ខេត្តកោះកុង ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង២និង៤៥នាទីរំលងអធ្រាត្រឈានចូលថ្ងៃទី៤ កក្កដា ឆ្នាំ២០១៨នេះ កម្មការិនីចំនួន១១នាក់ដែលធ្វើការវេនយប់ក្នុងរោងចក្រយ៉ាហ្សាគិ ដែលស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង បានដួលសន្លប់ជាបន្តបន្ទាប់ដោយការភ័យរន្ឋត់នឹងសំឡេងផ្ទុះម៉ាស៊ីនត្រជាក់ ព្រមទាំងការឆួលក្លិនផ្សែងនៃការឆាបឆេះនោះ ។ ប្រភពព័ត៌មានបានឱ្យដឹងថា ភ្លាមៗនោះកម្មការិនីរងគ្រោះទាំង១១នាក់ត្រូវបានថៅកែរោងចក្រចាត់ចែងយករថយន្តដឹកមកសង្គ្រោះនៅក្នុងមន្ទីរពេទ្យបង្អែកខេត្ត ។ តាមការអះអាងរបស់ក្រុមគ្រូពេទ្យអោយដឹងថា កម្មការិនីទាំងនោះមានសភាពទន់ខ្សោយសុខភាព ដោយ
សារតែគាត់មិនបានសំរាក(ដេក)គ្រប់គ្រាន់នៅពេលថ្ងៃ ហើយពេលយប់ត្រូវធ្វើការមួយយប់ដល់ភ្លឺគឺចូលធ្វើការនៅម៉ោង៦ល្ងាចនិងចេញនៅម៉ោង៦ព្រឹក ។ ហេតុនេះពេលណាពួកគាត់ជួបហេតុការណ៍ភ័យរន្ឋត់ តែង
តែដួលសន្លប់ចៀសមិនផុតឡើយ ប៉ុន្តែមិនបណ្តាលអោយមានគ្រោះថ្នាក់ដល់អាយុជីវិតឡើយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ