ADផ្ទាំងផ្សព្វផ្សាយពាណិជ្ជកម្ម

Picture

ស្ទើរតែ​មិន​ជឿ ! មក​មើល​ក្រុមបាល់ទាត់​នារី​កម្ពុជា​ខ្លាំង​ដល់​ថ្នាក់​លត់​ក្រុម​នារី​ទី​ម័​រ​ខាងកើត 12-0

5 ឆ្នាំ មុន

ឥណ្ឌូណេសុី ៖ ក្រុមបាល់ទាត់​ជម្រើសជាតិ​នារី​កម្ពុជា​បាន​បង្ហាញភាពខ្លាំងរបស់ខ្លួនស្ទើរតែមិនជឿនឹងភ្នែក ដោយលត់​ក្រុម​បាល់ទាត់ជម្រើសជាតិ​នារី​ទី​ម័​រ​ខាងកើត​យ៉ាងចាស់ដៃដោយលទ្ធផលដល់ទៅ១២ទល់នឹង០ សម្រាប់​ការ​ប្រកួត​បើក​ឆាក​ពានរង្វាន់ AFF WOMEN’S CHAMPIONSHIP 2018 នៅ​ប្រទេស​ឥណ្ឌូ​ណេ​ស៊ី​…

ឥណ្ឌូណេសុី ៖ ក្រុមបាល់ទាត់​ជម្រើសជាតិ​នារី​កម្ពុជា​បាន​បង្ហាញភាពខ្លាំងរបស់ខ្លួនស្ទើរតែមិនជឿនឹងភ្នែក ដោយលត់​ក្រុម​បាល់ទាត់ជម្រើសជាតិ​នារី​ទី​ម័​រ​ខាងកើត​យ៉ាងចាស់ដៃដោយលទ្ធផលដល់ទៅ១២ទល់នឹង០ សម្រាប់​ការ​ប្រកួត​បើក​ឆាក​ពានរង្វាន់ AFF WOMEN’S
CHAMPIONSHIP 2018 នៅ​ប្រទេស​ឥណ្ឌូ​ណេ​ស៊ី​ កាលពីយប់​ថ្ងៃ​ទី​៣០ មិថុនា កន្លងទៅនេះ។

នៅក្នុងតង់ទី​១ ក្រុម​ជម្រើសជាតិ​នារី​កម្ពុជា​ពិតជាសហការគ្នាលេងបាន​យ៉ាង​ល្អ ដោយបញ្ជូន​
បាល់​ចូល​តំបន់​គ្រោះថ្នាក់​ជា​ច្រើន​ ​រហូត​មានឱកាសសុទ្ធបាល់បញ្ចូលទីគូប្រកួតរហូតដល់​៧​គ្រាប់​នៅនាទី​ទី​៩, ១២, ២០, ២៦, ៣៧, ៣៨ និង​នាទី​ទី៤៥+២​ ។ តួអង្គ​សំខាន់​ដែល​រក​បាន៧
គ្រាប់​នេះ​មានកីឡាការិនី ហួត គឹ​ម​ហុង​(៤គ្រាប់) និងកីឡាការិនីបាន ជា​វី​(៣គ្រាប់)។ ចំណែក​
ក្រុម​ជម្រើសជាតិនារី​ទី​ម័​រខាងកើត​មិន​អាច​រកបានគ្រាប់បាល់​ទេ​ដោយ​សារពួក​គេ​ខ្សោយ​ទាំង​បច្ចេកទេស និង​កម្លាំង​។

នៅក្នុងតង់ទី​២ ក្រុម​ជម្រើសជាតិ​នារី​កម្ពុជា​នៅ​តែ​លេងសម្រុកហាក់មិនយល់មុខគូប្រកួតទាល់តែសោះរហូតរកបាន​៥​គ្រាប់​បន្ថែមទៀត​នៅ​នាទី​ទី​៥៩, ៦២, ៦៣, ៦៥ និង៧០ដោយ​កីឡាការិនី​ហួត គឹមហុង(២គ្រាប់), ភឿន គន្ធា, ណន មិនា និងឆាយ ស្រីលាភ ម្នាក់១គ្រាប់ ​។ ក្រុម​ជម្រើសជាតិនារី​ទី​ម័​រខាងកើតក៏បា​ន​ព្យាយាមលេងណាស់​ដែរប៉ុន្តែ​នៅ​តែ​មិន​អាច​បំបែក​លទ្ធ
ផលពងមាន់​របស់​កម្ពុជា​ដដែល ​ធ្វើ​ឲ្យ​ចប់​ការ​ប្រកួត​ក្រុម​នារី​កម្ពុជា​ឈ្នះ​ក្រុម​នារី​ទី​ម័​រខាងកើត១២-០។

តាម​រយៈ​លទ្ធផល​នេះ ក្រុម​ជម្រើសជាតិ​នារី​កម្ពុជា​មាន​៣​ពិន្ទុ ឈរ​លើ​កំពូល​តារាង​ពូ​ល A ខណៈ​ក្រុម​ជម្រើសជាតិ​នារី​អូស្ត្រាលី​ក៏​មាន​៣​ពិន្ទុ​ដែរ ប៉ុន្តែ​ឈរ​នៅ​លេខ​រៀង​ទី​២ បន្ទាប់​ពី​ក្រុមនារី​មួយនេះយកឈ្នះ​ក្រុម​ជម្រើសជាតិ​នារី​ម៉ា​ឡេ​ស៊ី​ ។ នៅ​វេលាម៉ោង៧យប់ថ្ងៃ​ទី​២ ខែកក្កដា នេះ ក្រុម​នារី​កម្ពុជា​ត្រូវ​ជួប​ក្រុម​នារី​ម៉ា​ឡេ​ស៊ី​ជាបន្ត ដូច្នេះសូមរង់ចាំតាមដានទាំងអស់គ្នា ថាតើក្រុមនារីកម្ពុជាអាចយកឈ្នះគូប្រកួតរបស់ខ្លួន១ទៀតឬយ៉ាងណា ខណៈក្រុមនារីម៉ាឡេសុីហាក់មានសមត្ថភាពខ្លាំងជាងបែបនេះនោះ ៕

អត្ថបទសរសេរ ដោយ

កែសម្រួលដោយ