រាជធានីភ្នំពេញ ៖ រថយន្តលាយបេតុង១គ្រឿងបានបើកបរក្នុងល្បឿនលឿន បន្ទាប់មកបានជ្រុលទៅបុក និងកិនម៉ូតូម៉ាកហុងឌ្រីម១គ្រឿងពីក្រោយ ខណៈពេលបើកបរធ្វើដំណើរទៅដល់ត្រង់ចំណុចផ្លូវខ្វែងមួយកន្លែង ។ ប៉ុន្តែជាសំណាងល្អបុរសម្នាក់ដែលជាអ្នកបើកបរម៉ូតូបានលោតចេញទាន់ ទើបគ្មានគ្រោះថ្នាក់កើតឡើង ហើយបានបង្កឲ្យគាត់ទទួលរងការភ័យខ្លាចព្រលឹងចុងសក់…
រាជធានីភ្នំពេញ ៖ រថយន្តលាយបេតុង១គ្រឿងបានបើកបរក្នុងល្បឿនលឿន បន្ទាប់មកបានជ្រុលទៅបុក និងកិនម៉ូតូម៉ាកហុងឌ្រីម១គ្រឿងពីក្រោយ ខណៈពេលបើកបរធ្វើដំណើរទៅដល់ត្រង់ចំណុចផ្លូវខ្វែងមួយកន្លែង ។ ប៉ុន្តែជាសំណាងល្អបុរសម្នាក់ដែលជាអ្នកបើកបរម៉ូតូបានលោតចេញទាន់ ទើបគ្មានគ្រោះថ្នាក់កើតឡើង ហើយបានបង្កឲ្យគាត់ទទួលរងការភ័យខ្លាចព្រលឹងចុងសក់ ។ គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១និង៤០នាទីរសៀលថ្ងៃទី១២ ខែកក្កដា ឆ្នាំ២០១៨ នៅតាមបណ្តោយផ្លូវ២១៧ ស្ថិតនៅក្នុងភូមិបាគូស សង្កាត់ដង្កោ ខណ្ឌដង្កោ ។
តាមប្រភពព័ត៌មានបានឲ្យដឹងថា នៅមុនពេលកើតហេតុយុវជនខាងលើជិះម៉ូតូម៉ាកហុងដាឌ្រីមសេ១២៥ ពណ៌ខ្មៅស៊េរីឆ្នាំ២០១១ ពាក់ស្លាកលេខភ្នំពេញ 1AV-8352 តែម្នាក់ឯងធ្វើដំណើរពីទិសដៅពីលិចទៅកើត ។ លុះដល់ចំណុចកើតហេតុដែលជាចំណុចផ្លូវខ្វែង ស្រាប់តែមានរថយន្តលាយបេតុងមួយគ្រឿង ពណ៌សពាក់ស្លាកលេខភ្នំពេញ 5A -0814 បើកបរពីទិសដៅពីជើងទៅត្បូងបានទៅដល់ល្មម ហើយរថយន្តនេះជាន់ហ្វ្រាំងមិនជាប់ក៏បានជ្រុលទៅបុកពីក្រោយអ្នកជិះម៉ូតូ ។ ប៉ុន្តែខណៈនោះជនរងគ្រោះលោតចេះទាន់ទើបគ្មានគ្រោះថ្នាក់ ចំណែកម៉ូតូបានដួលខ្ទាតចូលក្រោមកង់រថយន្តកិនរងការខូចខាតទាំងស្រុង ។
ក្រោយពេលកើតហេតុកម្លាំងនគរបាលចរាចរណ៍ខណ្ឌដង្កោបានចុះទៅធ្វើការវាស់វែង និងបានសម្រួលចរាចរណ៍មិនឲ្យមានការកកស្ទះ រួចបានយករថយន្តបង្ក និងម៉ូតូរងគ្រោះទៅរក្សាទុកនៅអធិការដ្ឋាននគរបាលខណ្ឌដង្កោ ដើម្បីដោះស្រាយគ្នានៅពេលក្រោយ ៕
ចែករំលែកព័តមាននេះ