រាជធានីភ្នំពេញ ៖ បុរសម្នាក់លើកម៉ូតូមួយគ្រឿងម៉ាកវីវ៉ា ពណ៌ក្រហម ដាក់លើរថយន្តយកទៅជួសជុលមិនបានប្រយ័ត្នក៏ធ្លាក់ដែកកេះចំសាំងបណ្តាលឱ្យឆាបឆេះម៉ូតូយ៉ាងសន្ធោសន្ធៅ រួចយកបំពង់ពន្លត់អគ្គីភ័យបាញ់អស់២បំពង់ទើបរលត់ ។ ហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ថ្ងៃទី១០ ខែកក្កដា ឆ្នាំ២០១៨…
រាជធានីភ្នំពេញ ៖ បុរសម្នាក់លើកម៉ូតូមួយគ្រឿងម៉ាកវីវ៉ា ពណ៌ក្រហម ដាក់លើរថយន្តយកទៅជួសជុលមិនបានប្រយ័ត្នក៏ធ្លាក់ដែកកេះចំសាំងបណ្តាលឱ្យឆាបឆេះម៉ូតូយ៉ាងសន្ធោសន្ធៅ រួចយកបំពង់ពន្លត់អគ្គីភ័យបាញ់អស់២បំពង់ទើបរលត់ ។ ហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ថ្ងៃទី១០ ខែកក្កដា ឆ្នាំ២០១៨ តាមបណ្តោយផ្លូវ១៣៦ នៅចំណុចមុខផ្ទះលក់មីឆា ស្ថិតនៅក្នុងសង្កាត់ផ្សារថ្មី២ ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់យកម៉ូតូមួយគ្រឿងម៉ាកវីវ៉ា ពណ៌ក្រហម ពាក់ស្លាកលេខ ភ្នំពេញ ១I-៨២៣១ ដាក់នៅលើរថយន្តមួយគ្រឿងពណ៌ស បំរុងនឹងដឹកយកទៅម្តុំបឹងស្នោ គាត់ក៏ឈប់រថយន្តនៅក្បែរនឹងចំណតរថយន្តមួយកន្លែងដើម្បីជួសជុលមួយភ្លែត ចៃដន្យអីក៏ហៀរសាំង ហើយធ្លាក់ដែកកេះចេញពីហោប៉ៅរបស់បុរសម្នាក់នោះបង្កអោយឆាបឆេះម៉ូតូយ៉ាងសន្ធោសន្ធៅ សំណាងល្អបានបំពង់ពន្លត់អគ្គីភ័យរបស់អ្នកនៅជិតខាងយកមកបាញ់ពន្លត់អស់២បំពង់ទើបរលត់ ប៉ុន្តែម៉ូតូវីវ៉ាបានរងការខូចខាតរលួយអស់ស្ទើរទាំងស្រុង ។
ក្រោយពេលកើតហេតុ សមត្ថកិច្ចមកដល់ចំណុចកើតហេតុពិនិត្យមើលទៅឃើញថាមិនមានពាក់ព័ន្ធព្រទ្យសម្បត្តិសាធារណៈទើបអោយម្ចាស់យកម៉ូតូត្រឡប់ទៅផ្ទះវិញ ៕
ចែករំលែកព័តមាននេះ