ពិធីបិទការប្រកួតកីឡាបាល់ទាត់ អបអរសាទរខួបលើកទី២៥
ខេត្តស្វាយរៀង ៖ លោកនាយឧត្តមសេនីយ៍ ហុង វីណុល មេមបញ្ជាការរង កងរាជអាវុធហត្ថលើផ្ទៃប្រទេស និងជាតំណាងដ៏ខ្ពង់ខ្ពស់លោកនាយឧត្តមសេនីយ៍ សៅ សុខា…
ខេត្តស្វាយរៀង ៖ លោកនាយឧត្តមសេនីយ៍ ហុង វីណុល មេមបញ្ជាការរង កងរាជអាវុធហត្ថលើផ្ទៃប្រទេស និងជាតំណាងដ៏ខ្ពង់ខ្ពស់លោកនាយឧត្តមសេនីយ៍ សៅ សុខា…
ខេត្តស្វាយរៀង ៖ លោកនាយឧត្តមសេនីយ៍ ហុង វីណុល មេមបញ្ជាការរង កងរាជអាវុធហត្ថលើផ្ទៃប្រទេស និងជាតំណាងដ៏ខ្ពង់ខ្ពស់លោកនាយឧត្តមសេនីយ៍ សៅ សុខា អគ្គមេបញ្ជាការស្តីទី នៃកងយោធពលខេមរភូមិន្ទ មេបញ្ជាការកងរាជអាវុហត្ថលើផ្ទៃប្រទេស អញ្ជើញជាគណៈអធិបតីក្នុងពិធីបិទការប្រកួតកីឡាបាល់ទាត់អបអរសាទរខួបលើកទី២៥ ទិវាបង្កើតកងរាជអាវុធហត្ថលើផ្ទៃប្រទេស (១៤កក្កដា១៩៩៣-១៤កក្កដា២០១៨) ដោយមានក្រុមកីឡាបាល់ទាត់ នៃកងរាជអាវុធហត្ថចំនួន១៩ក្រុម មកពីរកងរាជអាវុធហត្ថខេត្តកោះកុង១ក្រុម មកពីវរសេតូចអន្តរាគមន៍ពិសេស និង១៧ក្រុមទៀត មកពីកងអនុសេនាធំលេខ២៧ ចំណុះកងបញ្ជាការដ្ឋានកងរាជអាវុធហត្ថលើផ្ទៃប្រទេស ដែលមានកីឡាករសរុប៣២៣នាក់។
ពិធីប្រកួតកីឡាបាល់ទាត់នេះរៀបចំឡើងនៅល្ងាចថ្ងៃទី១២ កក្កដា ២០១៨ នៅកីឡាដ្ឋានខេត្តស្វាយរៀង ដោយមានការអញ្ជើញចូលរួមពីលោក តូច ប៉ូលីវ៉ា អភិបាលរង នៃគណអភិបាលខេត្តស្វាយរៀង និងសិស្សានុសិស្សកងរាជអាវុធហត្ថ ទាហាននគបាលប្រជាពលរដ្ឋជាច្រើនកុះករ។ បើតាមគណៈកម្មការដឹកនាំប្រកួតបានឲ្យដឹងថា ការប្រកួតមាន២ដំណាក់កាលគឺ ដំណាក់កាលទី១ ការប្រកួតជម្រុះ ចាប់ផ្តើមពីថ្ងៃទី០២ កក្កដា ដល់ថ្ងៃទី១០ កក្កដា ២០១៨ នៅនៅកីឡាបាល់ទាត់ជាតិស្ថិតនៅស្រុកបាទីខេត្តតាកែវ បានប្រកួតចំនួន១៧ប្រកួត ជម្រុះអស់១៦ក្រុម។
តំណាក់កាលទី២ ប្រកួតផ្តាច់ព្រ័ត្រ នៅថ្ងៃទី១២ កក្កដា ២០១៨នេះ នៅខេត្តស្វាយរៀង រវាងក្រុមកីឡាបាល់ទាត់កងរាជអាវុធហត្ថខេត្តកោះកុង និងកងរវសេនាតូចអន្តរាគមន៍ពិសេស នៃកងរាជអាវុធហត្ថលើផ្ទៃប្រទេស លទ្ធផល ចំណាតថ្នាក់លេខ១ បានទៅលើក្រុមវរសេនាតូចអន្តរាគមន៍ពិសេស ឈ្នះក្រុមកីឡាបាល់ទាត់កងរាជអាវុធហត្ថខេត្តកោះកុង ៣គ្រាប់ទល់នឹងសូន្យ។ ចំណាត់ថ្នាក់លេខ១ ទទួលបានពាន១ ទង់ជ័យលាភី១ និងថវិការអម៤លានរៀល។ ចំណាត់ថ្នាក់លេខ២ បានទៅលើក្រុមកីឡាកងរាជអាវុធហត្ថខេត្តកោះកុង ទទួលបានពាន១ ទង់ជ័យលាភី១ និងថវិការង្វាន់ចំនួន៣លានរៀល។
សូមបញ្ជាក់ផងដែរ នៃដំណើការប្រកួតយ៉ាងស្វិតស្វាញ នៅតង់ទី១ នាទី៤,១៨ កីឡាករពាក់លេខ១០ម ស្រៀង សុខអាន ស៊ុតបញ្ចូលទីបាន១គ្រាប់ ហើយនៅនាទី ១៧,២៧ កីឡាករពាក់លេខ១៩ ឈាង នីដេត ស៊ុតបញ្ចូលទី បានមួយគ្រាប់ទៀត គឺ២ទល់និង០។ នៅតង់ទី២ នៅនាទី៦១,៥០ កីឡាករពាក់លេខ១៩ ឈាង នីដេត ធ្វើបានសម្រេចដោយស៊ុតបញ្ចូលទីបាន១គ្រាប់ទៀត ដូច្នេះ ក្រុមកីឡាករវរសេនាតូចពិសេសស៊ុតបាន៣គ្រាប់មកងរាជអាវុធហត្ថខេត្ថកោះកុង។ បន្ទាប់មកពិធីប្រគល់ពានរង្វាន់បិទការប្រកួតប្រកបដោយភាពរីករាយក្រៃលែង៕
ចែករំលែកព័តមាននេះ