រាជធានីភ្នំពេញ ៖ លោកគ្រូបង្រៀនម្នាក់ត្រូវចរន្តអគ្គិសនីឆក់ស្លាប់ ខណៈដែលរៀបចំតភ្លើង ដាក់ម៉ូទ័របូមទឹក ពីជាន់ក្រោមទៅជាន់លើនៅផ្ទះជួលរបស់ខ្លួន។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣ និង៣០នាទីរសៀល ថ្ងៃទី០៩…
រាជធានីភ្នំពេញ ៖ លោកគ្រូបង្រៀនម្នាក់ត្រូវចរន្តអគ្គិសនីឆក់ស្លាប់ ខណៈដែលរៀបចំតភ្លើង ដាក់ម៉ូទ័របូមទឹក ពីជាន់ក្រោមទៅជាន់លើនៅផ្ទះជួលរបស់ខ្លួន។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣ និង៣០នាទីរសៀល ថ្ងៃទី០៩ ខែកក្កដា ឆ្នាំ២០១៨ នៅចំនុចផ្ទះលេខA៦ ផ្លូវខាងសារិន ក្រុមទី៧ ភូមិបឹងសាឡាង សង្កាត់ឫស្សីកែវ ខណ្ឌឬស្សីកែវ។
ជនរងគ្រោះដែលត្រូវ ចរន្តអគ្គិសនីឆក់ស្លាប់នោះ ឈ្មោះ ស៊ូ សុធា អាយុ៤៧ឆ្នាំ ជនជាតិខ្មែរ ជាគ្រូបង្រៀននៅវិទ្យាល័យ បឹងកេងកង មានទីលំនៅផ្ទះលេខ៤២ សង្កាត់ទឹកល្អក់៣ ខណ្ឌទួលគោក។ តាមព័ត៌មានឲ្យដឹងថា នៅមុនពេលកើតហេតុ លោកគ្រូរូបនោះបានមករៀបចំប្រព័ន្ធទឹកនៅផ្ទះរបស់ខ្លួន សម្រាប់ជួល ដោយតភ្លើង ដើម្បីដាក់ម៉ូទ័របូមទឹកឡើងទៅជាន់ទី១ និងទី២។
ខណៈដែលតភ្លើងខុសលក្ខណៈ បច្ចេកទេសក៏បណ្តាលឲ្យឆក់ខ្លួនស្លាប់នៅកន្លែងតែម្តង។ បន្ទាប់ពីឆក់ស្លាប់ នគរបាល ជំនាញក៏បានចុះទៅត្រួតពិនិត្យសពដោយបញ្ជាក់ថា សពពិតជាស្លាប់ដោយ ចរន្តអគ្គិសនីឆក់ស្លាប់ពិតប្រាកដមែន។ សពបានត្រូវបាននគរបាលប្រគល់ឲ្យក្រុមគ្រួសារនាំយក ទៅធ្វើបុណ្យតាមប្រពៃណី៕
https://youtu.be/d0RW5KTa_cQ
ចែករំលែកព័តមាននេះ