀបចំបាយសីច្រើនជាន់ អុជធូបទៀនធ្វើជាទីសក្ការៈបូជាផងដែរ ។
ឈ្មោះ ណាង ភេទប្រុស អាយុ៥៦ឆ្នាំ រស់នៅផ្សារតានីបាននិយាយថា មនុស្សម្នាបានមកដេកចាំទាំងយប់ទាំងថ្ងៃ នៅក្រោមដើមឈើធំមួយដើមនេះ ដែលពួកគាត់មានជំនឿថាមានបារមី ។ ស្ត្រីចំណាស់ម្នាក់ ក៏បាននិយាយស្រដៀងគ្នាថា ដោយសាតែឈើនោះមានអាយុកាលរាប់រយឆ្នាំ ទើបពលរដ្ឋម្នាក់ៗ ចង់បានស្លឹកនិងផ្លែទៅដាំទឹកហូប ហើយបានជាពីជំងឺទៀតផង និងក៏មានអ្នកខ្លះទៅសំពះសុំសេចក្ដីសុខ ។
លោក គង់ ផល្លា ប្រធានមន្ទីរវប្បធម៌ខេត្តបាននិយាយថា ដើមឈើដុះក្នុងប្រាសាទនោះ មានឈ្មោះដើមអាចម៍ដែក ។ លោកប្រធានមន្ទីរនិយាយថា ចំពោះឈើមួយដើមនេះ បើតាមការស្រាវជ្រាវដុះតាំងពីសម្ដេចសង្ឃរាជ ជួន ណាត មកម្លេ៉ះ ។ ទោះជាបែបនេះក្តី ថ្ងៃនេះ គឺថ្ងៃទី១៣ កក្កដា ក៏មានរៀបចំធ្វើបុណ្យ ឱ្យដើមឈើនេះផងដែរ ដោយមានអ្នករាំថ្វាយ ម្ចាស់ទឹកម្ចាស់ដីក្នុងវត្តប្រាសាទនេះបួងសួងសុំសេចក្តីសុខគ្រប់ប្រការ ៕
ចែករំលែកព័តមាននេះ