មុនប៉ះគ្នាថ្ងៃព្រហស្បតិ៍! កម្ពុជា និងជប៉ុនធ្វើបានល្អដូចគ្នា ប្រកួតបើកឆាកវគ្គជម្រុះ AFC U20 Asian Cup 2027
- ភ្នំពេញ
រាជធានីភ្នំពេញ ៖ ការប្រកួតវគ្គជម្រុះពានរង្វាន់ជើងឯកយុវជនអាស៊ីអាយុក្រោម ២០ឆ្នាំ ឆ្នាំ ២០២៧ (AFC U20 Asian Cup qualification 2027) បានចាប់ផ្តើមដំណើរការប្រកួតរបស់ខ្លួន កាលពីថ្ងៃទី៣១ ខែសីហា ឆ្នាំ២០២៦ ដោយមាន ៣១ ក្រុម (ហ្វីលីពីនដកខ្លួនចេញ) ចែកចេញជា ៨ ពូល ធ្វើការប្រកួតប្រជែងគ្នា។
នៅក្នុងពូល G ដែលកម្ពុជាទទួលបានសិទ្ធិរៀបចំការប្រកួតទាំងអស់នៅពហុកីឡដ្ឋានជាតិនោះ (អូឡាំពិក) ក៏បានបញ្ចប់ការប្រកួតបើកឆាក ដោយបានឃើញម្ចាស់ផ្ទះកម្ពុជា និងជប៉ុនទទួលបាន៣ពិន្ទុដូចគ្នា។ ក្រុម U20 កម្ពុជាមិនធ្វើឱ្យអ្នកគាំទ្រខកចិត្តនោះទេ ដោយបានយកឈ្នះលើក្រុម U20 យេមែន ដោយលទ្ធផល ២-១ ដ្បិតជប៉ុនធ្វើបានយ៉ាងល្អបំបាក់កូវ៉ែតនៅក្នុងលទ្ធផល ៤-០។
តាមរយៈជ័យជម្នះនេះ គឺជាដើមទុនដ៏សំខាន់សម្រាប់ក្រុម U20 កម្ពុជា ដែលកំពុងឈរនៅលេខ ២ បណ្តោះអាសន្ន មុនពេលការប្រកួតទី ២ ត្រូវជួបជប៉ុន ដែលកំពុងកាន់កាប់កំពូលតារាង នាថ្ងៃទី៣ ខែកញ្ញា ខាងមុខនេះ នៅវេលាម៉ោង ៧ នាទីយប់៕ រូបភាព ៖ សហព័ន្ធកីឡាបាល់ទាត់កម្ពុជា និង AFC Asian Cup
ចែករំលែកព័តមាននេះ