រត់កម្សាន្តជាង៥គីឡូម៉ែត្រ និង ៣គីឡូម៉ែត្រតាមដងស្ទឹងប្រវត្តិសាស្ត្រសៀមរាប មានអត្តពលិកចូលរួមជាង៥ពាន់នាក់
- សៀមរាប
ខេត្តសៀមរាបះ កីឡា គឺជាផ្នែកមួយដ៏សំខាន់សម្រាប់មនុស្ស យើងគ្រប់រូប កីឡាមិនត្រឹម តែ ផ្តល់ឱ្យយើងនូវរបៀបរស់នៅដែលមានសុខភាពល្អប៉ុណ្ណោះទេ ប៉ុន្តែវាថែមទាំងមានឥទ្ធិពលយ៉ាងខ្លាំងទៅលើសុខុមាលភាពផ្លូវចិត្ត អារម្មណ៍ និងសង្គមរបស់យើង ។
ព្រឹត្តិការណ៍រត់កម្សាន្តជាមួយកងរាជអាវុធ ហត្ថខេត្ត ជាមួយបងប្អូនប្រជាពលរដ្ឋ ធ្វើ ឡើងនៅថ្ងៃទី ៣០ ខែ សីហា ឆ្នាំ២០២៦ ដែលមានចម្ងាយ ៥,៥គីឡូ ម៉ែត្រ និង ៣គីឡូ ម៉ែត្រ ដោយមានអស់លោក លោកស្រីជានាយ នាយរង និង ពលអាវុធហត្ថរួមទាំងមានការចូលរួមពីមហាជន ភ្ញៀវទេសចរណ៍ជាតិ អន្តរជាតិ ចំនួន ៥ពាន់៥៩២នាក់ ក្នុងនោះចម្ងាយ ៥,៥គីឡូម៉ែត្រ ចំនួន៣ពាន់ ៣៧១នាក់ និង ៣គីឡូម៉ែត្រ ២ពាន់២២១ នាក់ ។
ក្រោមវត្តមានចូលរួម របស់លោក យន់ លីនណេ អភិបាលរងខេត្តសៀមរាប និង លោកឧត្តមសេនីយ៍ត្រី សៀ ទីន មេ បញ្ជាការកងរាជអាវុធហត្ថខេត្តសៀមរាប តែងតែបានគិតគួរ ពីសុខភាពកាយសម្បទា របស់កងកម្លាំងក្រោមឱវាទជាអតិភាពចំបង ។ ដូច្នេះហើយទើបកងកម្លាំងរាជអាវុធហត្ថខេត្តសៀមរាប តែងតែធ្វើការហាត់ប្រាណជាប់ជាប្រចាំថ្ងៃ តាមវិធីសាស្ត្រចម្រុះ ដើម្បីសុខភាព កាយសម្បទា រហ័សរហួន ព្រម ទាំងគ្រប់គ្រងនូវកាយសម្បទាកងកម្លាំងឲ្យរឹងមាំ និងមានប្រសិទ្ធភាពខ្ពស់ ក្នុងការងារប្រតិបត្តិការ លើកការបង្កាបង្ក្រាបនូវរាល់បទល្មើស និង អន្តរាគមន៍សង្គ្រោះ ។
លោក យន់ លីនណេ អភិបាលរងខេត្ត បានបញ្ជាក់ថា វិស័យកីឡានាពេលបច្ចុប្បន្ននៅកម្ពុជា បានកំពុងមានការរីកចម្រើនទាំងបច្ចេកទេស ធនធានមនុស្សនៅតាមមូល ដ្ឋានក្រុង ស្រុកទៀតផង ។ ការរៀបចំរបស់កងរាជអាវុធហត្ថខេត្តសៀមរាប ឱ្យមាននូវព្រឹត្តិការណ៍នេះឡើង ក្នុងគោលបំណង់សុខភាព និង ផ្សាភ្ជាប់ជាមួយមហាជន ព្រមទាំងបំផុសដល់កងកម្លាំងនិងគ្រប់ស្រទាបមហាជន សំខាន់យុវជន ចូលរួមហាត់ប្រាណ ដើម្បីសុខភាពធ្វើឱ្យកាយ សម្បទា រឹងមាំ និង ធ្វើឱ្យយុវជនយើងចាកចេញឆ្ងាយពីគ្រឿងញៀនទៀតផង ។
លោកអភិបាលរងខេត្តបានបញ្ជាក់ទៀតថា ព្រឹត្តិការណ៍នេះ ជាផ្នែកមួយដើម្បីជម្រុញនិងលើកកម្ពស់វិស័យទេសចរណ៍នៅក្នុងខេត្ត សៀមរាប ។ ការរត់កម្សាន្តនេះក៏យើងទទួលបានបទពិសោធន៍មួយចំនួន ដើម្បីបន្តធ្វើការហ្វឹកហាត់ កងកម្លាំងយើង និង ពង្រឹងស្មារតីកីឡា គ្រប់គ្រងនូវកាយសម្បទាកងកម្លាំងឱ្យរឹងមាំ និងមានប្រសិទ្ធភាពខ្ពស់ ។
លោកបានបន្តថា កម្មវិធីកីឡារបស់កងរាជអាវុធហត្ថខេត្ត បានកំណត់នូវរៀងរាល់ពាក់កណ្តាល ខែនីមួយៗ បងប្អូនគ្រប់វ័យ មកជួបជុំគ្នារត់កម្សាន្ត ដើម្បីសុខភាព នៅបរិវេណសួនច្បារព្រះរាជដំណាក់ខេត្តសៀមរាប។ ម្យ៉ាងទៀតកម្មវិធីហាត់ប្រាណ មានគ្រប់រូបភាព ដូចជាការរាំ ឡើងភ្នំ ជឹះកង់ រត់ និងការដើរយូរក៏ជាប្រភេទនៃសកម្មភាពរាងកាយដែលអាចផ្តល់អត្ថប្រយោជន៍ដល់យើងផងដែរ ។
ម្យ៉ាងទៀតអាស្រ័យលើយើងទាំងស្រុង ដោយផ្អែកលើសុខភាពរបស់យើងក្នុងការសម្រេចចិត្តលើទម្រង់នៃសកម្មភាពរាងកាយដែលយើងចង់ទទួលយក និងចូលរួមជារៀងរាល់ថ្ងៃនេះនឹងរក្សាការហាត់ ប្រាណរបស់យើងគួរឱ្យចាប់អារម្មណ៍។ លំហាត់ប្រាណ ឬសកម្មភាពរាងកាយទៀង ទាត់ក្នុងទម្រង់ណាមួយមិនត្រឹមតែជួយអ្នកដុតកាឡូរីប៉ុណ្ណោះទេ ថែមទាំងធ្វើឱ្យការគេងលក់ស្រួល បង្កើនទំនុកចិត្តលើខ្លួនឯង ធ្វើឱ្យសុខភាពផ្លូវចិត្តប្រសើរឡើង និងជួយឱ្យអ្នកសកម្ម និងរីករាយពេញមួយថ្ងៃ ខណៈពេលដែលជួយអ្នកឱ្យ ជៀសផុតពីបញ្ហាសុខភាពជាច្រើន។ ការអនុវត្ត ហ្វឹកហ្វឺនកម្លាំងជាមួយនឹងភាពទៀងទាត់របស់យើង ។ ការធ្វើលំហាត់ប្រាណ របបអាហារ នឹងធ្វើឱ្យសាច់ដុំរឹងមាំ និងសុខភាពសរសៃឈាមបេះដូងប្រសើរឡើងផងដែរ។
ក្នុងនោះដែរ លោកឧត្តរមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្ត បានលើកឡើងថា ការហាត់ប្រាណ និង លេងកីឡា បានធ្វើឱ្យកាយសម្បទាយើងមានភាព រឹងមាំ និង ប្រាជ្ញាវៃឆ្លាត ព្រមទាំងបង្កើននូវចំណងមិត្តភាព សាមគ្គីភាពល្អ ហើយក៏ជាការហ្វឹកហាត់ កងកម្លាំងយើង គ្រប់គ្រងនូវកាយសម្បទាកងកម្លាំងឱ្យរឹងមាំ និងមាន ប្រសិទ្ធភាពខ្ពស់ ក្នុងប្រតិបត្តិការ លើកការ បង្កា បង្ក្រាបនូវរាល់បទល្មើស និងសង្គ្រោះ។
លោកបានបញ្ជាក់ថា នៅរៀងរាល់ល្ងាចថ្ងៃ អង្គារ ក្នុងមួយសប្តាហ៍ ហាត់ប្រាណប្រចាំសប្តាហ៍ ដោយមានមន្ត្រីរាជការ កងរាជអាវុធ ហត្ថ និងមហាជនចូលរួម នាវេលាម៉ោង១៧ និង ៣០នាទី ព្រឹក។
លោកមេបញ្ជាការ ក៏ បានលើកនូវកម្មវិធីរត់កម្សាន្តកងរាជអាវុធ ហត្ថខេត្ត បានកំណត់ក្នុងមួយខែ ជួបជុំគ្នារត់កម្សាន្ត នៅពាក់កណ្តាលខែនីមួយៗ នៅថ្ងៃ សៅរ៍ ឬ អាទិត្យ ដើម្បីបានថ្នាក់ដឹកនាំ មន្ត្រីរាជការ កងកម្លាំង និង ប្រជាពលរដ្ឋ យុវជន សិស្សានុសិស្សអញ្ជើញចូលរួម បង្កើនភាពស្និទ្ធស្នាល រវាងកងកម្លាំងជាមួយប្រជាពល រដ្ឋ និង អន្តរជាតិ ។ លោកក៏បានថ្លែងអំណរ គុណដល់សប្បុរសជន ដែលបានឧបត្ថម្ភ គាំទ្រ កម្មវិធីរត់កម្សាន្តជាមួយកងរាជអាវុធ ហត្ថខេត្ត នៅលើទឹកដីទេសចរណ៍វប្បធម៌ប្រវត្តិសាស្ត្រធម្មជាតិនេះ ៕
ចែករំលែកព័តមាននេះ