ខេត្តស្វាយរៀង ៖ ជនសង្ស័យម្នាក់បែកថ្នាំមកពីភ្នំស្រួច ខេត្តកំពង់ស្ពឺចូលលួចម៉ូតូគេនៅក្រុងបាវិតត្រូវម្ចាស់ម៉ូតូឃើញទាន់ស្រែកឆោឡោនាំគ្នាដេញព័ទ្ធចាប់ប្រគល់ឲ្យសមត្ថកិច្ចចាត់ការតាមច្បាប់ ។ ករណីនេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី៣០ មិថុនា ២០១៨ នៅភូមិបាវិតកណ្តាល សង្កាត់បាវិត…
ខេត្តស្វាយរៀង ៖ ជនសង្ស័យម្នាក់បែកថ្នាំមកពីភ្នំស្រួច ខេត្តកំពង់ស្ពឺចូលលួចម៉ូតូគេនៅក្រុងបាវិតត្រូវម្ចាស់ម៉ូតូឃើញទាន់ស្រែកឆោឡោនាំគ្នាដេញព័ទ្ធចាប់ប្រគល់ឲ្យសមត្ថកិច្ចចាត់ការតាមច្បាប់ ។ ករណីនេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី៣០ មិថុនា ២០១៨ នៅភូមិបាវិតកណ្តាល សង្កាត់បាវិត ក្រុងបាវិត ។
ក្រោយពីចាប់ខ្លួនបានសមត្ថកិច្ចបានកសាងសំណុំរឿងបញ្ជូនមកសាលាដំបូងខេត្តស្វាយរៀងចាត់ការតាមនីតិវិធី លោកចៅក្រមបានចេញដីកាឃុំខ្លួនបណ្តោះអាសន្ននៅពន្ធនាគារខេត្តនាថ្ងៃទី០២ កក្កដា ២០១៨ វេលាម៉ោង៣និង៣០នាទីរសៀលនេះ ។
បើតាមសមត្ថកិច្ចបានបង្ហើបឲ្យដឹងថា ជនសង្ស័យឈ្មោះ អៀង គឹមឡុង ភេទប្រុស អាយុ២៩ឆ្នាំ មុខរបរមិនពិតប្រាកដ និងជាជនបែកថ្នាំ(ប្រើប្រាស់គ្រឿងញៀន) មានទីលំនៅភូមិ៤ ឃុំត្រែងតាយឹង ស្រុកភ្នំស្រួច ខេត្តកំពង់ស្ពឺ បានមកធ្វើសកម្មភាពលួចម៉ូតូ១គ្រឿង ស្លាកលេខវៀតណាម របស់ជនរងគ្រោះឈ្មោះ លី ប៊ុនសាក់ ភេទប្រុស អាយុ២៩ឆ្នាំ មុខរបរជាងឈើ មានទីលំនៅភូមិម៉ាក់ឃ្លឿង សង្កាត់ច្បាអំពៅ ខណ្ឌច្បារអំពៅ រាជធានីភ្នំពេញ មកស្នាក់នៅភូមិកើតហេតុខាងលើ ដោយជនរងគ្រោះដាក់បញ្ឃរទុកមិនបានដកសោ ហើយខណៈកំពុងធ្វើការឈូសឈើ ស្រាប់តែឃើញជនសង្ស័យឡើងបញ្ឆេះម៉ូតូជិះចេញទៅក៏ស្រែកឆោឡោឲ្យអ្នកជិតខាងជួយផ្អើលអ្នកធ្វើដំណើរតាមដងផ្លូវនាំគ្នាព័ទ្ធស្ទាក់ចាប់បាន រួចប្រគល់ជនសង្ស័យព្រមទាំងវត្ថុតាងម៉ូតូ ទៅឲ្យសមត្ថកិច្ចនគបាលក្រុងបាវិតចាត់ការតាមនីតិវិធី ។
ក្រោយពីសមត្ថកិច្ចសាកសួរជនសង្ស័យរួចក៏បានកសាងសំណុំរឿងបញ្ជូនជនសង្ស័យរួមទាំងវត្ថុតាងមកសាលាដំបូងខេត្តស្វាយរៀងចាត់ការតាមច្បាប់ លោកចៅក្រមក៏បានចេញដីកាឃុំខ្លួនជនសង្ស័យនៅពន្ធ នាគារបណ្តោះអាសន្នព្រមទាំងដកហូតម៉ូតូដែលជនសង្ស័យបានលួចរក្សាទុកជាភស្តុតាងនៅសាលាដំបូងដែរនៅថ្ងៃទី០២ កក្កដានេះមិនទាន់ប្រគល់ឲ្យម្ចាស់នៅឡើយទេ ទុកជាភស្តុតាងដាក់បន្ទុកជនសង្ស័យ ៕
ចែករំលែកព័តមាននេះ