រាជធានីភ្នំពេញ៖ការប្រកួតកីឡាបាល់ទះអន្តរជាតិពានរង្វាន់សម្ដេចធិបតីរដូវកាលទី២បានបិទបញ្ជប់ជាស្ថាពរហើយកាលពីថ្ងៃទី២៣ខែសីហា ខណៈម្ចាស់ជើងឯកបានទៅលើក្រុមបាល់ទះវិសាខាAអមជាមួយប្រាក់រង្វាន់១០០លានរៀល។
ព្រឹត្តិការណ៍ប្រកួតកីឡាបាល់ទះអន្តរជាតិពានរង្វាន់សម្ដេចធិតីបានធ្វើឡើងចាប់ពីថ្ងៃទី១៩ខែសីហា។ពីដំបូងឡើយត្រូវបានគណៈកម្មការប្រកាសថាមានក្រុមចំនួន៥ចូលរួម មានដូចជាក្រុមកម្ពុជាចំនួន២ក្រុមគឺក្រុមបាល់ទះវិសាខាAនិងB វៀតណាម ម៉ាឡេស៊ីនិងឥណ្ឌូនេស៊ី។ប៉ុន្តែមកដល់ថ្ងៃប្រកួតជាក់ស្ដែងមានតែ៤ក្រុមប៉ុណ្ណោះ ខណៈក្រុមប្រទេសឥណ្ឌូនេស៊ីប្រកាសដក់ខ្លួនចេញពីការប្រកួតដណ្ដើមពានរង្វាន់មួយនេះ។ប៉ុន្តែមកប្រកួតជាលក្ខណៈមិត្តភាពអន្តរជាតិវិញ។
ចំណែករូបមន្តនៃការប្រកួតទៀតសោតគឺធ្វើឡើងជាលក្ខណៈសន្សំពិន្ទុវិលជុំ។ទោះជាយ៉ាងណាឆ្លងកាត់ការប្រកួតអស់រយៈពេល៥ថ្ងៃមកនេះ ជ័យជម្នះនិងតំណែងជាម្ចាស់ពានរង្វាន់សម្ដេចធិបតីឆ្នាំ២០២៦បានទៅលើក្រុមបាល់ទះវិសាខាAបន្ទាប់ពីបានយកឈ្នះលើក្រុមកីឡាបាល់ទះMBSAរបស់ប្រទេសម៉ាឡេស៊ីនៅវគ្គផ្ដាច់ព្រ័ត្រកាលពីយប់ថ្ងៃទី២៣ខែសីហាក្នុងលទ្ធផលពិន្ទុ៣សិត០គឺ២៥.២៣,២៥.២១និង២៥.២២ទទួលបានពាន១ ប្រាក់រង្វាន់១០០លានរៀល។ចំណែកក្រុមបាល់ទះMBSAរបស់ប្រទេសប្រទេសម៉ាឡេស៊ីដណ្ដើមបានចំណាត់ថ្នាក់លេខ២អមជាមួយទឹកប្រាក់២០លានរៀល និងចំណាត់ថ្នាក់លេខ៣បានទៅលើក្រុមបាល់ទះវិសាខាBអមជាមួយទឹកប្រាក់១២លានរៀល។
គួរម្លឹកផងដែរថាការប្រកួតកីឡាបាល់ទះអន្តរជាតិពានរង្វាន់សម្ដេចធិបតីរដូវកាលតី២នេះមិត្រឹមតែជាវេទិការសម្រាប់បង្ហាញសមត្ថភាពក្រុមកីឡាបាល់់ទះប៉ុណ្ណោះនោះទេ ប៉ុន្តែថែមទាំងជាចំណែកដ៏សំខាន់ក្នុងការពង្រឹងមិត្តភាព កិច្ចសហប្រតិបត្តិការរនិងទំំនាក់ទំនងកីឡារវាងកម្ពុជា ជាមួយបណ្ដាប្រទេសក្នុងតំបន់ ព្រមទាំងរួមចំណែកជួយលើកកម្ពស់វិស័យកីឡាបាល់ទះឱ្យកាន់តែរីកចម្រើនថែមទៀត៕
ចែករំលែកព័តមាននេះ